ཐང་གའི་རས་གཞི་བཟོ་བ་ལ།རས་གཞིར་འོས་པའི་རས་ནི་ཆབ་མདོའི་ལྷ་བཟོ་དབུ་ཆེན་ཚེ་དབང་བསམ་འགྲུབ་སོགས་ཀྱིས།འཇང་རས་དང་།མོན་རས།དབུས་ཀྱི་རས།ཀ་ཤི་ཀ་བཅས་རས་ཀྱི་རིགས་བཞིར་གསུངས་ཀྱང་།དེ་ནི་སྔོན་ཚེ་རས་ཀྱི་རིགས་འགའ་ཡང་མེད་ལ།ཡོད་པ་དེ་དག་ལས་ཀྱང་ལག་བཏགས་ཀྱི་རས་རྩུབ་འབོར་ཆེ་བས་གཞིར་མི་འོས་པས་གོང་གི་རས་ཀྱི་རྣམ་གྲངས་བཞི་པོ་ཁོ་ན་ཙམ་གསུངས་པ་སྣང་ལ།དེང་དུས་སུ་རས་ཀྱི་རིགས་མང་ཞིང་གོང་གི་རས་རིགས་བཞི་ལས་ཀ་ཤི་ཀ་ཙམ་མ་གཏོགས་མཐོང་རྒྱུ་མེད་པས་ངེས་པ་ཅན་དུ་མ་མཆིས་སོ་སྙམ་མོ།།