འཛམ་གླིང་སྟེང་ཆེས་ཆེ་བའི་ཡུལ་ཤུལ་གྱི་མ་ཎི་རྡོ་འབུམ།

ལྷ་མོ་ཚེ་སྐྱིད། མཚོ་སྔོན་པོ་དྲ་བ། 2012-06-07

ཡུལ་ཤུལ་གྱི་མ་ཎི་རྡོ་འབུམ།

མ་ཎི་རྡོ་འབུམ་ནི་རྡོ་ཡི་སྟེང་དུ་མ་ཎི་ཡིག་དྲུག་སོགས་ཆོས་ཀྱི་རིགས་བརྐོས་པའི་རྡོ་འབུམ་སྣ་ཚོགས་ཏེ། མདོ་དབུས་ཁམས་གསུམ་གྱི་ཡུལ་གྲུ་སོ་སོ་དང་། དགོན་པ་དང་སྡེ་བའི་ཉེ་འགྲམ། ཡང་ན་ལམ་འགྲམ་དང་རི་སྒང་སོགས་སུ་མཐོང་ཐུབ་ཀྱི་ཡོད་ཅིང་། སྐབས་འགར་ལུག་དང་གཡག་གི་རྭ་ཡིས་བརྒྱན་པར་བྱེད།

ཡུལ་ཤུལ་གྱི་མ་ཎི་རྡོ་འབུམ།

དེ་ཡང་མ་ཎི་སོགས་རྡོ་ཐོག་ཏུ་བརྐོ་བ་ནི་བོད་མིའི་གོམས་གཤིས་ཤིག་ཏུ་གྱུར་བ་ཡིན་ལ། རྡོ་ཐོག་ཏུ་མ་ཎི་སོགས་བརྐོས་ནས་ཚེ་འདི་ཕྱི་གཉིས་ལ་སྐྱབས་འཇུག་ཞུས་པའམ། ཚེ་འདས་ཀྱི་གཤིན་པོ་ཐར་བ་ཐོབ་པར་ཐར་མདོ་དང་རྡོ་རྗེ་གཅོད་པ་སོགས་བརྐོ་བ་རེད།

ཨ་མ་རྒན་མོ་ཞིག་གིས་མ་ཎི་རྡོ་འབུམ་ལ་སྐོར་བ་རྒྱག་པ།

བྱིས་པའི་རིག་པ་ཇེ་གསལ་དུ་འགྲོ་བའི་ཆེད་འཇམ་པའི་དབྱངས་ཀྱི་མཚན་དང་། བསམ་དོན་ཡིད་བཞིན་འགྲུབ་པར་གུ་རུ་རིན་པོ་ཆེའི་མཚན། ལྷག་པར་ཉེ་སྔོན་དར་ཆེ་བའི་ཁྱི་བསད་པའི་མནའ་དང་སྡིག་སྒྲིལ་སེལ་བར་སངས་རྒྱས་ཀྱི་མཚན་བརྐོ་བ་སོགས་དུ་མ་ཡོད།

ཡུལ་ཤུལ་གྱི་མ་ཎི་རྡོ་འབུམ།

ཡང་མཚོ་སྔོན་ཡུལ་ཤུལ་གྱི་མ་ཎི་རྡོ་འབུམ་ལ་ལོ300ཡར་སྔོན་གྱི་ལོ་རྒྱུས་ཡོད་ཅིང་། དེར་མ་ཎི་རྡོ་ཐེར་འབུམ2ལྷག་མཆིས་ཏེ་འཛམ་གླིང་སྟེང་ཆེས་ཆེ་བའི་མ་ཎི་རྡོ་འབུམ་ཡིན་པར་བརྗོད་ལ། ཅན་ཉེ་སི་འཛམ་གླིང་ཟིན་ཐོར་ཚུད་པར་ཡར་ཞུ་བྱས།

འཛམ་གླིང་སྟེང་ཆེས་ཆེ་བའི་ཡུལ་ཤུལ་གྱི་མ་ཎི་རྡོ་འབུམ།

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10