ངག་རྒྱུན་དུ་གྲགས་པ་ལྟར་ན།གླིང་གེ་སར་རྒྱལ་པོས་མཐའ་བཞིའི་དཔའ་ཐུལ་རྣམས་ལ་གཟིགས་ཞིབ་བྱེད་སྐབས།རྩྭ་ཐང་འདིའི་རྒྱ་ཧ་ཅང་ཆེ་ཞིང་མི་གྲངས་མང་བས་ཐང་ཆེན་འདིའི་སྟེང་གི་མི་ཚང་མར་གཟིགས་ཐུབ་མེད་པས།ཁོང་གིས་རྫུ་འཕྲུལ་གྱི་ངང་ནས་ཞབས་ཀྱིས་ས་ལ་ཤེད་ཀྱིས་བསྣན་པས་དེར་རྟ་ཅང་ཤེས་ཤིག་གི་མཐོ་དམའ་ཚད་ཡོད་པའི་དེའུ་འབུར་ཤིག་ས་ངོས་ནས་གྱེན་དུ་འཕགས་པ་རེད།  ཁོང་གིས་དེའུ་འབུར་གྱི་སྟེགས་བུ་དེའི་སྟེང་ནས་ཕྱོགས་སོ་སོའི་དཔའ་ཐུལ་རྣམས་ལ་གཟིགས་ཞིབ་བྱས་ཐུབ་བྱུང་ཡོད་པ་རེད།དེང་སྐབས་ཀྱི་དེའུ་འབུར་གྱི་སྟེགས་བུ་དེའི་དཀྱུས་དང་ཞིང་སོ་སོའི་རིང་ཚད་ལ་སྨི༥༣རེ་ཡོད་ཅིང་།མཐོ་ཚད་ལ་སྨི་གཅིག་ལྷག་ཡོད།ཡུལ་དེ་གའི་ངོ་མཚར་བའི་ངག་རྒྱུན་ཞིག་ཡོད་པ་ནི་དེའུ་འབུར་འདི་ལོ་རེ་རེ་བཞིན་ཇེ་མཐོར་འགྲོ་ཡི་ཡོད་པར་མ་ཟད་དེའུ་འབུར་འདིའི་ངོ་མཚར་བའི་བཤད་རྒྱུན་འདིའང་གྲགས་ཇེ་ཆེར་འགྱུར་བཞིན་ཡོད།ལོ་རེའི་བོད་ཟླ་ལྔ་པའི་ཚེས༡༣ཉིན་ར་འགོ་དགོན་པའི་གྲྭ་བཙུན་ཚོས་དེའུ་འབུར་འདིའི་སྟེང་ནས་གེ་སར་རྣམ་ཐར་འཁྲབ་སྟོན་དང་རི་བསང་སོགས་བྱེད་ཀྱིན་ཡོད་པར་མ་ཟད།ཡུལ་འདི་གའི་ལོ་རེའི་རྟ་རྒྱུག་འགྲན་བསྡུར་ཡང་ཐང་ཆེན་འདི་ནས་སྤེལ་གྱིན་ཡོད་པ་རེད།