ཐང་ཆེན་མེ་ལོང་དཀྱིལ་ནས།།

འུར་ཆ་རྐེད་ལ་ཐོགས་ཏེ།།

རྫི་གླུ་སིང་སིང་བཀུག་པའི།།

ཨ་ཅག་བློ་ལ་བབས་མོ།།

ཆུང་ནས་འདྲིས་པ་མིན་ལ།

ཁ་སང་འཕྲད་པ་མིན་པས།།

མི་འགྱུར་བརྩེ་བའི་དན་རྟགས།།

ཨ་གསར་སེམས་ཀྱིས་ལྷད་མེད།།

དཀར་དམར་ཚོན་གྱིས་བཅོས་པའི།།

གྲོང་ཁྱེར་བུ་མོ་མ་རེད།།

བས་མཐའི་ཡུལ་ནས་བཞད་པའི།།

སེམས་ཀྱི་མེ་ཏོག་ཅིག་ཡིན།།

བར་ཐག་རི་ཆུས་བཅད་ཀྱང་།།

སེམས་དང་བསམ་པ་མཐུན་པས།།

བརྩེ་བར་བརྩེ་བས་སྦྲེལ་ནས།།

མི་ཚེའི་འདུན་མ་གཏན་དགོས།།

དྲན་གདུང་སེམས་པས་མནར་ནས།།

ཁེར་རྐྱང་འདུག་བཟོད་མེད་ཀྱང་།།

ང་ལ་སྒུག་རོགས་གནང་དང་།།

འཚོ་བ་སྐྱིད་ཀྱིས་རོལ་ཆོག།

མི་ཁའི་རླུང་ལ་མ་སྐྲག།

བརྩེ་དུང་འགྱུར་བར་མ་དོགས།།

ཉིན་བཟང་ཚེས་བཟང་ཞིག་ལ།།

གཞིས་ཁྱིམ་གཅིག་ཏུ་འཛོམ་འགྲོ།

ཕ་མའི་བཀའ་བཀོད་མི་ཉན།།

ལས་དབང་ཡོད་ན་མེད་ན།།

ཞེ་དང་སྣང་བ་མཐུན་པས།།

མི་ཚེར་བཞི་ཤད་འབྲི་འགྲོ།།