བྱ་རྒོད་ཤ་ཟན་ཁྲོས་པའི་ཉམས་ཀྱིས་བབས།།

སྣུམ་གྱིས་ཟིན་པའི་རོ་མཚུན་གང་སར་ཡོད།།

གནས་ཆུང་དྲི་མ་བཙན་པོའི་དུར་ཁྲོད་དུ།།

མཆི་མ་རྡོག་པོ་འགའ་ཡི་སུག་རྗེས་ཡོད།།

ལས་ཀྱི་ལྷག་འཕྲོ་མི་ཡི་ཡུལ་དུ་བསྐྱུར།།

གདུང་བའི་དབྱངས་རྟ་དུར་ཁྲོད་ཀུན་ཏུ་ཁྱབ།།

མདའ་རྒྱང་ཁྲི་ཡི་མཚམས་སུ་སྐར་ཚོགས་འདར།།

རླུང་བུ་སྨྱོན་པ་མིག་གི་ཡོལ་བར་གྱུར།།

བླ་བྱ་ཐང་དཀར་སྡེར་ཞགས་བརྐྱངས་ཤིང་བབས།།

ང་ཡི་ཚོར་བའི་གཞི་ལ་ཟུག་གཟེར་སྐྱེས།།

ཉི་མར་དམར་མདངས་ཆགས་ཤིང་ངུ་སྙིང་སྟེར།།

ཟླ་བའི་གཟུང་ཐག་དུར་སའི་ལྟེ་བར་འཛུལ།།

འཆི་བ་ལམ་གྱི་རིམ་པ་དངངས་སྐྲག་ཅན།།

དོ་ནུབ་དུར་ཁྲོད་འགྲིམ་སྟེ་ལན་གཅིག་མྱངས།།