སྙིང་ལགས།
གུ་དཔལ་ཤིས། 2023-03-31
སྙིང་ལགས།
དུས་ཚོད་ཀྱི་འཆར་ཡན་ངོས་སུ།
མྱོང་མི་ཚར་བའི་ས་སྲོད་བྲིས་ཡོད།
མཚམས་སྤྲིན་གྱི་མེ་ལོང་གསལ་བས།
ཞེ་འདང་གི་འཛུམ་ཆུང་དཀྲོལ་འོང་།
སྙིང་ལགས།
གཙང་པོ་སྙན་པས།
རྨི་ལམ་གཅུན་དགོས་མི་འདུག།
སྨག་གི་གྲིབ་གཟུགས་འཁྱག་སྣང་མི་དགོས།
སྙིང་ལགས།
རྒྱང་རིང་ཁ་གཏད་དུ་འགྲེངས་པའི་དྲན་པ།
མཛེས་སྡུག་གི་ནམ་མཁའ་ཡངས་པོས།
སེམས་དྲོད་ཀྱི་ཉི་འོད་རྔུབ་ཆོག།
སྙིང་ལགས།
རྡུལ་ལ་ཡན་པའི་ཁམས།
འཚོ་བའི་དགའ་སྐྱོ་ནང་གི་ཞེ་
འདང་གི་མཛུབ་དཀྲིས་དམར་པོ།
སྙིང་ལགས།
བེམ་གཟུགས་སུ་འགྲེངས་པའི་རྣམ་ཤེས།
གངས་རིའི་ཕང་བ་རུ་བརྗིད་ཅིང་
རྔམ་པའི་གྲིབ་མ།
སྐྱེ་བ་ཚེ་རབས་སུ་བསགས་པའི་
དྲན་པའི་རྡུལ།
སྙིང་ལགས།
རླུང་དམར་གྱིས་སྤྲིན་པ་གཤགས་རུང་།
འཛུམ་མདངས་ཀྱི་ས་སྲོད་ཁོ་ན་སྙིང་དུ་སྡུག།
སྙིང་ལགས།
ཚོར་བའི་ཁམས་ཀློང་དུ།
འུ་གཉིས་གཞིས་བྱེས་ལྷན་འཛོམས་ཡིན།
དོ་སྣང་ཆེ་བའི་རྩོམ།
རྩོམ་གསར། 10
སེམས་འགྱུ་ངོས་ཀྱི་སྒྱུ་འཕྲུལ།- སྙིང་ལགས།
- ནགས་ཚལ་རྩྭ་ཐང་གི་མེ་ཟོན་ཉེན་སྟོན་ཉིན་མོའི་དྲིལ་བསྒ
- ཞི་ཅིན་ཕིང་གིས་མུའུ་ཧན་མོ་ཏེ་དང་ཞལ་པར་ཐོག་ནས་བཀའ་མ
- དཀར་མཛེས་རྫོང་གིས་གད་སྙིགས་གཙང་འཕྱག་ལས་དོན་ཧུར་ཐག་
- 《ཞི་ཅིན་ཕིང་གི་རྒྱལ་ཁབ་ཀྱི་འབྲུ་རིགས་བདེ་འཇགས་སྐོར
- སྡེ་རོང་རྫོང་གི་ཆེས་མཛེས་པའི་བུ་མོ་བདམས་ཐོན་བྱུང་།
- རླབས་ལ་སིམ་པའི་འཆར་རྟོག།
- ཁ་པར་འོག་གི་འཇིག་རྟེན།
- བརྒྱད་ཟིལ་རྫོང་གིས་སྤྱི་ཚོགས་ཅན་གྱི་ཞབས་ཞུ་སྤེལ་ནས