ཤེས་རབ་སྨྲ་བའི་ལྷ་ལ་ཕྱག་འཚལ་ལོ།།

བདག་སོགས་རིག་པ་རྟུལ་པོ་གྱུར་རྣམས་ལ།།

ཁྱེད་ཀྱིས་ཤེས་རབ་རལ་གྲི་ཕྱར་བ་ཡིས།།

མ་རིག་རྨོངས་པ་རྩ་ནས་གཅད་པར་མཛོད།།

རལ་གྲིའི་མེ་ལྕེ་རབ་ཏུ་རྣོ་ངར་བས།།

བདག་སོགས་རིག་པར་མེ་ཆེན་སྤར་བར་མཛོད།།

ཕྱྭ་རྗེ་ཡབ་ལྷ་རྣམས་ལ་ཕྱག་འཚལ་ལོ།།

བདག་སོགས་དབུལ་ཞིང་ཕོངས་པའི་སེམས་ཅན་ལ།།

ཕྱྭ་དང་གཡང་གི་འདོད་འཇོའི་དངོས་གྲུབ་སྩོལ།།

རྒྱུ་ནོར་ཕུན་སུམ་ཚོགས་པའི་བཀྲ་ཤིས་ཀྱིས།།

ལོངས་སྤྱོད་ལྷ་ལ་འགྲན་པའི་དཔལ་ཡོན་ཞིག །

ད་ནས་རྟག་ཏུ་བདག་སོགས་སྐལ་གནང་མཛོད།།

ཡི་དམ་ལྷ་ཚོགས་རྣམས་ལ་ཕྱག་འཚལ་ལོ།།

བདག་སོགས་ཉམ་ཆུང་དམན་པའི་བྱ་གཞག་ལ།།

སྐྱབས་དང་སྡོང་གྲོགས་ཡང་ཡང་མཛོད་ཅིག་ཀྱེ།།

རྩེ་གཅིག་སྙིང་ནས་ཁྱེད་ལ་གསོལ་བ་འདེབས།།

ལོ་འདིའི་རྐྱེན་ངན་བར་ཆད་བགེགས་རིགས་ཀུན།།

མཐའ་ཡས་མུན་པ་ཆེན་པོར་སྤྱུག་ཏུ་གསོལ།།

འོད་ཟེར་དགུ་བ།