རྒྱལ་དབང་སྐུ་ཕྲེང་ལྔ་བ་རྒྱལ་མཆོག་བློ་བཟང་རྒྱ་མཚོ་ནི་རྒྱལ་བ་རིན་པོ་ཆེའི་སྐུ་ཕྲེང་རིམ་བྱོན་གྱི་ནང་ནས་ཆོས་སྲིད་གཉིས་ཀའི་ཐོག་མཛད་རྗེས་དང་མཚན་སྙན་ཤིན་ཏུ་ཆེ་བའི་གྲས་ཤིག་ཡིན།ཁོང་ནི་ལྷོ་ཁ་འཕྱོངས་རྒྱས་འཕྱིང་དབར་སྟག་རྩེར་ཡབ་བདུད་འདུལ་རབ་བརྟན་དང་ཡུམ་ཁྲི་ལྕམ་ཀུན་དགའ་ལྷ་མཛེས་ཀྱི་སྲས་སུ་བོད་རབ་བྱུང་བཅུ་བའི་མེ་སྦྲུལ་༡༦༡༧ལོར་སྐུ་འཁྲུངས།དགུང་ལོ་དགུ་པར་པཎ་ཆེན་རིན་པོ་ཆེས་མཁན་པོ་དང་།ཁྲི་ཆེན་དཀོན་མཆོག་ཆོས་འཕེལ་གྱིས་ལས་སློབ་མཛད་དེ་དགེ་ཚུལ་གྱི་སྡོམ་པ་བཞེས།མཚན་ངག་དབང་བློ་བཟང་རྒྱལ་མཚོ་ཙེས་གསོལ་ཞིང་།དགེ་ལུགས་ཀྱི་དབང་ལུང་ཁྲིད་སོགས་མན་ངག་གསན།དགུང་ལོ་ཉེར་ལྡ་བཞེས་པ་བོད་ལྕགས་འབྲུག་༡༦༤༡ལོར་གོོ་ཤྲི་བསྟན་འཛིན་ཆོས་རྒྱལ་གྱི་དམག་དཔུང་དབུས་སུ་འོང་ཏེ་གཙང་བ་རྒྱལ་པོའི་སྲིད་གཞུང་གཏོར་ཕམ་བཏང་རྗེས།དེའི་ཕྱི་ལོར་གཞིས་ཀ་རྩེར་གདན་དྲངས་ཐོག་དངོས་འབུལ་ཤིན་ཏུ་རྒྱ་ཆེ་དང་བཅས་བོད་ས་གནས་ཡོངས་རྫོགས་ཕྱག་ཏུ་ཕུལ་བ་ལྟར་བོས་ས་གནས་དགའ་ལྡན་ཕོ་བྲང་གི་སྲིད་དབང་འཚུགས་ནཔ་གནང་ཞིང་།ཐོག་མའི་སྡེ་སྲིད་དུ་ཕྱག་མཛོད་བསོད་ནམས་ཆོས་འཕེལ་བསྐོ་གཞག་མཛད།དགུང་ལོ་སོ་དྲུག་པ་ཆུ་འབྲུག་༡༦༥༢ལོར་སྐུ་འཁོར་སུམ་སྟོང་ལྷག་ཙམ་དང་བཅས་བྱང་ལམ་དང་།མཚོ་སྔོན་བརྒྱུད་པེ་ཅིན་ལ་ཕེབས་ནས་མན་ཆིན་གོང་མ་དང་པོ་ཧྲུན་ཀྲི་དང་མཇལ་འཕྲལ་གནང་པ་སོགས་ཆོས་སྲིད་ལུགས་གཉིས་ལ་མཛད་བཟང་བླ་ན་མེད་པ་བསྐྲུན་ཡོད།གསུང་རྩོམ་སྐོར་ལ་རང་རྣམ་དང་།རྩ་བའི་བླ་མ་ཁག་གི་རྣམ་ཐར།བོད་ཀྱི་རྒྱལ་རབས་ལོ་རྒྱུས།སྙན་ངགམཚན་ཉིད་རིག་པ།ཁྲིམས་ཡིགགནས་དགོན་མང་པོའི་དཀར་ཆགས་སྐྱའི་ཆོས་སྐོར།རྙིང་མའི་སྐོར།དཔར་བསྐྲུན་བྱས་མི་ཆོག་པའི་བཀའ་རྒྱ་མ་བཅས་པོད་གྲངས་སུམ་ཅུ་ལྷག་ཙམ་ཡོད།མཐར་རབ་བྱུང་བཅུ་གཅིག་པའི་ཆུ་ཁྱི་༡༦༨༢ལོར་དགོངས་པ་ཆོས་དབྱོངས་སུ་ཐིམ་པའི་ཙུལ་བསྟན།