རྗེ་འདི་ཉིད་བོད་ཆུ་བྱི་༨༩༢ལོར་ཙོང་ཁ་བདེ་ཁམས་སམ་འཕན་ཡུལ་ཞོགས་པར་འཁྲུངས།འདི་ཉིད་སྐྱ་བོའི་སྐབས་མཚན་ཀ་ར་འཕན་དང་།བོན་བསླབ་པས་བོན་མིང་མུ་གཟུ་གསལ།རབ་ཏུ་བྱུང་སྐབས་མཁན་སློབ་ཀྱི་མཚན་ལས་དྲངས་པས་དགེ་བ་རབ་གསལ་དང་ཕྱིས་ཐུགས་རབ་ཆེ་བས་དགོངས་བ་རབ་གསལ།བསྟན་པའི་མེ་རོ་བླངས་བླ་ཆེན་དུ་གྲགས་པ་བཅས་མཚན་གྱི་རྣམ་གྲངས་མང་།མཐར་དགུང་ལོ་ངབརྒྱད་ཅུ་གྱ་བཞི་པ་ཤིང་ཕག་ལོར་དགོངས་པ་ཆོས་དབྱིངས་སུ་ཐིམ་པའི་ཚུལ་བསྟན།ཁོང་གི་སློབ་མ་མཆོག་དྲུག་ནི་སྤ་གོར་ཡེ་ཤེས་གཡུང་དྲུང་དང་བར་གནས་བརྟན་གྲགས་པ་གཉིས་ལ་སྤ་གོར་གཉིས་དང་།ཇ་བ་གྲགས་པ་དང་བཙུན་པ་ཤེས་རབ་འབྱུང་གནས་གཉིས་ལ་ཇ་ཅོག་གཉིས།འལ་པ་རྡོ་རྗེ་དབང་ཕྱུག་དང་བསྣུབས་ལབ་ཤི་དཔལ་གྱི་དབང་ཕྱུག་གཉིས་ལ་འལ་བསྣུབས་གཉིས་བཅས་དང་།དེ་བཞིན་བཞད་སྲགས་གཉིས།ཟོང་འཚུར་གཉིས།དབུས་གཙང་མི་བཅུ་ལ་སོགས་སློབ་མ་མང་དུ་བྱུང་ངོ་།།