ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཀྲང་ཏི་ཅང་ཟླ་གཉིས་པའི་ཚེས་ཉེར་གཅིག་དང་ཉེར་གཉིས་ཉིན་གཉིས་ལ། ཐེན་ཅིན་གྲོང་ཁྱེར་གྱི་ཆ་འཕྲིན་ལག་རྩལ་དང་ཁོར་ཡུག་སྲུང་སྐྱོབ། དངུལ་རྩ། ནུས་ཁུངས་གསར་བ་སོགས་ཁེ་ལས་འབྲིང་ཆུང་བཅུ་ལྷག་ལ་ཕེབས་ཏེ་བྱ་བར་རྟོག་ཞིབ་མཛད། འདི་ནི་ཟླ་གཉིས་པའི་ཚེས་ཉེར་གཉིས་ཉིན། ཀྲང་ཏི་ཅང་གིས་ཧྥུའུ་ཐུང་གློག་འགོག་མེད་པའི་ལག་རྩལ་བཀོལ་སྤྱོད་ཚད་ཡོད་ཀུང་ཟི་ནས་གློག་འགོག་མེད་པའི་ལག་རྩལ་བཀོལ་སྤྱོད་ཚོད་ལྟ་ཁང་དུ་གཟིགས་ཞིབ་མཛད་པའི་ཚུལ་རེད།

འདི་ནི་ཟླ་གཉིས་པའི་ཚེས་ཉེར་གཉིས་ཉིན། ཀྲང་ཏི་ཅང་གིས་ཐེན་ཅིན་ཐེན་ཏུས་ཝེ་ཡེ་གཞི་གྲངས་ཚན་རྩལ་ཚད་ཡོད་ཀུང་ཟིའི་ཚོང་གཉེར་ལྟེ་གནས་ཀྱི་ལས་བྱེད་མི་སྣར་བྱམས་བརྩེའི་ངང་གླེང་མོལ་བྱེད་པའི་ཚུལ་རེད། 
 

ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཀྲང་ཏི་ཅང་ཟླ་གཉིས་པའི་ཚེས་ཉེར་གཅིག་དང་ཉེར་གཉིས་ཉིན་གཉིས་ལ། ཐེན་ཅིན་གྲོང་ཁྱེར་གྱི་ཆ་འཕྲིན་ལག་རྩལ་དང་ཁོར་ཡུག་སྲུང་སྐྱོབ། དངུལ་རྩ། ནུས་ཁུངས་གསར་བ་སོགས་ཁེ་ལས་འབྲིང་ཆུང་བཅུ་ལྷག་ལ་ཕེབས་ཏེ་བྱ་བར་རྟོག་ཞིབ་མཛད་པ་དང་། ཁེ་ལས་ཀྱི་ཐོན་སྐྱེད་དང་ཚོང་གཉེར་གནས་ཚུལ་དང་འཕྲད་པའི་དཀའ་ཁག་དང་གནད་དོན་སྐོར་ཞིབ་མོར་དྲིས།

རྟོག་ཞིབ་བྱེད་སྐབས། ཀྲང་ཏི་ཅང་གིས་ཏང་གི་ཚོགས་ཆེན་ཐེངས་བཅོ་བརྒྱད་པའི་དགོངས་དོན་ཕྱོགས་ཡོངས་ནས་ལག་བསྟར་དང་དངོས་འབེབས་བྱེད་པ་དང་། འཕེལ་རྒྱས་ནི་གནས་ལུགས་ངོ་མ་ཡིན་པའི་འཐབ་ཇུས་བསམ་བློ་དེ་རྒྱུན་འཁྱོངས་བྱས་ཏེ། ཐབས་བརྒྱ་ཇུས་སྟོང་གིས་ཁེ་ལས་འབྲིང་ཆུང་འཕེལ་རྒྱས་སུ་གཏོང་བར་མཐུན་རྐྱེན་བསྐྲུན་དགོས་པ་དང་། ཁེ་ལས་འབྲིང་ཆུང་རྒྱུན་སྲིང་དང་སྐྱོན་བྲལ་ངང་གོང་དུ་སྤེལ་བར་ཡར་སྐུལ་བྱེད་དགོས་ཞེས་ནན་གྱིས་བསྟན།