གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།

    གངས་དབང་གིས་བསྡུས་ཤིང་པར་བླངས།    2021-01-26

 

གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།

 སྨུག་པོ་གདོང་ཚང་གི་གནས་ཤུལ། 

      སྒ་སྐྱེ་རྒུ་མདོ་རུ་གེ་སར་རིག་གནས་བཤམས་སྟོན་ཁང་དང་། ཡུལ་ཤུལ་བོད་ཀྱི་རིག་གནས་དམངས་སྲོལ་བཤམས་སྟོན་ཁང་། གདོང་ཚང་གསུང་རབ་རྟེན་མཛོད་ཁང་བཅས་ཡུལ་ཤུལ་ས་ཁུལ་གྱི་བོད་ཀྱི་སྲོལ་རྒྱུན་རིག་གནས་ལ་རྒྱུས་ལོན་བྱེད་ས་ཡག་མོ་འགའ་འདུག་པ་ལས། གདོང་ཚང་གི་གསུང་རབ་ཅེས་པ་གོ་མྱོང་ཡང་མཇལ་མ་མྱོང་བས་རྟེན་མཛོད་ཁང་གི་བདག་པོ་ཡིས་སྣེ་ཁྲིད་དེ་མཇལ་དུ་སོང་བ་ཡིན། རྟེན་མཛོད་ཁང་ནང་ངོ་སྤྲོད་ཡི་གེ་འདི་འདྲ་ཞིག་སྦྱར་ཡོད་དེ། གདོང་ཚང་རྒྱལ་བའི་གསུང་རབ་རིག་མཛོད་ནི་དམངས་ཁྲོད་དུ་གནས་པའི་ལག་བྲིས་ཤུལ་བཞག་བྱས་པའི་གླེགས་བམ་གྱི་རིག་གཏེར་ཞིག་ཡིན་ལ། གདོང་ཚང་ཁྱིམ་རྒྱུད་ཀྱིས་མི་རབས་དུ་མར་གསར་བཞེངས་དང་རྒྱུན་འཛིན་བྱས་ནས་གྲུབ་པའི་རྒྱལ་བའི་གསུང་རབ་རིག་མཛོད་ཞིག་ཀྱང་ཡིན། དེ་སྤྱི་ལོ་དུས་རབས་བཅུ་པ་ནས་ཆིང་རྒྱལ་རབས་ལོ་འགོ་བར་ལ་གྲུབ་པས། གཙོ་ཆེར་གསུང་རབ་ཀྱི་སྐོར་པོད་དྲུག་བརྒྱ་ལྷག་ཙམ་ཡོད་ལ། གདོང་ཚང་རྒྱལ་བའི་གསུང་རབ་རིག་མཛོད་འདིའི་ནང་དོན་ལ། རྒྱལ་བའི་བཀའ་འགྱུར་དང་བསྟན་འགྱུར། རྒྱུད་འབུམ། འབུམ་རྒྱས་འབྲིང་བསྡུས་གསུམ་ཆ་ཁ་ཤས་བཅས་ཀྱིས་གཙོ་ཆེར་གྲུབ་ཡོད་ལ། ཤོག་ནག་དང་མཐིང་ཤོག  ཤིང་ཤུན་དང་། པགས་རིགས་སོགས་ཀྱི་ཐོག་ཏུ་གསེར་དངུལ་གཡུ། བྱུ་རུ་མཚལ་དང་སྣག་ཚ་བཅས་ཀྱིས་ལག་བྲིས་བྱས་ནས་བཞེངས་པའི་རྩ་ཆེན་གྱི་རིག་མཛོད་ཅིག་ཡིན།   

 གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།
གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།
གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།

གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།

  གདོང་ཚང་གི་རྒྱལ་བའི་གསུང་རབ་རིག་མཛོད་དེ་ད་ཡོད་ཀྱི་གསུང་རབ་པར་ཡིག་ལས་ལོ་བཞི་བརྒྱ་ལྷག་སྔ་བས། དེ་ལས་རྒྱལ་བའི་གསུང་རབ་བོད་དུ་སྔ་མོར་ནས་དར་བའི་རྣམ་པ་མངོན་འདུག   རང་རྒྱལ་ལས་དམངས་ཁྲོད་དུ་གནས་པའི་ཁྱིམ་རྒྱུད་ཀྱིས་བསྡུ་ཉར་དང་ལག་བྲིས་བྱས་པའི་རྒྱལ་བའི་གསུང་རབ་ཆེས་སྔ་མོ་ཞིག་ཡིན། ཡིག་འབྲུ་རེ་རེའི་གཟུགས་རིས་ལས་སྒྱུ་རྩལ་གྱི་ཉམས་འགྱུར་རྨད་དུ་བྱུང་བ་བཅས་ལས་སྐབས་དེ་དུས་ཀྱི་བོད་བརྒྱུད་ནང་བསྟན་གྱི་རིག་གཞུང་གི་གནས་སྟངས་གསལ་པོར་མཐོང་ཐུབ། གདོང་ཚང་གི་རྒྱལ་བའི་གསུང་རབ་རིག་མཛོད་བཀའ་འགྱུར་གྱི་པོད་དེ་དག་ལོ་ངོ་ཆིག་སྟོང་བརྒྱུད་ཀྱང་བརླག་མ་ཤོར་བ་ནི་ཁྱིམ་རྒྱུད་ཅིག་གིས་མི་རིགས་ཀྱི་རིག་གནས་འཛིན་སྐྱོང་སྤེལ་གསུམ་བྱས་པའི་སྤོབས་པ་མཚོན།

 གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།
 སྨུག་པོ་གདོང་ཚང་གི་ཁང་ཤུལ།

གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།
གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།

    འོ་ན། སྨུག་པོ་གདོང་ཚང་ཞེས་པ་ནི་ཇི་ལྟར་རེད་ཅེས་ན། སྨུག་པོ་གདོང་ཚང་ལ་མིང་གཞན་གདོང་གསེར་འཕྲུ་ཚང་ཡང་ཟེར། སྨུག་པོ་གདོང་ཚང་ནི་བོད་ཀྱི་རུས་ཆེན་བཞིའི་ནང་ཚན་ལྡོང་ལས་ཆད་པ་ཡིན་ཞིང་། ཁྱིམ་ཚང་དེ་རི་གདོང་སྨུག་པོ་ལ་ཡི་གེ་ཨ་དཀར་པོའི་རང་བྱུང་ཡོད་པ་ཞིག་གི་འདབས་སུ་གཞིས་བཟུང་ནས་བསྡད་པས་སྨུག་པོ་གདོང་ཚང་དུ་གྲགས། སྔོན་བོད་ཀྱི་ལོ་རྒྱུས་ནང་གི་སུམ་པ་རྒྱལ་ཕྲན་སྐབས་ནས་དར་རྒྱས་ཆེ་བའི་ཁྱིམ་ཚང་ཞིག་ཡིན་ལ། ཕྱིས་སུ་བོད་རྒྱལ་སྲོང་བཙན་གྱིས་སུམ་པ་དབང་དུ་བསྡུས། ཐང་གོང་མ་དང་གཉེན་ཉེའི་འབྲེལ་བ་བཙུགས། རྒྱ་བཟའ་ཀོང་ཇོ་ཐང་གི་རྒྱལ་ས་ཁྲང་ཨན་ནས་དབུས་ལ་ཕེབས་སྐབས། གོང་མ་བཙན་པོའི་བཀའ་བཞིན་སྨུག་པོ་གདོང་ཚང་གིས་མི་རྟ་བརྒྱ་ཕྲག་ཁ་ཤས་བཏང་སྟེ་མཚོ་སྐྱ་རེངས་སྔོ་རེངས་ནས་བསུ་མ་ཞུས། རྒྱ་བཟའ་ཀོང་ཇོས་ཀྱང་སྨུག་པོ་གདོང་ཚང་ལ་ཆོས་འཁོར་རྒྱ་ནག་མ་ཆ་གཅིག་དང་། པདྨ་ར་གའི་མཆོད་རྟེན་ལ་ཞི་བདེ་ཞེས་པའི་རྒྱ་ཡིག་ཡོད་པ་བཅས་གནང་བ་ད་ལྟའང་སྨུག་པོ་གདོང་ཚང་གི་ནང་རྟེན་དུ་བཞུགས། དེ་མིན་སྐབས་དེ་དུས་སུ་སྐུ་མགྲོན་བླ་དཔོན་སོགས་ཕེབས་སྐབས་མདུན་ཅོག་སྟེང་འདིང་རྒྱུ་རེད་ཅེས་རྒྱ་བྱ་དང་མེ་ཏོག  རྒྱ་ནག་ལྕགས་རི་བཅས་ཀྱི་རི་མོ་ཡོད་པའི་གདན་དམར་པོ་ཞིག་ཀྱང་ཉར་ཚགས་བྱས་འདུག  འཛམ་གླིང་ཡོངས་སུ་གྲགས་པའི་གླིང་གེ་སར་གྱི་སྐབས་གདོང་བེ་རུ་ཉི་མ་རྒྱལ་མཚན་གྱིས་གླིང་གི་ཕ་ཟོག་ནོར་བུ་ཆ་བདུན་ལས་ཕ་འབུམ་པོ་ཏི་བཅུ་གཉིས་ཀྱིས་གཙོས་པའི་སྨུག་པོ་གདོང་ཚང་གི་རིག་མཛོད་ཀྱི་རྨང་གཞི་བཙུགས། ཕྱིས་སུ་སྨུག་པོ་གདོང་ཚང་གི་མི་རབས་རྣམས་ཀྱིས་ཡོད་ཚད་ཆོས་དང་རིག་གཞུང་ལ་གཏོང་བའི་སྙིང་སྟོབས་དང་ཆོད་སེམས་ཆེན་པོས་ཁ་སྐོང་བྱས་ཏེ། ཤོག་ནག་དང་མཐིང་ཤོག་སོགས་ལ་གསེར་དངུལ་ལ་སོགས་པའི་རིན་པོ་ཆེས་རྒྱལ་བའི་བཀའ་འགྱུར་དང་བསྟན་འགྱུར་གྱིས་གཙོས་པའི་གསུང་རབ་རྒྱ་ཆེན་པོ་བཞེངས། ས་སྐྱ་པ་འགྲོ་མགོན་ཆོས་རྒྱལ་འཕགས་པའི་སྐབས་སྨུག་པོ་གདོང་ཚང་ནི་ནང་ཆེན་རྒྱལ་པོའི་མངའ་སྡེ་ཡིན་པས། ནང་ཆེན་རྒྱལ་པོས་གདོང་ཚང་ལ་གསེར་འཕྲུའི་ཐོབ་ཐང་གནང་བས་གདོང་གསེར་འཕྲུ་ཅན་ཚང་ཞེས་གྲགས་ཤིང་། ད་ལྟའང་ཡུལ་མི་རྣམས་ཀྱིས་དེ་ལྟར་འབོད།

གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།
གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།

    ཡུལ་ཤུལ་ཁུལ་མི་དམངས་སྲིད་གཞུང་གིས་རོགས་སྐྱོར་འོག་སྤྱི་ལོ༡༩༩༥ལོར་མི་རབས་ནས་མི་རབས་ལ་གཞིས་ཆགས་པའི་གདོང་རུ་སྒར་ནས་ཡུལ་ཤུལ་གྲོང་ཁྱེར་དུ་གནས་སྤོ་བྱས། ༢༠༠༨ལོར་རྒྱལ་ཁབ་ཀྱིས་མ་དངུལ་བཏང་སྟེ་གདོང་ཚང་རྒྱལ་བའི་གསུང་རབ་གཅེས་སྐྱོང་ཁང་བཞེངས་པའི་འགོ་བཙུགས་ཤིང་། ༢༠༡༠ལོར་ཡུལ་ཤུལ་ས་ཡོམ་གྱི་རྗེས་གསུང་རབ་གཅེས་སྐྱོང་ཁང་དེའི་ནང་དུ་སྤོས་ཤིང་སྲུང་སྐྱོང་བྱས། སྤྱི་ལོ༢༠༡༥ལོར་ཁུལ་མི་དམངས་སྲིད་གཞུང་གིས་གདོང་ཚང་རྒྱལ་བའི་གསུང་རབ་རྟེན་མཛོད་ཁང་བཞེངས་རྒྱུའི་འཆར་གཞི་བཞག་པ་ལྟར་སྤྱི་ལོ༢༠༡༧ལོར་ལེགས་པར་གྲུབ་བོ།།

གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།
གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།
གླིང་གི་རྗེས་ཤུལ་བཙལ་བ་ལས། ༨ གདོང་ཚང་གསུང་རབ་རྟེན་མཛོད་ཁང་།

     བདག་པོ་ཡིས་ཁྱིམ་རྒྱུད་དེ་ནི་སྨུག་པོ་གདོང་གི་རྒྱུད་པ་ཡིན་ལ། གླིང་ཕུ་ནུ་སུམ་ཅུ་ལས་བེ་རུ་ཉི་མ་རྒྱལ་མཚན་ནས་ཆད་དེ་ད་ལྟའི་བར་མི་རབས་ཉེར་བཞི་ཙམ་སོང་བར་བཤད། གསུང་རབ་རྟེན་མཛོད་ཁང་ནང་གི་བཀའ་འགྱུར་དང་བསྟན་འགྱུར་ལག་བྲིས་མའི་ཁྱད་ཆོས་ནི་བམ་པོའི་གྲངས་ཀ་མང་བ་དང་། པོ་ཏིའི་ཁ་བྱང་དུ་མཚམས་མཚམས་སུ་ཡི་གེ་ཆེ་བའི་ཐོག་ལ་ཆུང་བ་འདོན་ཐུབ་པ་ཙམ་བྲིས་ཡོད་པ། གླེགས་ཐག་གི་ཐོག་ལའང་མ་ཎི་སོགས་སྔགས་བརྐོས་ཡོད་པ། གསེར་ཆུ་དང་དངུལ་ཆུ། སྣག་ཚ་ནག་པོ་དང་དམར་པོ་ཡིས་ཤོག་གུ་ནག་པོ་དང་དཀར་པོ་ཐོག་ལ་བྲིས་པའི་ཡིག་གཟུགས་མི་འདྲ་བ་བཅས་ཁྱད་ཆོས་འབུར་དུ་ཐོན་པ་མང་པོ་ཡོད་དོ།།

  • ལེ་ཚན་སྔོན་མ།:གླིང་གི་རྗེས་ཤུལ་བཙལ་བ་ལས། ༧ རྟ་རྣ་དགོན་དང་གླིང་གི་གདུང་རྟེན།
  • ལེ་ཚན་རྗེས་མ།:གནས་སྐབས་མེད།
  • དོ་སྣང་ཆེ་བའི་རྩོམ།