དཀོན་མཆོག་བཀྲ་ཤིས། 2021-01-18
དུས་ཀྱི་རེས་འཁོར་དགུན་ཁ་སླེབས་སོང་།།
སྡོང་བོའི་ལོ་མ་ས་རུ་འཐོར་སོང་།།
མི་ཚེའི་སྐྱིད་ངོགས་ཁ་བར་དབང་སོང་།།
བརྗོད་པའི་སྙིང་གཏམ་གངས་ལ་
ཟགས་སོང་།།
གངས་རིའི་རང་མདངས་ཀུན་
ལ་མངའ་བས།།
དངུལ་དཀར་འཇིག་རྟེན་
རང་བྱོན་གྲུབ་སོང་།།
འཇིག་རྟེན་འཚོ་བའི་གྲུ་ཟུར་
ངོགས་ནས།།
དགུན་ཁའི་ཡུལ་ལྗོངས་མཛེས་
པར་སྣང་སོང་།།
ཆབ་རོམ་ཞུན་པ་དངུལ་ལ་འཁུ་ཞིང་།།
འོད་ཟེར་སྟོང་ལྡན་མིག་དབང་འཕྲོག་པས།།
བདག་བློའི་རབ་ཁ་འོད་ཀྱིས་ཁེངས་པ།།
ས་སྟེང་དངུལ་གྱིས་གང་བ་ཡིན་ནམ།།
དགུན་ཁའི་ཁ་བ་ལྷབ་ལྷབ་བབས་བྱུང་།།
རི་ལུང་ཐང་གསུམ་དཀར་པོར་བསྒྱུར་སོང་།།
གཡང་གི་ལྷས་རའི་དཀྱིལ་ལ་བབས་ནས།།
གཡང་གི་ཕྱྭ་གཡང་འཁྱེར་ནས་
སླེབས་སོང་།།
དགུན་ཟླ་རིང་མོ་གནས་འདིར་སླེབས་སོང་།།
དལ་འབབ་ཆུ་མོ་འཁྱགས་པས་བསྡམ་སོང་།།
དར་ཤུད་བྱེད་པའི་བྱིས་པའི་ཚོགས་ལ།།
སྤྲོ་བ་འབུམ་གྱི་འཛུམ་མདངས་བླུད་བྱུང་།།
དགུན་གྱི་བདག་མོ་མཁའ་ལས་བབས་སོང་།།
ཁྲུང་ཁྲུང་དཀར་མོ་ལྷོ་རུ་འཕུར་སོང་།།
བྱང་ཐང་སྐྱ་བོའི་ཡུལ་གྲུ་འདི་ནས།།
རྩྭ་སྐྱ་འཇག་མའི་ཤུགས་གླུ་རྒོད་དོ།།
གཡུ་ཡི་འཇིག་རྟེན་དངུལ་ལ་བསྒྱུར་བའི།།
ཡུལ་གྱི་དགུན་ཁའི་རང་མདངས་དྲན་བྱུང་།།
སློབ་རའི་ལྗོངས་ཀྱི་དགོད་སྒྲའི་གླིང་ནས།།
ཕ་ཡུལ་སྐྱིད་པོ་ལུང་བ་གླེང་ཡོད།།
དོ་སྣང་ཆེ་བའི་རྩོམ།
རྩོམ་གསར། 10