དཀར་མཛེས་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་གྲོས་ཚོགས་ཐེངས་བཞི་པ་དར་མདོར་འཚོག་འགོ་བཙུགས།

        2020-01-14

དཀར་མཛེས་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་གྲོས་ཚོགས་ཐེངས་བཞི་པ་དར་མདོར་འཚོག་འགོ་བཙུགས།

ཚོགས་ཆེན་གྱི་ཚོགས་ར།

   2020ལོའི་ཟླ་བ་དང་པོའི་ཚེས14ཉིན།  དཀར་མཛེས་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་གྲོས་ཚོགས་ཐེངས་བཞི་པ་དེ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྒྱལ་གླུ་བཀྲོལ་ལེན་ཁྲོད་དུ་དར་མདོའི་ཟློས་གར་ཁང་དུ་འཚོག་འགོ་ཚུགས་པ་རེད།

   ཚོགས་འདུར་ཞུགས་དགོས་པའི་འཐུས་མི272ཡོད་ཅིང་།ཐེངས་འདིར་འཐུས་མི253ཞུགས་ཡོད་པས་ཁྲིམས་འབེབས་མི་གྲངས་དང་མཐུན་པ་རེད།


དཀར་མཛེས་བོད་རིགས་རང་སྐྱོང་ཁུལ་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་གྲོས་ཚོགས་ཐེངས་བཞི་པ་དར་མདོར་འཚོག་འགོ་བཙུགས།

ཁུལ་ཨུ་ཧྲུའུ་ཅི་ལིའུ་ཁྲེང་མིང་གིས་ཚོགས་ཆེན་གཙོ་འགན་བཞེས་བཞིན་པ།

    ཐེངས་འདིའི་ཚང་འཛོམས་གྲོས་ཚོགས་ཀྱི་ལག་བསྟར་ཀྲུའུ་ཞི་ལིའུ་ཁྲེང་མིང་དང་།ལི་ཁང་།ལུའོ་ཀྲེན་ཧྭ།ཧོ་ཕེང་། ཏེང་ལི་ཅུན།ཞེ་ཧུའེ། ཧྥན་ཝུན་ཧྭ། བློ་བཟང་ཆོས་འཕེལ། ལེ་ཅན་ཕིང་།ཝུའུ་ཆང་།ལིའུ་ཀྲུང་ཅན།ཧོ་ཝུན་ཚའེ།ཝང་ཡུས་ཆུང་།བསྐལ་བཟང་གཡུང་དྲུང་། ལི་ཁྲུན་ལེན་བཅས་ཀྲུའུ་ཞིའི་སྟེགས་བུའི་མདུན་གྲལ་དུ་བཞུགས་ཡོད།

   ཐེངས་འདིའི་ཚོགས་ཆེན་ལ་གྲོས་རིམ་ལྔ་ཡོད་དེ། ཁུལ་མི་དམངས་སྲིད་གཞུང་གི་ཁུལ་དཔོན་ཞའོ་ཡིའུ་ཚའེ་ཡིས་སྲིད་གཞུང་ལས་དོན་སྙན་སྒྲོན་ཞུས་པ་དང་། ཡིག་ཐོག་ནས་ཁུལ་འཕེལ་རྒྱས་དང་བཅོས་བསྒྱུར་ཨུ་ལྷན་གྱི་ཀྲུའུ་རེན་ཁྲེན་ཐེན་ཁང་གིས་ཞུས་པའི་དཀར་མཛེས་ཁུལ2019ལོའི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་འཆར་འགོད་ལག་བསྟར་གནས་ཚུལ་དང2020ལོའི་འཆར་གཞིའི་འཆར་ཟིན་སྐོར་གྱི་སྙན་སྒྲོན་དང་། ཁུལ་ནོར་སྲིད་ཅུས་ཀྱི་ཅུས་ཀྲང་ཝུན་ཅན་གོ་ཡིས་ཞུས་པའི་དཀར་མཛེས་ཁུལ2019ལོའི་ནོར་སྲིད་སྔོན་རྩིས་ལག་བསྟར་བྱས་ཚུལ་དང2020ལོའི་ནོར་སྲིད་སྔོན་རྩིས་འཆར་ཟིན་སྐོར་གྱི་སྙན་སྒྲོན།  ཁུལ་དམངས་ཆེན་ཁྲིམས་ལུགས་ཨུ་ལྷན་གྱི་ཀྲུའུ་རེན་ཨུ་ཡོན་ཧྥུ་ལིན་གྱིས《དཀར་མཛེས་བོད་རིགས་རང་སྐྱོང་ཁུལ་གྱིས《<སི་ཁྲོན་ཞིང་ཆེན་གྱི་ཆུ་ལམ་དུ་བྱེ་རྡོ་འདྲུ་བའི་དོ་དམ་སྲོལ་ཡིག་>ལག་ལེན་བྱས་པའི་སྐོར་གྱི་ཁ་གསབ་གཏན་འབེབས་(འཆར་ཟིན)》གྱི་གསལ་བཤད།  ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་ཀྱིས《ཁུལ་མི་དམངས་འཐུས་ཚོགས་སྐབས་བཅུ་གཉིས་པས་ལྟ་ཞིབ་དང་ཁྲིམས་འཛིན་ཨུ་ལྷན་དང་། དཔལ་འབྱོར་ཨུ་ལྷན། སྔོན་རྩིས་ཨུ་ལྷན། སྤྱི་ཚོགས་འཛུགས་སྐྲུན་ཨུ་ལྷན་བཅས་འཛུགས་རྒྱུའི་སྐོར་གྱི་གཏན་འབེབས་འཆར་ཟིན》གྱི་གསལ་བཤད་བཅས་ལ་གྲོས་ཞིབ་བྱས་པ་རེད།