འཚོ་བའི་དམིགས་ཚད་གསལ་པོ་དངཞིག་དགོས་ཤིང་ཚེ་སྲོག་གི་རིན་ཐང་དངོས་ཤེས་རྟོགས་བྱ་རྒྱུ་དང་འཚོ་བའི་དམིགས་ཚད་གསལ་པོ་ཞིག་ཡོད་པ་བྱེད་པ་དང་དེའི་དོན་དུ་འབད་འཐབ་ལྷོད་མེད་བྱས་ན་ཁྱེད་ཀྱི་འཚོ་བ་སྣ་འཛོམས་དང་དོན་སྙིང་ལྡན་པ་ཞིག་ཡོང་ཐུབ་པ་དང་།
བློ་རྒྱ་ཡངས་པོ་ཞིག་དགོས་ཤིང་བློ་རྒྱ་ཡངས་པོ་ཞིག་ཡོད་ན་ཡོན་ཏན་ཅན་དང་འཇོན་ཐང་ཅན་ལ་ཕྲག་དོག་མི་བྱེད་པ་དང་ཕྲན་བུ་ཙམ་ལའང་མི་བལྟ་བ།བྱ་བ་ཙག་ཙིག་གི་དོན་དུ་རླུང་མི་ལངས་པ།
ཆོས་ཉིད་ལྡན་པའི་འཚོ་བ་ལམ་ལུགས་ཤིག་ཡོད་དགོས་ཤིང་དུས་ཚོད་དང་བཟའ་ཚད་གཏན་འཁེལ་གྱི་ཆོས་ཉིད་རང་བཞིན་ཞིག་ཆགས་པ་བྱེད་པ་དང་དེ་སྔ་ཕྱི་བར་གསུམ་དུ་སྲུང་འཛིན་བྱས་ན་སྐྱེ་ཁམས་ཀྱི་ནུས་པ་སྣ་ཚོགས་ཀྱི་ཕན་ནུས་ཡག་ཤོས་འདོན་སྤེལ་བྱ་རྒྱུར་འགན་ལེན་བྱེད་ཐུབ།
ལུགས་དང་མཐུན་པའི་བཟའ་སྟངས་ཤིག་ཡོད་དགོས་ཤིང་ལུགས་དང་མཐུན་པའི་སྒོ་ནས་ལྟོ་ཆས་བཟའ་རྒྱུ་དེ་ནི་ཚེ་རིང་པོ་ཡོང་བའི་རྩ་བ་ཞིག་ཡིན།ཟ་ཐེངས་རེར་རྒྱགས་ཚད་མི་བཟའ་དགོས་པ་དང་དུ་བ་མི་འཐེན་པ་དང་ཆང་རག་ཉུང་ཙམ་་འཐུང་དགོས།
རང་ཉིད་ཀྱི་གཟུགས་གཞི་དང་འཚམ་པའི་ལུས་སྦྱོང་འཆར་གཞི་ཞིག་དགོས་ཤིང་གདམ་གསེས་བྱ་རྒྱུའི་རྩ་དོན་གཉིས་ཡོད་པ་སྟེ། གཅིག མི་སྒེར་གྱི་འདོད་པ་ དང་དགའ་ཞེན་དང་།  གཉིས རང་ཉིད་ཀྱི་གཟུགས་གཞིའི་གནས་ཚུལ་དང་ལྷག
་པར་དུ་སྙིང་གི་ཁྲག་རྩའི་མ་ལག་གི་ནུས་པའི་གནས་ཚུལ་ལ་བལྟ་དགོས་པ་དེ་རེད།