དཀར་མཛེས་བོད་རིགས་རང་སྐྱོང་ཁུལ་སྐབས་བཅུ་གཅིག་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་དང་པོའི་ཀྲུའུ་ཞི་ཚོགས་པས་གྲོས་ཚོགས་ཐེངས་དང་པོ་འཚོགས།

ཐུབ་བསྟན་དང་ཨོ་རྒྱན། མིག་དམར། 2012-01-02

ཟླ་བ་དང་པོའི་ཚེས1ཉིན་གྱི་སྔ་དྲོར།དཀར་མཛེས་བོད་རིགས་རང་སྐྱོང་ཁུལ་སྐབས་བཅུ་གཅིག་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་དང་པོའི་ཀྲུའུ་ཞི་ཚོགས་པས་གྲོས་ཚོགས་ཐེངས་དང་པོ་དེ་དར་མདོའི་ཟློས་གར་ཁང་དུ་འཚོགས་པ་རེད།གྲོས་ཚོགས་ཐོག་ཚོགས་ཆེན་གྱི་ཀྲུའུ་ཞི་ཚོགས་པའི་རྒྱུན་ལས་ཀྲུའུ་ཞི་འདེམས་སྒྲུག་བྱས་པ་དང་ཚོགས་
ཆེན་གྱི་ལག་བསྟར་ཀྲུའུ་ཞི་ཚོ་ཁག་བགོས་པའི་མིང་ཐོ་བརྡས་ཐག་བཅད་པ་དང་།གྲོས་ཚོགས་ཀྱི་ཉིན་རེའི་ལས་རིམ་བརྡས་ཐག་བཅད་པ།ཚོགས་ཆེན་གྱི་དྲུང་ཡིག་ཆེན་མོ་གཞོན་པ་གཏན་འབེབས་བྱས་པ། གྲོས་གཞི་གཏན་འབེབས་ཀྱི་འཆར་ཟིན་སྐོར་བརྡས་ཐག་བཅད་པ། འཐུས་མི་རྣམས་ཀྱིས་གྲོས་གཞི་འདོན་མཚམས་འཇོག་རྒྱུའི་དུས་ཚོད་གཏན་འཁེལ་བྱས་པ། དཀར་མཛེས་ཁུལ་སྐབས་བཅུ་གཅིག་པའི་མི་དམངས་འཐུས་མི་ཚོགས་ཆེན་གྱི་འདེམས་བསྐོ་ཐབས་ཤེས་འཆར་ཟིན་ལ་གྲོས་འཆམ་བྱུང་ཞིང་འཐུས་མི་ཚོགས་པར་ནང་མོལ་བགྲོ་གླེང་ཞུས་བ།དཀར་མཛེས་བོད་རིགས་རང་སྐྱོང་ཁུལ་སྐབས་བཅུ་གཅིག་པའི་མི་དམངས་འཐུས་མི་ཚོགས་ཆེན་ཆེད་ལས་ཨུ་ཡོན་ལྷན་ཁང་གི་བཀོད་སྒྲིག་བྱེད་པའི་གཏན་འབེབས་འཆར་ཟིན་བརྡས་ཐག་བཅད་པ་དང་འཐུས་མི་ཚོགས་པར་ཞུས་ནས་གྲོས་གཞི་བྱ་རྒྱུ།དཀར་མཛེས་བོད་རིགས་རང་སྐྱོང་ཁུལ་སྐབས་བཅུ་གཅིག་པའི་མི་དམངས་འཐུས་མི་ཚོགས་ཆེན་གྱི་ཆེད་ལས་ཨུ་ཡོན་ལྷན་ཁང་གི་མི་སྣ་འོས་མི་འདེམས་བསྐོ་བྱས་པའི་ཐབས་ཤེས་འཆར་ཟིན་བརྡས་ཐག་བཅད་པ་དང་འཐུས་མི་ཚོགས་པར་ནང་མོལ་བགྲོ་གླེང་ཞུས་བ།དཀར་མཛེས་བོད་རིགས་རང་སྐྱོང་ཁུལ་སྐབས་བཅུ་གཅིག་པའི་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་དང་ཀྲུའུ་རེན་གཞོན་པ། དྲུང་ཡིག་ཆེན་མོ། ཨུ་ཡོན། དཀར་མཛེས་བོད་རིགས་རང་སྐྱོང་ཁུལ་མི་དམངས་སྲིད་གཞུང་གི་ཁུལ་དཔོན་དང་ཁུལ་དཔོན་གཞོན་པ།དཀར་མཛེས་བོད་རིགས་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་གི་འགོ་འཛིན།དཀར་མཛེས་བོད་རིགས་རང་སྐྱོང་ཁུལ་མི་དམངས་ཞིབ་དཔྱོད་ཁང་གི་ཞིབ་དཔྱོད་འགོ་འཛིན་བཅས་ཀྱི་བདམ་བྱའི་འོས་མི་མིང་ཐོ་འཆར་ཟིན་བཏོན་ནས་ཀྲུའུ་ཞི་ཚོགས་པའི་མིང་བཏོན་བྱས་ཏེ་འཐུས་མི་ཚོགས་པར་ནང་མོལ་བྱ་རྒྱུ་སྤྲད་པ།དཀར་མཛེས་བོད་རིགས་རང་སྐྱོང་ཁུལ་སྐབས་བཅུ་གཅིག་པའི་མི་དམངས་འཐུས་མི་ཚོགས་ཆེན་གྱི་ཆེད་ལས་ཨུ་ཡོན་ལྷན་ཁང་གི་ཀྲུའུ་རེན་ཨུ་ཡོན་དང་ཀྲུའུ་རེན་ཨུ་ཡོན་གཞོན་པ།ཨུ་ཡོན་འོས་མིའི་མིང་ཐོའི་འཆར་ཟིན་བཏོན་ནས་ཀྲུའུ་ཞི་ཚོགས་པའི་མིང་བཏོན་བྱས་ཏེ་འཐུས་མི་ཚོགས་པར་ནང་མོལ་བྱ་རྒྱུ་སྤྲད་པ།སྤྱི་ཁྱབ་འདེམས་ཤོག་ལྟ་སྐུལ་པ་དང་འདེམས་ཤོག་རྩིས་མིའི་མིང་ཐོ་འཆར་ཟིན་བཏོན་ནས་འཐུས་མི་ཚོགས་པར་ནང་མོལ་བྱ་རྒྱུ་ཞུས་པ།འཐུས་མི་མཉམ་འབྲེལ་གྱིས་བདམ་བྱའི་འོས་མི་བདམས་པའི་མཚམས་འཇོག་དུས་ཚོད་གཏན་འཁེལ་བྱས་པ་བཅས་སོ། །

དོ་སྣང་ཆེ་བའི་རྩོམ།

རྩོམ་གསར། 10

དོ་སྣང་ཆེ་བའི་རྩོམ། 10