འགྱུར་མེད་ཀྱི་ཁུལ་དམངས་ཆེན་རྒྱུན་ཨུའི་ལས་ཀའི་སྙན་སེང་ཞུས། དབྱང་ཁའེ་ཡིས་ཁུལ་འབྲིང་རིམ་མི་དམངས་ཁྲིམས་ཁང་གི་ལས་ཀའི་སྙན་སེང་ཞུས་པ་དང་ཀྲེན་ཅི་ཁྲེན་གྱིས་མི་དམངས་ཞིབ་དཔྱོད་ཁང་གི་ལས་ཀའི་སྙན་སེང་ཞུས།
ཟླ་དང་པོའི་ཚེས12ཉིན་གྱི་སྔ་དྲོར། དཀར་མཛེས་བོད་རིགས་རང་སྐྱོང་ཁུལ་གྱི་སྐབས་བཅུ་པའི་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་བཞི་པའི་ཚང་འཛོམས་གྲོས་ཚོགས་ཐེངས་གཉིས་པ་འཚོགས་པ་རེད།
ཁུལ་སྐབས་བཅུ་པའི་དམངས་ཆེན་རྒྱུན་ལས་ཨུ་ལྷན་གྱི་མངགས་བཅོལ་ལྟར། ཁུལ་སྐབས་བཅུ་པའི་དམངས་ཆེན་རྒྱུན་ལས་ཨུ་ལྷན་གྱི་ཀྲུའུ་རེན་འགྱུར་མེད་ཀྱིས་ཚོགས་ཆེན་ལ་ཁུལ་དམངས་ཆེན་རྒྱུན་ལས་ཨུ་ལྷན་གྱི་ལས་ཀའི་སྙན་སེང་ཞུས། ཁུལ་འབྲིང་རིམ་མི་དམངས་ཁྲིམས་ཁང་གི་ཡོན་ཀྲང་དབྱང་ཁའེ་ཡིས་ལས་ཀའི་སྙན་སེང་ཞུས་པ་དངཁུལ་མི་དམངས་ཞིབ་དཔྱོད་ཁང་གི་ཅན་ཁྲ་ཀྲང་ཀྲེན་ཅི་ཁྲེན་གྱིས་དཀར་མཛེས་བོད་རིགས་རང་སྐྱོང་ཁུལ་མི་དམངས་ཞིབ་དཔྱོད་ཁང་གི་ལས་ཀའི་སྙན་སེང་ཞུས། ལག་བསྟར་ཀྲུའུ་ཞི་ཀྲོའུ་ཝུན་མང་གིས་ཚོགས་ཆེན་གྱི་གཙོ་འགན་བཞེས་པ་རེད།
  འགྱུར་མེད་ཀྱིས་སྙན་ཞུའི་ནང་བསྟན་དོན། 2010ལོལོ་ནི་ཁུལ་དབུ་བཪྙེས་ནས་ལོ་ངོ་དྲུག་བཅུ་འཁོར་བའི་ལོ་ཡིན་ལ།ལོ་ལྔའི་འཆར་གཞི་བཅུ་གཅིག་པའི་དམིགས་འབེན་གྲུབ་པ་དང་ལོ་ལྔའི་འཆར་གཞི་བཅུ་གཉིས་པ་འཆར་འགོད་བྱེད་པའི་གནད་འགག་གི་ལོ་ཞིག་ཀྱང་ཡིན།ཁུལ་དམངས་ཆེན་རྒྱུན་ལས་ཨུ་ཡོན་ལྷན་ཁང་གིས་ཀྲུང་གུང་དཀར་མཛེས་ཁུལ་ཨུའི་འགོ་ཁྲིད་འོག།ཏེང་ཞའོ་ཕིང་གི་རིགས་པའི་གཞུང་ལུགས་དང“མཚོན་པ་གསུམ”གྱི་དགོངས་པ་གལ་ཆེན་གྱིས་ཁྲིད་སྟོན་བྱ་རྒྱུ་རྒྱུན་འཁྱོངས་དང་།ཚན་རིག་དང་མཐུན་པའི་འཕེལ་རྒྱས་ཀྱི་ལྟ་བ་ལག་བསྟར་གཏིང་ཟབ།ཕྱོགས་ཡོངས་ནས་ཁུལ་ཨུ་དང་ཁུལ་དམངས་ཆེན་གྱི་གྲོས་ཚོགས་ཀྱི་སྙིང་དོན་དོན་འཁྱོལ།ཁུལ་ཡོངས་ཀྱི་ལས་ཀ་སྤྱི་ཁྱོན་ལ་དམ་པོར་དམིགས་པ།རྩ་ཁྲིམས་དང་བཅའ་ཁྲིམས་ཀྱིས་སྤྲད་པའི་འགན་འཁྲི་དོ་དན་སྒྲུབ་པ།ས་གནས་ཀྱི་རྒྱལ་ཁབ་དབང་འཛིན་ལས་ཁུངས་ཀྱི་འགན་ནུས་འདོན་སྤེལ་གང་ལེགས་བྱེད་པ་བཅས་བྱས་ཏེ་རང་ཁུལ་གྱི་མཆོང་རྒལ་འཕེལ་རྒྱས་དང་ཡུན་རིང་བདེ་འགོད་ལ་སྐུལ་འདེད་གཏོང་བར་དགེ་མཚན་ལྡན་པའི་བྱས་རྗེས་བཞག་ཡོད།
2011ལོའི་ལས་ཀའི་བཀོད་སྒྲིག
2011ལོ་ནི་ལོ་ལྔའི་འཆར་གཞི་བཅུ་གཉིས་པ་ལག་བསྟར་བྱེད་འགོ་ཚུགས་པའི་ལོ་ཞིག་ཡིན་ལ།མཆོང་བརྒལ་འཕེལ་རྒྱས་དང་ཡུན་རིང་བདེ་འགོད་ཡོང་བར་སྐུལ་འདེད་གཏོང་བའི་གལ་ཆེའི་ལོ་ཞིག་ཀྱང་ཡིན།
ཚོགས་ཆེན་གྱིས་བསྟན་དོན། ཁུལ་དམངས་ཆེན་རྒྱུན་ལས་ཨུ་ལྷན་གྱི་ལས་ཀ་དེ་ཀྲུང་གུང་དཀར་མཛེས་ཁུལ་ཨུས་འགོ་ཁྲིད་བྱས་འོག་ཁྱོན་ཡོངས་སུ་ཏང་གི་སྐབས་བཅུ་བདུན་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་ལྔ་པ་དང་ཞིང་ཆེན་ཏང་ཨུའི་སྐབས་དགུ་པའི་གྲོས་ཚོགས་ཐེངས་བརྒྱད་པ།ཁུལ་ཨུའི་སྐབས་དགུ་པའི་ཚང་འཛོམས་གྲོས་ཚོགས་ཐེངས་བཅུ་པ་བཅས་ཀྱི་སྙིང་དོན་དོན་འཁྱོལ་མཐར་ཕྱིན་པ་བྱས་ནས་མཆོང་བརྒལ་འཕེལ་རྒྱས་དང་ཡུན་རིང་བདེ་འགོད་ཡོང་བའི་ལས་ཀའི་བརྗོད་བྱ་གཙོ་བོ་དམ་པོར་འཛིན་ཞིང་།ནན་ཏན་གྱིས་རྩ་ཁྲིམས་དང་བཅའ་ཁྲིམས་ཀྱིས་གནང་བའི་འགན་འཁྲི་བསྒྲུབས་ནས་འཕེལ་རྒྱས་གཏོང་རྒྱུར་མངོན་གསལ་དུ་གཞག་པ་དང་དམངས་འཚོར་ཤུགས་རྒྱག་པ།ཁྱོན་ཡོངས་ལ་བསམ་བློ་གཏོང་བ།བྱ་བ་ནུས་ལྡན་སྒྲུབ་པ་བཅས་བྱས་ནས་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་མགྱོ གས་མྱུར་དང་མཐུན་སྦྱོར།ཁྱོན་ཡོངས་སུ་འཕེལ་རྒྱས་གཏོང་རྒྱུ་བཅས་ལ་སྐུལ་འདེད་ཧུར་ཐག་བྱེད་དགོས།