མཚོ་སྔོན་ཞིང་ཆེན་ཞིང་ཕྱུགས་ཐིན་གྱི་འབྲེལ་ཡོད་འགན་ཁུར་བས་མཚམས་སྦྱོར་བྱས་པ་ལྟར་ན། མཚོ་སྔོན་ཞིང་ཆེན་ཞིང་ཕྱུགས་ཐིན་གྱིས་ལག་རྩལ་པ་སྐོར་ཞིག་གནོད་འཚེ་ཐེབས་པའི་ས་ཁུལ་ལ་མངགས་ཏེ། དྲོད་ཁང་དུ་སྔོ་ཚོད་འདེབས་པར་མཛུབ་སྟོན་བྱས་པ་དང་དྲོད་ཁང་དུ་སྔོ་ཚོད་འདེབས་པའི་བྱ་བ་བཟང་བོར་བསྒྲུབས་ནས་སྔོ་ཚོད་མཁོ་སྤྲོད་ནུས་པ་ཇེ་ཆེར་བཏང་། ཉེ་ལམ་ཡུས་ཧྲུའུ་གནོད་འཚེའི་ས་ཁུལ་གྱིས་དྲོད་ཁང་བཞི་བརྒྱ་དང་དྲུག་གི་ནང་དུ་སྔོ་ཚོད་བཏབས་ནས། དུས་ཆེན་གཉིས་ཀྱི་སྐབས་སུ་སྔོ་ཚོད་གསར་བ་ཏུན་སྟོང་གཅིག་ལྷག་མཁོ་སྤྲོད་བྱེད་ཐུབ་ལ།  དེ་དང་མཉམ་དུ་མཚོ་སྔོན་ཞིང་ཆེན་གྱིས་ཕྱུགས་ཟོག་དགུན་ལས་བརྒལ་བའི་གཟན་ཆས་སྐྱེལ་འདྲེན་བྱ་བ་བཟང་བོར་བསྒྲུབ་སྟེ་ཡུས་ཧྲུའུ་གནོད་འཚེའི་ས་ཁུལ་ལ་གཟན་ཆས་ཏུན་སྟོང་དྲུག་དང་སུམ་བརྒྱ་གོ་ལྔ་སྐྱེལ་འདྲེན་བྱས་པ་དང་།  རོང་འབྲོག་མང་ཚོགས་ཀྱིས་གཟན་ཆས་ཏུན་སྟོང་བདུན་དང་བདུན་བརྒྱ་ཉེར་དྲུག་ལྷག་གསོག་འཇོག་བྱས་པས། ད་ལོའི་དགུན་ཁར་ཕྱུགས་ཟོག་རེར་ཆ་སྙོམས་བྱས་ན་གཟན་ཆས་སྤྱི་རྒྱ་ཉེར་དགུ་ལྷག་གསོག་འཇོག་བྱས་ཡོད་ཟེར།