མགྱོགས་མྱུར་ངང་ཐོན་སྐྱེད་སླར་གསོ་བྱས་ཏེ་ཡུས་ཧྲུའུ་སྐྱེ་རྒུ་ས་ཁུལ་གྱི་ཞིང་ལས་ཐོན་རྫས་ཀྱི་མཁོ་སྤྲོད་ལ་ཁེག་ཐེག་བྱེད་ཆེད། མ་དངུལ་སྒོར་དུང་ཕྱུར1.2བཏང་ནས་གནོད་ཐེབས་དྲོད་ཁང་བསྐྱར་འཛུགས་བྱ་བ་དེ་ཉེ་ལམ་ཕྱོགས་ཡོངས་ནས་སྤེལ་འགོ་བརྩམས། རྒྱུས་ལོན་བྱས་པ་ལྟར་ན། ཡུས་ཧྲུའུ་ས་འགུལ་བྱུང་རྗེས། ཁུལ་ཡོངས་སུ་དྲོད་ཁང་1923ལ་གནོད་པ་ཐེབས་ཤིང་། དེའི་ནང་དྲོད་ཁང1325བསྐྱར་འཛུགས་བྱེད་དགོས་ལ། དྲོད་ཁང598བྲེལ་མྱུར་སྒོས་ཞིག་གསོ་བྱེད་དགོས། ཐེངས་འདིར་བསྐྱར་འཛུགས་བྱེད་པའི་དྲོད་ཁང་ལ་སྤུས་ཚད་མཐོ་པོའི་དྲོད་ཁང་གི་ཚད་གཞི་ལྟར་ཇུས་འགོད་བྱས་ཡོད་ལ། རྒྱ་ཁྱོན་ཆེ་བ་དང་ཚད་གཞི་མཐོ་བ། གནོད་འགོག་གི་ནུས་བ་ཆེན་པོ་ལྡན། གནོད་ཐེབས་དྲོད་ཁང་བསྐྱར་འཛུགས་ལེགས་འགྲུབ་བྱུང་རྗེས། ཐོན་སྐྱེད་སླར་གསོ་དང་ཚོང་རའི་དགོས་མཁོ་སྐོང་བར་སྐུལ་འདེད་ཀྱི་ནུས་པ་ཆེན་པོ་ལྡན། །