ཟླ་བ3པའི་ཚེས20ཉིན་གྱི་དགོང་མོར་རང་ཁུལ་གྱིས་ཉག་ཆུ་ཀུང་སི་དང་2014ལོར་ཉག་ཆུ་འབབ་རྒྱུད་ཀྱི་ཆུ་གློག་གསར་སྦོལ་གཏང་རྒྱུ་སྐོར་གྱི་མཐོ་རིམ་འབྲེལ་གཏུག་ལས་ཀའི་གྲོས་ཚོགས་འཚོགས། གྲོས་ཚོགས་ཀྱིས་2013ལོའི་ཉག་ཆུ་བར་སྟོད་རྒྱུད་ཀྱི་ཆུ་གློག་གསར་སྦོལ་དང་ས་བསྡུ་བའི་ཞིང་པ་གནས་སྤོ་ལས་ཀར་ཕྱོགས་སྡོམ་བྱས་ཤིང་།ཉག་ཆུ་བར་རྒྱུད་དང་སྟོད་རྒྱུད་ཀྱི་ཆུ་གློག་གསར་སྦོལ་བྱེད་རིང་བྱུང་བའི་གནད་དོན་ལ་གྲོས་མོལ་ཐག་གཅོད་བྱས་པར་མ་ཚད།ད་དུང་ད་ལོའི་ལས་འགན་བཀོད་སྒྲིག་བྱས།མཐར་ཁུལ་དང་རྫོང་ཏང་ཨུ་དང་སྲིད་གཞུང་།ཀུང་སི་བཅས་ཀྱི་ཐུན་མོང་དུ་ཉག་ཆུ་འབབ་རྒྱུད་ཀྱི་ཆུ་གློག་ཐོན་ཁུངས་གསར་སྦོལ་གཏོང་བར་མགྱོ གས་སུ་སྐུལ་འདེད་གཏང་རྒྱུའི་ཐད་ལ་ངོས་འཛིན་གཅིག་མཐུན་བྱུང་ཡོད།
    ཁུལ་ཨུའི་ཧྲུའུ་ཅི་ཧུའུ་ཁྲང་ཧྲེང་དང་ཁུལ་ཨུའི་ཧྲུའུ་ཅི་གཞོན་པ།ཁུལ་དཔོན་ཡེ་ཤེས་ཟླ་བ།ཉག་ཆུ་འབབ་རྒྱུད་ཀྱི་ཆུ་གློག་གསར་སྦོལ་ཚད་ཡོད་ཀུང་སིའི་ཏང་ཨུའི་ཧྲུའུ་ཅི།སྤྱི་ཁྱབ་ཅིང་ལི་ཁྲེང་ཡུས་ཧྭ་བཅས་གྲོས་ཚོགས་ནང་ཕེབས་ཤིང་གསུང་བཤད་གལ་ཆེན་གནང་།ཁུལ་ཨུའི་རྒྱུན་ཨུ།ཁུལ་དྲིལ་བསྒྲགས་པུའུའི་པུའུ་ཀྲང་། ཁུལ་སྤྱི་ཁྱབ་བཟོ་ཚོགས་ཀྱི་ཀྲུའུ་ཞི་བྱམས་བློ་སོགས་གྲོས་ཚོགས་ནང་བཞུགས་ཡོད།
    ཧུའུ་ཁྲང་ཧྲེང་གིས་རང་ཁུལ་གྱི་ཆུ་གློག་ཐོན་ཁུངས་གསར་སྦོལ་མགྱོ གས་སུ་གཏང་རྒྱུ་ནི་ཐོན་ལས་ཀྱིས་ཁུལ་དར་སྤེལ་གཏོང་བའི་གནད་འགག་གི་བྱ་སྤྱོད་ཅིག་རེད།རང་ཁུལ་དང་ཉག་ཆུ་འབབ་རྒྱུད་ཀྱི་ཆུ་གློག་གསར་སྦོལ་ཚད་ཡོད་ཀུང་སི་གཉིས་ཀྱིས་མཉམ་དུ་ཆུ་གློག་གསར་སྦོལ་ལས་ཀ་ཆེན་པོ་དེ་ཡག་མོ་དངོས་སྒྲུབ་བྱེད་པ་དང་རང་ཁུལ་གྱི་དཔལ་འབྱོར་དང་སྤྱི་ཚོགས་མགྱོགས་སུ་འཕེལ་རྒྱས་གཏོང་བ།ཚན་རིག་དང་མཐུན་པའི་འཕེལ་རྒྱས། དཔལ་འབྱོར་དམའ་རིམ་ནས་གཏོར་བརྒལ་ཡོང་བ་བཅས་ལ་སྐུལ་འདེད་དེ་བས་ཡག་པོ་གཏོང་བ་བཅས་བྱས་ནས་ཐུན་མོང་དུ་རྒྱལ་ཁབ་ཀྱི་སྐྱེ་ཁམས་ནུས་ཁུངས་ཀྱི་རྟེན་གཞི་ཞིག་སྐྲུན་དགོས་པའི་ཐུགས་རེ་གནང་།
    ཡེ་ཤེས་ཟླ་བས་ནན་གསུང་གནང་དོན།ཆུ་གློག་གསར་སྦོལ་ལས་ཀའི་ནང་ཡུལ་མི་གནས་སྤོ་ལས་ཀ་ནི་གཙོ་བོ་ཡིན་པས།ཆུ་གློག་གསར་སྦོལ་གཏོང་བའི་སྐབས་ཀྱི་ཡུལ་མི་གནས་སྤོའི་བཀོད་སྒྲིག་ཐད་ལ་ས་གནས་རིམ་ཁག་སྲིད་གཞུང་གིས་ལས་ཀ་ཞིབ་ཚགས་ཟབ་མོ་སྤེལ་ནས་ཡུལ་མི་གནས་སྤོ་ལས་ཀ་ཡག་མོ་བསྒྲུབས་ནས་བརྟན་བརླིང་ཡིན་ཞིང་འཕེལ་རྒྱས་གཏོང་ཐུབ་པར་འགན་སྲུང་བྱེད་ཐུབ་དགོས།ཆུ་གློག་གསར་སྦོལ་གཏོང་རིང་མཐུན་སྦྱོར་བྱ་རྒྱུ་ནི་གནད་འགག་ཡིན་པས།མཐུན་སྦྱོར་ནང་རྐྱེན་གྱི་ནུས་པ་འདོན་སྤེལ་གང་ལེགས་བྱེད་པ་དང་།མཐུན་སྦྱོར་ནུས་པ་དང་ཆུ་ཚད་མཐོར་འདེགས་གཏོང་བ།ཡུལ་དེ་གའི་མི་སེར་གྱི་ཁེ་ཕན་ལ་བསམ་བློ་གཏོང་བ།དུས་ཐོག་ཏུ་གནད་དོན་དང་འགལ་རྐྱེན་ཐག་གཅོད་བཅས་བྱས་ནས་ཉག་ཆུ་འབབ་རྒྱུད་ཀྱི་ཆུ་གློག་གསར་སྦོལ་གཏོང་བར་མགྱོགས་སུ་སྐུལ་འདེད་གཏོང་དགོས།