ཟླ་བ2པའི་ཚེས24ཉིན་གྱི་ཕྱི་དྲོར།སྲིད་གྲོས་དཀར་མཛེས་ཁུལ་སྐབས་བཅུ་གཉིས་པའི་ཨུ་ཡོན་ལྷན་ཁང་གི་གྲོས་ཚོགས་ཐེངས་གསུམ་པར་ཞུགས་པའི་ཨུ་ཡོན་རྣམ་པ་དང་བློ་མཐུན་ཚོས་རྒྱུན་ལས་ཨུ་ཡོན་ལྷན་ཁང་གི་ལས་དོན་སྙན་སེང་དང་གྲོས་གཞི་ལས་དོན་བསྒྲུབས་ཚུལ་སྐོར་གྱི་སྙན་སེང་སྐོར་གྲོས་སྡུར་བྱེད་སྐབས།ན་ལོ་རང་ཁུལ་གྱི་ཞིང་འབྲོག་དམངས་མི་རེའི་ཆ་སྙོམས་ཡོང་འབབ་ཁེར་གཙང་དེ་སྒོར་5435ཐོག་བསླེབས་ནས་ལོ་གོང་མ་ལས་བརྒྱ་ཆ17.9འཕར་བའི་གྲུབ་འབྲས་ཡག་པོ་ཐོབ་ཡོད་མོད།ད་དུང་ཞིང་གསུམ་གྱི་གནད་དོན་དམ་འཛིན་བྱས་ནས་ཞིང་འབྲོག་མི་དམངས་ཀྱི་ཡོང་འབབ་ལོ་རེ་བཞིན་དེ་བས་འཕར་སྣོན་ཡོང་བ་བྱ་དགོས་ཞེས་བསམ་འཆར་དང་ཐབས་ཇུས་འདོན་པ་རེད།
    ཞིང་འབྲོག་སྡེ་ཁག་གིས་གང་འདྲ་བྱས་ཏེ་ཞིང་འབྲོག་ཐོན་སྐྱེད་ལ་ཞབས་ཞུ་ཡག་པོ་བྱ་རྒྱུའི་ཐད།བློ་མཐུན་ཡེ་ཤེས་ཟླ་བས་གསུངས་དོན།ཞིང་གསུམ་ལས་དོན་སྒྲུབ་མཁན་བློ་མཐུན་ཚོས་ཀྲུང་དབྱང་དང་ཞིང་ཆེན་གྱི་ཞིང་གསུམ་སྐོར་གྱི་སྲིད་ཇུས་བཅོས་བསྒྱུར་གྱི་ཁ་ཕྱོགས་ལ་ནན་ཏན་གྱིས་ཞིབ་འཇུག་དང་བསམ་བློ་གཏོང་བ་དང་ཞིང་གསུམ་སྐོར་གྱི་རྩ་བའི་གནས་ཚུལ་ཁོང་དུ་ཆུད་པ།ཏང་གི་ཞིང་སྡེར་འཛིན་པའི་སྲིད་ཇུས་འཁོར་སྐྱོད་བྱེད་ཚུལ་རྒྱུས་ཤེས་བཅས་བྱས་ཏེ་རྩྭ་ཐང་འགན་གཙང་ལེན་དང་དུད་ཆེན་ལ་རོགས་སྐྱོར་བྱ་རྒྱུ།ཞིང་མ་འབྲོག་ས་ཁུལ་གྱི་ཐོན་སྐྱེད་སོགས་ཀྱི་ཐད་དམིགས་སའི་རང་བཞིན་ཡོད་པའི་ལག་བསྟར་བྱེད་ཐུབ་པའི་གྲོས་གཞི་བཏོན་ནས་ཞིང་གསུམ་སྐོར་གྱི་བཅོས་བསྒྱུར་གཏིང་ཟབ་ཏུ་སྤེལ་བར་སྐུལ་འདེད་གཏོང་དགོས།
    བློ་མཐུན་ཧྲུའུ་ཏ་ཁྲིན་གྱིས་གསུངས་དོན།ཞིང་ལས་དང་ཞིང་སྡེའི་ནང་ཚན་རྩལ་གྱི་ཀ་སྐྱོར་ནུས་པ་འདོན་སྤེལ་བྱས་ནས་ཚོད་ལྟ་དེ་ཞིང་འབྲོག་དམངས་ཀྱི་ཡོང་འབབ་འཕར་བར་འགྱུར་གང་ཐུབ་བྱེད་དགོས།མཐའ་འཁོབ་དང་ལྷག་པར་དུ་འབྲོག་ཁུལ།ཞིང་མ་འབྲོག་ས་ཁུལ་གྱི་རྨང་གཞི་སྒྲིག་ཆས་ལ་གཏོང་འཇོག་དང་ཕྱོགས་ལྷུང་བྱེད་ཤུགས་ཆེ་རུ་གཏོང་དགོས།ཁ་གཏད་སྡེ་ཁག་གིས་རང་ཁུལ་གྱི་ཞིང་འབྲོག་ལས་ད་དུང་སྲོལ་རྒྱུན་གྱི་ལས་སྟངས་དང་རགས་ལས་ཡིན་པ།དེར་ཚན་རྩལ་འདུས་ཚད་དམའ་བ།ཞིང་འབྲོག་དམངས་ཀྱི་ཡོང་འབབ་འཕར་དཀའ་བ་སོགས་ཀྱི་དོན་དངོས་ལ་དམིགས་ནས་སྔར་ལྷག་གིས་ཞིང་གསུམ་ལས་དོན་འཐུས་ཚང་དང་ཅ་གསལ་པོ་ཡོང་བ་བྱེད་དགོས་ཤིང་།ཁྱད་ལྡན་ཐོན་རྫས་བཟོ་བ་དང་ནུས་ཤུགས་གང་ཡོད་ཀྱིས་མཛེས་སྡུག་ལྡན་པའི་ཞིང་སྡེ་གསར་པ་སྐྲུན་པར་སྐུལ་འདེད་གཏོང་བ་དང་ཞིང་སྡེའི་བཅོས་བསྒྱུར་ཞིབ་འཇུག་དང་འཚོལ་ཞིབ་ཟབ་པོ་བྱེད་པ།གང་འདྲ་བྱས་ནས་འབྲོག་ལས་ཐད་གཏོར་རྒལ་ཡོང་བ་དང་ས་ཞིང་འཁོར་རྒྱུག་མགྱོ གས་པོ་ཡོང་བ།གང་འདྲ་བྱས་ནས་ཞིང་པའི་ཡོང་འབབ་རིགས་བཞི་མཐོ་རུ་གཏོང་རྒྱུ་སོགས་ཀྱི་ཐད་ལ་ཤུགས་རྒྱག་དགོས།