ཟླ་བ7པའི་ཚེས8ཉིན་གྱི་དགོང་མོར།  དཀར་མཛེས་ཁུལ་ཨུ་དང་སྲིད་གཞུང་གིས་གཙོ་གཉེར་བྱེད་པའི་དར་མདོ་མཛའ་གཞས་ཀྱི་ཕ་ཁྱིམ་མཐའ་མཇུག་གི་སེམས་ཀྱི་ཉི་ཟླ་སྟེ་དྲི་མེད་གནས་མཆོག་དཀར་མཛེས་ཁུལ་ནས་ཀོང་ཏུང་དུ་སྐྱོད་པ་ཞེས་པའི་བརྗོད་བྱ་གཙོ་བོར་བྱེད་པའི་རིག་གནས་ཡུལ་སྐོར་དང་མ་འཇོག་མཉམ་ལས་ཁྱབ་སྤེལ་ངོ་སྤྲོད་བྱེད་པའི་རིགས་འབྲེལ་བྱེད་སྒོའི་ནང་གསེབ་སྟེ་སི་ཁྲོན་དཀར་མཛེས་བོད་ཁུལ་གྱི་ཆེད་སྤེལ་རིག་རྩལ་འཁྲབ་སྟོན་དེ་ཀོང་ཀྲོའུ་མཛའ་མཐུན་གློག་བརྙན་ཟློས་གར་ཁང་དུ་གཟབ་རྒྱས་ངང་སྤེལ་བ་རེད།    
ཁམས་པའི་ས་ཁུལ་གྱི་སྐད་གྲགས་ལྡན་པའི་གླུ་པ་ཡ་ཏུང་དང་།  གླུ་མ་ཚེ་རིང་དབྱངས་ཅན་གྱིས་གཙོས་བྱས་པའི་གླུ་པ་གླུ་མ་དང་།  སྦྲ་ནག་ཚན་སྡེབ་དང་སྤྲིན་སྣེ་བུ་མོའི་མཉམ་གླུ་ཚོགས་པ། དཀར་མཛེས་ཁུལ་མི་རིགས་གླུ་གར་ཚོགས་པ་བཅས་ཀྱིས་ཀོང་ཀྲོའུ་ར་གྲོང་གི་མི་དམངས་རྣམས་ལ་སི་ཁྲོན་དཀར་མཛེས་བོད་ཁུལ་གྱི་ཁྱད་ཆོས་ལྡན་པའི་གླུ་གར་གྱི་ལྟད་མོ་ངོ་མཚར་ཆེ་བ་ཞིག་སྟོན་པ་རེད།      ཆེད་སྤེལ་རིག་རྩལ་འཁྲབ་སྟོན་བྱེད་སྒོ་སྤེལ་བར་བརྒྱུད་དེ་ཁམས་པའི་མཛེས་ལྗོངས་དང་རིག་གནས།  ཁམས་པ་བའི་ཐུན་མིན་གྱི་ཡུལ་སྲོལ་བཅས་སྒྲོག་སྤེལ་བྱས་ཤིང་དཀར་མཛེས་ཁུལ་གྱི་སྐད་གྲགས་ཇེ་ཆེར་བཏང་སྟེ་ཁེ་ལས་པ་དང་ཡུལ་སྐོར་བ་དེ་བས་མང་པོ་ནང་འགུགས་བྱས་ཏེ་དཀར་མཛེས་ཁུལ་གྱི་སྤྱི་ཚོགས་དང་དཔལ་འབྱོར་འཕེལ་རྒྱས་གཏོང་བར་སྐུལ་འདེད་ཀྱི་ནུས་པ་ཆེན་པོ་ཐོན་ངེས་པ་རེད།