ཟླ་བ6པའི་ཚེས30ཉིན་གྱི་སྔ་དྲོར།དར་མདོ་རྫོང་གིས་ཏང་དབུ་བརྙེས་ནས་ལོ92འཁོར་བར་དགའ་སྟོན་རྟེན་འབྲེལ་ཞུ་བ་དང་མང་ཚོགས་ལས་ཀའི་གཟེངས་བསྟོད་བཞུགས་མོལ་ཚོགས་འདུ་འཚོགས།
    གྲོས་ཚོགས་ཐོག་ཕུལ་བྱུང་གི་ཤང་དང་གྲོང་རྡལ་གྱི་ཏང་ཨུའི་ཧྲུའུ་ཅི2དང་ཕུལ་བྱུང་གི་ཤང་ཀྲང་དང་ཀྲེན་ཀྲང་2། དམངས་ལ་དགའ་ཞེན་བྱས་པའི་གྲོང་སྡེའི་ཏང་ཀྲི་པུའུ་ཡི་ཧྲུའུ་ཅི10། དཔེ་བཟང་གི་གྲོང་སྡེ་ཨུ་ལྷན་གྱི་ཀྲུའུ་རེན10།གཅེས་སེམས་དང་འགན་འཁྲི་ཁུར་སེམས་ཆེ་བའི་ཞིང་འབྲོག་དམངས་ཀྱི་ཏང་ཡོན20 །མང་ཚོགས་ལས་ཀ་སྒྲུབ་སྐབས་ཀྱི་ཕུལ་བྱུང་གི་ལས་ཁུངས་མི་སྣ20།གདོང་ལེན་གྱི་གཞི་རིམ་ཏང་རྩ་འཛུགས10དང་དར་དམར་དཔེ་སྟོན་གྲོང་སྡེའི་ཏང་རྩ་འཛུགས10ལ་གཟེངས་བསྟོད་གནང་བ་རེད།ཚོགས་ཞུགས་མི་སྣས་ཏང་གིས་འགོ་ཁྲིད་བྱས་འོག་དར་མདོ་རྫོང་ལ་གནམ་ས་བླ་འོག་ཏུ་སྒྱུར་བའི་འཕོ་འགྱུར་བྱུང་བར་ཕྱིར་མིག་བལྟས་ཤིང་།མང་ཚོགས་ལས་ཀ་དང་གཞི་རིམ་ཏང་རྩ་འཛུགས།སྤྱོད་ཚུལ་འཛུགས་སྐྲུན།གྲོང་ཁྱེར་གྱི་འཛུགས་སྐྲུན་སོགས་ཀྱི་གནད་དོན་སྐོར་ལ་བཞུགས་མོལ་གནང་བ་རེད།
    ཟླ་བ6པའི་ཚེས30ཉིན།ལྕགས་ཟམ་རྫོང་གིས་ཀྲུང་གོ་གུང་ཁྲན་ཏང་དབུ་བརྙེས་ནས་ལོ92འཁོར་བ་དང་མང་ཚོགས་ལས་ཀའི་གཟེངས་བསྟོད་དང་དུས་རིམ་བསྒྱུར་བའི་ཚོགས་འདུ་འཚོགས་ནས་རྫོང་དེས་མང་ཚོགས་ལས་ཀ་ཡོངས་སུ་ཁྱབ་པའི་བྱེད་སྒོ་སྤེལ་ནས་ལོ་གཅིག་རིང་གིས་གནས་ཚུལ་དང་ཕན་འབྲས་དངོས་ཐོབ་པར་ཁས་ལེན་གང་ལེགས་གནང་བ།བྱེད་སྒོ་ཆེན་པོ་དྲུག་སྤེལ་རིམ་ནང་གནད་དོན་དང་མི་འདང་སར་དབྱེ་ཞིབ་ཟབ་མོ་བྱས་པའི་རྨང་གཞིའི་ཐོག་མང་ཚོགས་ལས་ཀ་དུམ་རིམ་སྒྱུར་རྒྱུར་བཀོད་སྒྲིག་བྱས་པ་དེ་ནས་རྫོང་དེས་མང་ཚོགས་ལས་ཀ་ཡོངས་སུ་ཁྱབ་པ་དེ་ཤུགས་སྣོན་དང་ཟབ་ཏུ་གཏོང་བའི་དུས་རིམ་ལ་སྒྱུར་བར་མཚོན་ཐུབ།ཤེས་རྟོགས་བྱུང་བར་གཞིགས་ན།ལྕགས་ཟམ་རྫོང་གིས་ཕྱིན་ཆད་ཀྱི་མང་ཚོགས་ལས་ཀའི་ཁྲོད་དུ་ཟབ་མོ་སྤེལ་རྒྱུ་དང་ཞིབ་མོ་སྤེལ་རྒྱུ།ཕན་འབྲེལ་དངོས་ཐོབ་པ་བྱ་རྒྱུ་བཅས་ལ་ཤུགས་བརྒྱབ་ནས་དོན་དངོས་སྒྲུབ་པ་དང་སྲིད་ཇུས་ལ་བརྩི་འཇོག་བྱེད་པ།བརྩེ་དུང་ཟོལ་མེད་འཆང་དུ་འཇུག་པ་བཅས་ཀྱི་ཐབས་ཇུས་ནུས་ལྡན་བླངས་ནས་སྒྲུབ་པ་རེད།