ཁུལ་ཡོངས་ཀྱི་བསམ་བློའི་རིག་གནས་དྲིལ་བསྒྲགས་བྱེད་པའི་ལས་དོན་གྲོས་ཚོགས་དར་མདོར་འཚོགས།
(སྐལ་ཐུབ་ཀྱིས་བསྒྱུར།) 2013-03-26
ཟླ་བ3པའི་ཚེས18ཉིན། ཁུལ་ཡོངས་ཀྱི་བསམ་བློའི་རིག་གནས་དྲིལ་བསྒྲགས་བྱེད་པའི་ལས་དོན་གྲོས་ཚོགས་དེ་དར་མདོར་འཚོགས་པ་རེད།ཁུལ་འགོ་ཁྲིད་ཧུའུ་ཁྲང་ཧྲེང་དང་། པི་ཧྲི་ཞང་། ཀའོ་ལིན་བཅས་གྲོས་ཚོགས་སུ་ཞུགས་ཤིང་གསུངས་བཤད་གལ་ཆེན་གནང་བ་དང་། དབྱང་ཞའོ་ཏུང་གིས་གྲོས་ཚོགས་ཀྱི་གཙོ་འགན་བཞེས་པ་རེད།
ཧུའུ་ཁྲང་ཧྲེང་གིས་བསྟན་དོན། ཁུལ་ཡོངས་ཀྱི་མི་དམངས་ཀྱི་བསམ་པའི་རིག་གནས་ཀྱི་འཚོ་བའི་རེ་སྒུག་གསར་པ་དང་མཐུན་ཞིང་། རིག་གནས་འཕེལ་རྒྱས་ཆེན་པོ་དང་དར་སྤེལ་ཆེན་པོ་གཏོང་བའི་འགན་འཁྲི་དེ་བས་ཡག་པོ་ཁུར་རྒྱུ་ནི་ཁུལ་ཡོངས་ཀྱི་བསམ་བློ་རིག་གནས་འཐབ་ཕྱོགས་ཀྱི་ལོ་རྒྱུས་ཀྱི་འགན་འཁྲི་གལ་ཆེན་ཡིན། རིམ་ཁག་དང་སྡེ་ཁག་གིས་བསམ་བློ་རིག་གནས་དྲིལ་བསྒྲགས་ལས་དོན་གྱི་ཆེས་གལ་ཆེའི་རང་བཞིན་ལ་ངོས་འཛིན་གང་ལེགས་བྱས་ཏེ། གོ་སྐབས་དམ་འཛིན་ནན་ཏིག་བྱེད་པ་དང་། འགྲན་རྩོད་ལ་ཁ་གཏད་ཧུར་ཐག་འཇལ་བ། ལས་ཀའི་རང་དབང་དམ་པོར་འཛིན་པ། ལས་ཀའི་རང་རྟོགས་རང་བཞིན་དང་སྲ་བརྟན་རང་བཞིན། དངོས་ཕན་རང་བཞིན་བཅས་ཀྱི་ལེགས་སྒྲུབ་བྱེད་ཤུགས་ཆེ་རུ་གཏོང་དགོས།
ཧུའུ་ཁྲང་ཧྲེང་གིས་ནན་གསུང་གནང་རྒྱུ། ལྟེ་གནས་ལས་དོན་ལ་དམིགས་ཤིང་སྤྱི་ཡོངས་ལ་ཞབས་ཞུ་བྱས་ཏེ་ལས་ཀའི་སྐུལ་སྤེལ་ནུས་ཤུགས་ཇེ་ཆེར་གཏོང་དགོས། ཁ་ཕྱོགས་ཤེས་ཤིང་རང་འགུལ་གྱི་སྒོ་ནས་གླེང་ཕྱོགས་ཀྱི་སྐུལ་ཁྲིད་ནུས་པ་ཇེ་མཐོར་གཏོང་དགོས། གཞི་རིམ་དུ་ཟབ་འཇུག་དང་མང་ཚོགས་ཁྲོད་དུ་ཕྱིན་ནས་བསམ་བློའི་གོང་བུ་འགྲིལ་ཤུགས་ཇེ་ཆེར་གཏོང་དགོས། ཡ་རབས་རྒྱུད་སྤེལ་དང་སྲོལ་གོམས་བཟང་པོར་སྣེ་ཁྲིད་བྱས་ཏེ་རིན་ཐང་སྒྲིག་ཤུགས་ཆེ་རུ་གཏོང་བ། དགོས་མཁོར་དམ་གཞིགས་དང་མ་འཇོག་ཇེ་ཆེར་བཏང་ནས་རིག་གནས་ཞབས་ཞུ་བྱེད་ཤུགས་ཇེ་ཆེར་གཏོང་བ། ཐབས་ལམ་རྒྱ་སྐྱེད་དང་བྱེད་ཐབས་དང་དོད་བྱས་ནས་གཟུགས་བརྙན་མཚོན་ཤུགས་ཇེ་ཆེར་གཏོང་བ། འདུ་ཤེས་གསར་བསྒྱུར་དང་བཀག་རྒྱ་བསྒྲལ་ནས་དྲིལ་བསྒྲགས་གསར་སྐྲུན་ནུས་ཤུགས་ཇེ་ཆེར་གཏོང་དགོས།