དར་མདོ་རྫོང་རྩིས་བཤེར་ཅུས་ཀྱིས་དམངས་འཚོའི་རྩིས་བཤེར་ལས་ཀ་ཟབ་ཏུ་སྤེལ་ནས། དམངས་འཚོའི་མ་རྩ་དང་ཨར་ལས་གཙོ་བོའི་ཐད་ཀྱི་རྩིས་བཤེར་ལས་ཀ་ཡག་པོ་འཛིན་པ་དང་། སེམས་ཐག་གཙང་བཅད་ཀྱིས་མང་ཚོགས་ཀྱི་ཁེ་ཕན་ལ་གནོད་འཚེ་གཏོང་བའི་བྱ་སྤྱོད་ཡོ་བསྲང་བྱས་ཤིང་། སྔར་ལྷག་གིས་རྩིས་བཤེར་གྱི་ལྟ་སྐུལ་འགན་ནུས་འདོན་སྤེལ་བྱས་ཏེ། སྔོན་རྩིས་ལག་བསྟར་གྱི་རྩིས་བཤེར་ལས་ཀ་ཟབ་ཏུ་སྤེལ་ནས་དཔལ་འབྱོར་ཐད་ཀྱི་འགན་འཁྲི་རྩིས་བཤེར་བྱ་རྒྱུར་ཤུགས་སྣོན་བརྒྱབ་པ་དང་། ཆེད་སྤྱོད་ཐེབས་རྩར་རྩིས་བཤེར་དང་རྩིས་བཤེར་བརྟག་དཔྱད་ཀྱི་ལས་ཀ་སྤེལ་བ་རེད། ཁྱབ་ཁོངས་གཙོ་བོ་དང་། སྡེ་ཁག་གཙོ་བོ། ཐེབས་རྩ་གཙོ་བོ་བཅས་ཀྱི་རྩིས་བཤེར་ལས་ཀར་ཤུགས་སྣོན་བརྒྱབ་ནས། བཅའ་ཁྲིམས་ལྟར་ནོར་སྲིད་དང་དཔལ་འབྱོར་ཁྱབ་ཁོངས་ནང་གི་སྒྲིག་འགལ་ཁྲིམས་འགལ་གྱི་གནད་དོན་སྣ་ཚོགས་རྩད་ཞིབ་ཐག་གཅོད་བྱས་ནས་ནོར་སྲིད་དང་དཔལ་འབྱོར་ཐད་ཀྱི་སྒྲིག་ལམ་ཚད་ལྡན་བྱས་པ་རེད།
   འགལ་བ་གཙང་སེལ་དང་འདུམ་འགྲིག་བྱེད་པའི་ལས་ཀ་དང་ཟུང་འབྲེལ་བྱས་ནས་མང་ཚོགས་ལས་ཀར་མཐོང་ཆེན་བྱས་ཡོད། འགལ་བ་གཙང་སེལ་དང་འདུམ་འགྲིག་གི་ནང་རྐྱེན་བཙུགས་པ་དང་མང་ཚོགས་ཀྱི་ཡིག་སྐུར་ངོ་བཅར་གྱི་ལས་ཀར་མཐོང་ཆེན་བྱས་ནས་ལས་བྱེད་པ་ཡོངས་རྫོགས་ཀྱིས་འགན་འཁྲི་དང་པོ་འདྲི་བའི་ལམ་ལུགས་གི་བླང་བྱ་ལྟར་མང་ཚོགས་ཀྱི་ཡིག་སྐུར་ངོ་བཅར་གྱི་ལས་ཀར་ནན་པོ་འཛིན་པ་དང་།  དུས་ཐོག་དང་གཟབ་ནན་གྱིས་མང་ཚོགས་ཀྱིས་ཐེར་འདོན་གོང་ཞུ་བྱས་པའི་གནད་དོན་ཐག་གཅོད་ཡག་པོ་བྱས་ཤིང་། རྩིས་བཤེར་འགན་ནུས་ཀྱི་ཁྱབ་ཁོངས་སུ་མི་གཏོགས་པའི་མང་ཚོགས་ཀྱིས་བཏོན་པའི་གནད་དོན་ལ་ཁྲིད་སྟོན་དང་འགལ་བ་གཙང་སེལ་བྱས་པར་མ་ཟད་འབྲེལ་ཡོད་འགན་ནུས་སྡེ་ཁག་ལ་ཞུས་པ་རེད།
      དཀའ་ངལ་ཡོད་མཁན་ལ་རོགས་སྐྱོར་བྱེད་པ་དང་ཟུང་འབྲེལ་བྱས་ནས་མང་ཚོགས་ལས་ཀར་མཐོང་ཆེན་བྱས།  ཅུས་ཡོངས་ཀྱི་ལས་བྱེད་པ་དང་ལས་བཟོ་ཡོངས་རྫོགས་ཀྱིས་དུས་བཀག་ལྟར་མང་ཚོགས་ལས་ཀའི་འབྲེལ་འདྲིས་བྱ་ཡུལ་དུ་ཕྱིན་ནས་ལས་ཀ་སྤེལ་བ་དང་། འབྲེལ་འདྲིས་བྱེད་སའི་གྲོང་ཚོའི་ཐོན་ལས་དང་རྣམ་གྲངས་ལ་རྒྱབ་སྐྱོར་བྱེད་ཤུགས་ཆེ་རུ་བཏང་ནས་མ་རྩ་དང་། དངོས་རྫས། ལག་རྩལ། ཆ་འཕྲིན་སོགས་ཀྱི་ཐད་ལ་རྒྱབ་སྐྱོར་བྱེད་ཤུགས་ཆེ་རུ་བཏང་བ་དང་། འབྲེལ་ཡོད་སྡེ་ཁག་ལ་མཐུན་སྦྱོར་བྱས་ནས་རྨང་གཞིའི་སྒྲིག་ཆས་འཛུགས་སྐྲུན་བྱ་རྒྱུར་ཤུགས་སྣོན་བརྒྱབ་ནས། མང་ཚོགས་ཀྱི་ཐོན་སྐྱེད་དང་འཚོ་བའི་ཆ་རྐྱེན་ལེགས་བཅོས་དང་མང་ཚོགས་ཀྱི་ཆེས་སེམས་ཁུར་བྱེད་པའི་ཁེ་ཕན་གྱི་གནད་དོན་ཐག་གཅོད་ཡག་པོ་བྱས་པ་རེད།