ཟླ་བ7པའི་ཚེས14ཉིན།སྐབས་བཅུ་གཅིག་པའི་ཁུལ་མི་དམངས་སྲིད་གཞུང་གིས་དར་མདོ་རུ་ཚང་འཛོམས་གྲོས་ཚོགས་ཐེངས་དང་པོ་འཚོགས་ནས་ཞིང་ཆེན་ཏང་ཨུ་དང་ཁུལ་གྱི་ཏང་གི་འཐུས་མི་ཚོགས་ཆེན་ཐེངས་དང་པོའི་སྙིང་དོན་དང་ཁུལ་ཨུའི་སྐབས་བཅུ་པའི་ཨུ་ཡོན་ཚང་འཛོམས་གྲོས་ཚོགས་ཐེངས་གསུམ་པའི་སྙིང་དོན་ལག་བསྟར་དོན་འཁྱོལ་བྱས།སྒོ་ཀུན་ནས་ལོ་སྟོད་ཀྱི་སྲིད་གཞུང་གི་ལས་ཀ་ཕྱོགས་བསྡོམས་བྱས་པ་དང་།མིག་སྔར་སྤྱི་ཁོག་དཔལ་འབྱོར་གྱི་གནས་ཚུལ་ལ་དབྱེ་ཞིབ་ཟབ་མོ་བྱས་པ།ལོ་མཇུག་དང་ཕྱིན་ཆད་ཀྱི་དུས་རིམ་ཞིག་ལས་འགན་བཀོད་སྒྲིག་བྱེད་སྐབས།སྲིད་གཞུང་གི་ལས་སྒྲུབ་ལུས་སྲོལ་ཡོད་པ་དང་སྲིད་གཞུང་རང་ཉིད་འཛུགས་སྐྲུན་བྱ་རྒྱུར་ཤུགས་སྣོན་རྒྱག་དགོས་ཞེས་ནན་གསུང་གནང་བ་རེད།
    ཡེ་ཤེས་ཟླ་བས་ནན་གསུང་གནང་རྒྱུར།བསམ་གཞིགས་གསལ་པོ་བྱེད་དགོས་པ་དང་།མཆོག་གྱུར་ལས་འགན་ཁུར་ནས་བློ་བརྟན་འགྱུར་གྱི་མེད་སྒོ་ནས་འཕེལ་རྒྱས་མགྱོགས་པོ་གཏང་དགོས།ཁོང་གིས་སྔར་ལྷག་གིས་བླང་བྱ་གསུམ་བཏོན་ཡོད་པ་སྟེ།གཅིག་ནི་སྔར་་ལྷག་གིས་འཕེལ་རྒྱས་ཀྱི་གནས་ཚུལ་གསལ་ཤེས་བྱེད་དགོས།རང་ཁུལ་གཞི་ཁྱོན་ཆེ་ཞིང་།ཤོང་ཚད་ཆུང་བ།ཐོན་ཁུངས་འབེལ་བ།གསར་སྦོལ་བྱེད་ཚད་ཉུང་བ།སྐྱེ་ཁམས་མཛེས་པ།ཆ་རྐྱེན་ཞན་པ་བཅས་ཀྱི་ཁུལ་གྱི་རྩ་བའི་གནས་ཚུལ་གསལ་ཤེས་བྱེད་དགོས།འཕར་སྣོན་བྱེད་ཚད་མཐོ་བ་དང་།གྲངས་འབོར་ཉུང་བ།ཤར་རྒྱུད་སྟོབས་ཆེན་བ།ལྷོ་བྱང་ཞན་པ།གཏོང་འཇོག་བྱེད་ཚད་ཆེ་བ།ཐོན་ཚད་དམའ་བའི་འཕེལ་རྒྱས་ཀྱི་གནས་ཚུལ་ལ་གསལ་ཤེས་བྱེད་དགོས།གོ་སྐབས་ཉུང་མང་བ་དང་།གནས་བབ་མཐུན་རྐྱེན་བཟང་བ།སྤྱི་ཁོག་ཡག་པ།ཆ་ཤས་ཞན་པ།འདུ་ཤེས་སྟོབས་ཆེ་བ།བྱེད་ཐབས་ཞན་པ་སོགས་ཀྱི་འཕེལ་རྒྱས་ཀྱི་འཁོར་ཡུག་གསལ་ཤེས་བྱེད་དགོས།