ཉེ་ཆར་སི་ཁྲོན་མི་རིགས་སློབ་གླིང་གི་སྲིད་ཁྲིམས་མ་ལག་གི་བསམ་བློ་ཆབ་སྲིད་པུའུ་ཡི་ཀྲུའུ་རེན་གཞོན་པ་དང་།སློབ་དཔོན་ཆེ་མོ་བ་གཞོན་པ་ཝང་པོ་ཡིས་རྒྱལ་གཅེས་དང་ཁྲིམས་སྲུང་།དྲིན་གཟོ།མཐུན་སྒྲིལ་བཅས་ཀྱི་བརྗོད་བྱ་གཙོ་བོའི2014ལོའི་ཁུལ་ཨུའི་མང་ཚོགས་སྒྲོག་འགྲེལ་ཚོགས་པ་གྲོང་གསེབ་ཏུ་སྐྱོད་ཅེས་པའི་སྒྲོག་འགྲེལ་ཚོགས་པའི་སྣེ་ཁྲིད་དེ་སྔོན་རྗེས་སུ་ལི་ཐང་རྫོང་གི་ཚོ་གསུམ་ཤང་དང་འཇའ་བ་ཤང་།མོ་ལ་སྟོད་ཤང་དང་ལི་ཐང་མཐོ་སྒང་གྲོང་རྡལ་བཅས་སུ་ཕྱིན་ནས་སྒྲོག་འགྲེལ་བྱེད་སྒོ་སྤེལ་བ་རེད།སྒྲོག་འགྲེལ་བྱ་ཡུལ་དུ་སྒྲོག་འགྲེལ་ཚོགས་པའི་གྲུབ་མི་ཨོ་རྒྱན་བསྟན་འཛིན་གྱིས་བོད་སྐད་དག་མའི་ཐོག་ནས་རྒྱལ་གཅེས་དང་མཐུན་སྒྲིལ་གྱི་གལ་ཆེན་རང་བཞིན་གསལ་བཤད་བྱས་ཤིང་།སྤྱི་ཚོགས་གསར་རྙིང་གི་འཕོ་འགྱུར་བསྡུར་བར་བརྒྱུད་ནས་མང་ཚོགས་ལ་ཕན་བདེ་གང་ནས་ཐོབ་པ་དང་བཀའ་དྲིན་སུ་ལ་གཟོ་དགོས་པ་ཤེས་སུ་བཅུག་པ་རེད།སྒྲོག་འགྲེལ་གྱི་ནང་དོན་ཕུན་སུམ་ཚོགས་པོ་ཡིན་ལ་མང་ཚོགས་ཀྱི་ཐོན་སྐྱེད་འཚོ་བ་དང་འབྲེལ་བ་ཆེན་པོ་ཡོད་པས་མང་ཚོགས་ཀྱི་དགའ་བསུ་ཆེན་པོ་ཐོབ་པ་རེད།