ཉེ་ཆར།དཀར་མཛེས་རྫོང་གིས་ཆེད་དོན་གྲོས་ཚོགས་འཚོགས་ནས་སྐབས་བཅུ་གཉིས་པའི་དངོས་མང་སྟོན་ཚོགས་ནང་ཞུགས་རྒྱུ་དུས་རིམ་རྗེས་མའི་གྲ་སྒྲིག་ལས་ཀ་ཁག་བཀོད་སྒྲིག་བྱས་པ།གྲོས་ཚོགས་ཐོག་རིག་རྩལ་ཚོ་ཆུང་དང་རྣམ་གྲངས་ཚོང་འགུགས་དང་ཐོན་རྫས་ངོ་སྤྲོད་ཚོ་ཆུང་།དྲིལ་བསྒྲགས་ཚོ་ཆུང་།ཕྱོགས་བསྡུས་ཚོ་ཆུང་འགྲེམས་སྟོན་བཀོད་སྒྲིག་ཚོ་ཆུང་གིས་དུས་ཐུང་ནང་ལས་ཀ་བསྒྲུབ་ཚུལ་ཉན་འཇོག་བྱས་པ་དང་།དུས་རིམ་རྗེས་མའི་ལས་ཀའི་གཙོ་གནད་དང་ལས་འགན་བཀོད་སྒྲིག་བྱས་པ་རེད།
ཤེས་རྟོགས་བྱུང་བར་གཞིགས་ན།སྐབས་འདིའི་དངོས་མང་སྟོན་ཚོགས་ཐོག  རྫོང་དེས་《དཀར་མཛེས་རྫོང་གི་ཤུལ་རི་གླིང་མི་རིགས་གོམས་གཤིས་གུང་གསེང་གྲོང་ཚོ་འཛུགས་སྐྲུན་རྣམ་གྲངས་》དང་《དཀར་མཛེས་རྫོང་གྲོང་གསར་ས་ཁང་སྡོད་ཁང་གསར་སྦོལ་རྣམ་གྲངས་》སོགས་ཚོང་འགུགས་དངུལ་འདྲེན་10ལྷག་ཙམ་སྟོན་རྒྱུ་ཡིན་པ།གཙོ་བོ་ཆུ་རྩམ་དང་དཀར་མཛེས་མི་རིགས་དམངས་ཁྲོད་བཟོ་རྩལ་ཐོན་རྫས་སོགས་འགྲེམས་སྟོན་ཐོན་ཚད་དང་རྫོང་གི་དཀར་མཛེས་སྒྱུ་རྩལ་ཚོགས་པའི་དམངས་ཁྲོད་གླུ་གར་འཁྲབ་སྟོན་བྱས་ནས་དཀར་མཛེས་རྫོང་དང་ཐ་ན་དཀར་མཛེས་ཁུལ་གྱི་འཕེལ་རྒྱས་མངོན་ཤུགས་ཆེན་པོ་དང་གཏིང་ཟབ་པའི་རིག་གནས་གང་ལེགས་སྟོན་རྒྱུ་རེད།