དཀར་མཛེས་ཁུལ་དང་མེ་ཧྲན་བཟོ་ལས་ལྡུམ་ཁུལ་གྱིས་ལོ་རེར་ཐོན་ཚད་ཏུན་ཁྲི་20ཡོད་པའི་བཟོ་ལས་དང་ཨར་ལས་རྒྱུ་ཆས་རྣམ་གྲངས་ལས་འགོ་ཚུགས།

དངོས་གྲུབ་སྒྲོལ་མས་བསྒྱུར།        2014-09-16

ཟླ་བ8པའི་ཚེས28ཉིན།སི་ཁྲོན་དབྱང་ཀོང་ཅན་ཏོན་ཧ་ཡང་ལས་རིགས་ཚད་ཡོད་སྤྱི་གཉེར་ཁང་གིས་ལོ་རེར་ཐོན་ཚད་ཏུན་ཁྲི20ཡོད་པའི་བཟོ་ལས་དང་ཨར་ལས་རྒྱུ་ཆས་རྣམ་གྲངས་ལས་འགོ་ཚུགས་པའི་མཛད་སྒོ་སྤེལ་བ་རེད།དེ་ནི་དཀར་མཛེས་ཁུལ་དང་མེ་ཧྲན་བར་བཟོ་ལས་ལྡུམ་ཁུལ་མཉམ་འཛུགས་བྱས་པ་ནས་བཟུང་ནང་འདྲེན་བྱས་པའི་ཞིང་ཆེན་གྱི་རྣམ་གྲངས་གལ་ཆེ་ཐོག་མ་དངོས་སུ་ལས་འགོ་ཚུགས་པའི་མཚོན་ཚུལ་ཞིག་རེད།རྣམ་གྲངས་འདི་ལས་འགོ་ཚུགས་པ་དེས་ལྡུམ་ཁུལ་གྱི་ཐོན་ལས་གསོ་སྐྱོང་དང་འཕེལ་རྒྱས་མགྱོགས་པོ་ཡོང་བར་སྐུལ་འདེད་ཤུགས་ཆེན་གཏོང་ཐུབ་པ་རེད།
མ་དངུལ་ཁྱོན་བསྡོམས་སྒོར་དུང་ཕྱུར40གཏོང་འཇོག་བྱེད་པ་དང་ས་མུའུ2000བཟུང་བའི་དབྱང་ཀོང་ཅན་ཏོན་ཐོན་ལས་ལྡུམ་ཁུལ་རྣམ་གྲངས་ཀྱི་འཛུགས་སྐྲུན་དུས་ཡུན་ལོ3གསུམ་ཡིན་པ་རེད།ལོ་རེར་ཐོན་ཚད་ཏུན་ཁྲི20ཡོད་པའི་ཧ་ཡང་ལྕགས་བསྲེས་མ་གསར་པའི་རྒྱུ་ཆས་ཐོན་སྐྱེད་བྱེད་པའི་ནུས་པ་ཡོད་པ་དང་ལོ་རེའི་ཐོན་ཚད་རིན་ཐང་སྒོར་དུང་ཕྱུར50འགྲུབ་པ་དང་།  དཔྱ་ཁྲལ་ཡོང་འབབ་སྒོར་དུང་ཕྱུར2ཡོད་པ་དང་།  མི5000ཡི་ལས་ཞུགས་གནད་དོན་ཐག་གཅོད་བྱེད་ཆོག་པ་རེད།  མིག་སྔར་ལས་འགོ་ཚུགས་པའི་དུས་རིམ་དང་པོའི་ཨར་ལས་ཐད་མ་དངུལ་སྒོར་དུང་ཕྱུར20འཇོག་རྒྱུ་དང་།ཨར་ལས་འཛུགས་སྐྲུན་གྱི་རྒྱ་ཁྱོན་སྨི་གྲུ་བཞི་མ་ཁྲི51ཡོད་ཅིང་།   ཞིབ་འཇུག་དང་གསར་འབྱེད།  ཐོན་སྐྱེད།་ཕྱིར་ཚོང་བ་བཅས་གཅིག་འདུས་ཀྱི་ནུས་པ་ཡོད་པ་རེད།སྔོན་རྩིས་བྱས་ན2015ལོའི་ཟླ་བ8པར་ཐོན་སྐྱེད་ཀྱི་ལས་གྲྭ་དང་པོས་ཐོན་སྐྱེད་ཚོད་ལྟ་བྱེད་འགོ་ཚུགས་ཐུབ་རྒྱུ་རེད།
  • ལེ་ཚན་སྔོན་མ།:རང་ཁུལ་གྱིས་བྱེད་ཐབས་བཞི་བླངས་ནས་ལག་ལེན་བསྟར་ཤུགས་ཞན་པའི་གནད་དོན་ཐག་གཅོད་བྱས།
  • ལེ་ཚན་རྗེས་མ།:འབའ་ཐང་རྫོང་གི་ཁྱད་ཆོས་ལྡན་པའི་ཞིང་ལས་ཐོན་རྫས་ཀྱིས་ཞིང་པར་ཡོང་འབབ་འཕར་སྣོན་གཏོང་རོགས་བྱས།
  • དོ་སྣང་ཆེ་བའི་རྩོམ།