སྤུས་ལེགས་ཀྱི་རྒུན་ཆང་བཙོ་ཡས་རྒུན་འབྲུམ་གྱི་ཐོན་ལས་ནི་སྡེ་རོང་རྫོང་གིས་འབྱུང་འགྱུར་གྱི་ལོ10ཡི་ནང་གཙོ་གནད་འཕེལ་རྒྱས་གཏོང་རྒྱུའི་གསར་དར་ཐོན་ལས་ཤིག་ཡིན་པས། གང་འདྲ་བྱས་ནས་རྣམ་གྲངས་འཕེལ་རྒྱས་གཏོང་བ་དང་ཆབས་ཅིག་ཞིང་འབྲོག་པའི་ཐོན་འཕར་ཡོང་འཕར་མངོན་འགྱུར་ཡོང་བ་དང་།མང་ཚོགས་ཚོ་རྣམ་གྲངས་འཛུགས་སྐྲུན་ནང་ཞུགས་རྒྱུའི་ཧུར་ཐག་རང་བཞིན་སྐུལ་སློང་བྱ་རྒྱུ་དེ་ནི་རྒུན་འབྲུམ་གྱི་ཐོན་ལས་འཕེལ་རྒྱས་མགྱོ གས་པོ་གཏོང་རྒྱུའི་གནད་འགག་ཡིན་པས།དཀའ་གནད་དེ་སེལ་ཆེད།2009ལོ་ནས་བཟུང་།རྫོང་དེའི་ཞིང་འབྲོག་དང་ཚན་རྩལ་ཅུས་ཀྱིས་ཞིང་པར་སྤྱོད་གོ་ཆོད་པའི་ལག་རྩལ་གསོ་སྦྱོང་བྱ་རྒྱུར་ཤུགས་སྣོན་བརྒྱབ་པ་དང་ཚོད་ལྟའི་དཔེ་སྟོན་རྟེན་གཞི་བཙུགས་པར་བརྒྱུད་ནས་ཞིང་པར་རྒུན་འབྲུམ་ཤིང་ཕྲུག་བར་གྱི་ས་སྟོང་ནང་སྒོག་པ་འདེབས་རྒྱུར་ཁྲིད་སྟོན་བྱས་ནས་རིམ་བཞིན་དུ་ཁྱབ་གདལ་གཏོང་བ།ལོ་གཉིས་ཀྱི་ཧུར་ཐག་འབད་བརྩོན་བྱས་པར་བརྒྱུད་དཔེ་སྟོན་ཚོད་ལྟ་ལེགས་འགྲུབ་བྱུང་བ།ཚོད་རྩིས་བྱས་ན་དཔེ་སྟོན་རྟེན་གཞི་ནང་ཆ་སྙོམས་མུའུ་རེར་སྒོར3000ལྷག་ཙམ་གྱི་ཡོང་འབབ་འཕར་སྣོན་ཡོང་རྒྱུ་རེད།