དཀར་མཛེས་ཁུལ་གྱིས་དངོས་ཡོད་གནས་ཚུལ་ལ་བརྟེན་ནས《ཁུལ་ཨུ་དང་ཁུལ་སྲིད་གཞུང་གིས་དྲི་མེད་དྭངས་གཙང་གི་དཀར་མཛེས་ཁུལ་ཞེས་པའི་ས་ཁོངས་ཀྱི་ཟོང་རྟགས་སྐྲུན་རྒྱུའི་འཐབ་ཇུས་ལག་ལེན་གཏིང་ཟབ་བསྟར་བའི་སྐོར་གྱི་བསམ་འཆར》དང《དྲི་མེད་དྭངས་གཙང་གི་དཀར་མཛེས་ཁུལ་གྱི་་ས་ཁོངས་ཟོང་རྟགས་ཐོ་འགོད་དང་བེད་སྤྱོད་བྱེད་པའི་ལས་ཀའི་འཆར་གཞི》《དྲི་མེད་དྭངས་གཙང་གི་དཀར་མཛེས་ཁུལ་གྱི་ཞིང་ཞོར་གྱི་ཐོན་རྫས་དང་ཡུལ་ཐོན་ཁྱད་རྫས་ཀྱི་ཟོང་རྟགས་གསར་འཛུགས་ཀྱི་ལག་ལེན་འཆར་གཞི》《དྲི་མེད་དྭངས་གཙང་གི་དཀར་མཛེས་ཁུལ་གྱི་རིག་གནས་ཡུལ་སྐོར་གྱི་ཟོང་རྟགས་གསར་འཛུགས་ཀྱི་ལག་ལེན་འཆར་གཞི》《དྲི་མེད་དྭངས་གཙང་གི་དཀར་མཛེས་ཁུལ་གྱི་ཐོན་རྫས་སྟར་རིམ་གྱི་ཚོང་སྒྱུར་ཆེད་བཤམས་ཚོང་སྒྲོམ་གྱི་ལས་ཀའི་འཆར་གཞི》བཅས་འཆར་གཞི་བཞི་གཏན་འབེབས་བྱས་ནས།  ཧུར་ཐག་གིས་དྲི་མེད་དྭངས་གཙང་གི་དཀར་མཛེས་ཁུལ་ཞེས་པའི་སྤྱི་སྤྱོད་ཟོང་རྟགས་ཡིག་ཐོག་སྙན་ཞུ་བྱས་ཤིང་།  སྤྱི་སྤྱོད་ཟོང་རྟགས་དང་ཁེ་ལས་ཚོང་རྟགས་ཟུང་དུ་སྦྲེལ་པའི་རྣམ་པར་བརྟེན་ནས་ཁུལ་ནང་གི་ཚོང་ཟོག་ཕྱི་ཕྱོགས་སུ་གཉེར་འཚོང་བྱེད་པའི་མཚོན་རྟགས་གཅིག་གྱུར་བྱས་པ་རེད།  ཆང་དང་ཤ། ཇ། ཤ་མོ། ཤིང་ཏོག  སྔོ་ཚལ། ཆུ།  སྨན་བཅས་ཞིང་ཞོར་གྱི་ཐོན་རྫས་དང་ཡུལ་ཐོན་ཁྱད་རྫས་བརྒྱད་དང་ས་ཁུལ་གྱི་ཁྱད་ཆོས་རིག་གནས་ལ་དམིགས་ནས།  ཀྲུང་གོའི་གྲགས་ཅན་ཚོང་རྟགས་དང་ཀྲུང་གོའི་གྲགས་ཅན་གྱི་ཐོན་རྫས།  སི་ཁྲོན་གྲགས་ཅན་ཚོང་རྟགས།  སི་ཁྲོན་གྲགས་ཅན་ཐོན་རྫས་སོགས་ཚོང་རྟགས་ཟོང་རྟགས་བསྐྲུན་རྒྱུར་གཙོ་བོ་བཞག་ནས་སྟོབས་ཤུགས་གཅིག་བསྡུས་དང་ཐོན་ཁུངས་སྡེབ་སྒྲིག   ཟོང་རྟགས་སྐྲུན་པར་ཤུགས་སྣོན་བརྒྱབ་པ།    ཚོང་རྟགས་མང་པོ་དང་གྲགས་ཅན་ཐོན་རྫས་མེད་པ།    ཕན་འབྲས་སྡུག་པོ་ཡིན་པ་བཅས་ཀྱི་གནས་ཚུལ་མེད་པར་བཟོས་ཏེ།   ཐོན་རྫས་བདག་གཉེར་བྱ་རྒྱུ་དེ་ཟོང་རྟགས་ཚོང་ཟོག་བདག་གཉེར་བྱ་རྒྱུ་ལ་སྒྱུར་པར་ལག་ལེན་བཏང་ནས་ཁྱད་ཆོས་ཡོད་པའི་ཞིང་འབྲོག་ཐོན་ལས་དང་ཡུལ་སྐོར་རིག་གནས་ཐོན་ལས་ཚན་རིག་དང་མཐུན་པའི་འཕེལ་རྒྱས་ཡོང་བར་སྐུལ་འདེད་བཏང་བ་རེད།