ཉེ་ཆར། ཉག་རོང་རྫོང་གིས་ད་ལོའི་འབྲོག་པའི་གཞིས་ཆགས་སྡོད་ཁང་གི་ཨར་ལས་བཟོ་པ་ཆེད་དམིགས་སུ་གསོ་སྦྱོང་བྱེད་པའི་ལས་ཀ་བདེ་བླག་ངང་ལེགས་འགྲུབ་བྱུང་ཡོད། རྫོང་ཡོངས་ཀྱི་ཞིང་འབྲོག་མི་དམངས་ཁྱོན་བསྡོམས280གསོ་སྐྱོང་སྦྱོང་བརྡར་ནང་ཞུགས་ནས་དམིགས་ཡུལ་ལས་འགན་མི་100ཡི་བརྒྱ་ཆའི་གྲངས་ཀ280ལེགས་འགྲུབ་བྱུང་ཡོད་པ་རེད།
     ལོ་འགོ་ནས་བཟུང་། རྫོང་ལས་ཞུགས་ཅུས་ཀྱིས་རྫོང་ཨུའི་ཞིང་ལས་གཞུང་ལས་ཁང་དང་། འབྲོག་པའི་གཞིས་ཆགས་སྡོད་ཁང་གི་གཞུང་ལས་ཁང་། འཛུགས་སྐྲུན་དང་རྒྱལ་ས་ཐོན་ཁུངས་དོ་དམ་ཅུས། རྒྱང་བསྒྲགས་བཪྙན་འཕྲིན་ཅུས།ཞིང་འབྲོག་ཅུས་སོགས་སྡེ་ཁག་དང་མཉམ་འབྲེལ་བྱས་ནས་རྫོང་ཁོངས་ནང་གི་འབྲོག་པའི་གཞིས་ཆགས་བྱ་ཡུལ་རྩི་ཐོག་གཤིས་དང་། ནོར་ཁོག་ཤང་། གླག་རུ་མ། མཛའ་བརྩེ་ཤང་བཅས་ལ་ཁག་དབྱེ་ནས་འབྲོག་པའི་གཞིས་ཆགས་ཨར་ལས་ཀྱི་ལག་ཤེས་བཟོ་པ་དང་། ཞིང་སྡེའི་ངལ་རྩོལ་མི་ལག་སྤོ་སྒྱུར། ལས་རིགས་ནུས་རྩལ། སྤྱོད་གོ་ཆོད་པའི་ལག་རྩལ་སོགས་ཀྱི་ནུས་རྩལ་གསོ་སྐྱོང་སྦྱོང་བརྡར་བྱས་པ་རེད།
     ཨར་ལས་ལག་བཟོ་པ་གསོ་སྐྱོང་སྦྱོང་བརྡར་བྱས་པར་བརྒྱུད་རྫོང་དེའི་འབྲོག་པའི་གཞིས་ཆགས་བྱ་སྤྱོད་འཆར་གཞིའི་ལས་ཀ་ཁྲོད་ལག་ཤེས་བཟོ་པ་མི་འདང་བའི་གནས་ཚུལ་ཐག་གཅོད་དང་སྡོད་ཁང་འཛུགས་སྐྲུན་བྱེད་པའི་མ་གནས་དམའ་རུ་ཕྱིན་ཐུབ་པར་མ་ཟད། ད་དུང་གཞིས་ཆགས་བྱས་རྗེས་ཀྱི་ལས་ཀར་ཞུགས་ས་རྒྱ་སྐྱེད་བཏང་ནས།འབྲོག་པའི་གཞིས་ཆགས་བྱ་སྤྱོད་འཆར་གཞིའི་ལས་ཀ་ཁྱོན་ཡོངས་ནས་ལེགས་འགྲུབ་ཡོང་ཆེད་སྲ་ཞིང་བརྟན་པོའི་རྨང་གཞི་བཏིང་བ་རེད།