ཟླ12པའི་ཚེས8ཉིན་གྱི་སྔ་དྲོར་ཁུལ་ཨུའི་ཧྲུའུ་ཅི་གཞོན་པ་དང་། ཁུལ་དཔོན་ཡེ་ཤེས་ཟླ་བས་ཁུལ་ཡོངས་ཀྱི་ཤང་དང་གྲོང་རྡལ་གྱི་འགོ་འཛིན་འཛིན་གྲྭའི་སློབ་མ་ཡོངས་ལ་དབུལ་སྐྱོར་འགག་སྒྲོལ་སྐོར་གྱི་གསོན་ཉམས་ལྡན་པའི་ཆེད་དོན་སློབ་ཁྲིད་གནང་བ་རེད།

　ཆེད་དོན་སློབ་ཁྲིད་ཐོག་ཡེ་ཤེས་ཟླ་བས་གོ་བདེ་ལ་ཤེས་སླ་བའི་སྐད་ཆ་དང་གཞན་དང་མི་འདྲ་བའི་ལྟ་བ། རང་ཉིད་ཀྱི་ལས་ཀའི་ཉམས་མྱོང་ཕུན་སུམ་ཚོགས་པ་དང་གཞི་རིམ་ལ་བརྟག་དཔྱད་བྱེད་སྐབས་འཕྲད་པའི་གནད་དོན་་དང་ཟུང་འབྲེལ་བྱས་ནས་དབུལ་སྐྱོར་བྱ་ཡུལ་དེར་དབྱེ་འབྱེད་གནད་དུ་སྨིན་བ་དང་དབུལ་ཕོངས་གྱུར་བའི་རྒྱུ་རྐྱེན་དེར་དབྱེ་ཞིབ་གནད་དུ་སྨིན་བ་བྱེད་པ། དབུལ་ཕོངས་ལས་ཐར་བའི་ཐབས་ཤེས་དེ་དོན་འཁྱོལ་གནད་དུ་སྨིན་བ་བཅས་གནད་འགག་གལ་ཆེན་གསུམ་ལ་དམིགས་ནས་དོན་དང་མཐུན་ཞིང་གསོན་ཉམས་ལྡན་པའི་སྒོ་ནས་དབུལ་སྐྱོར་གནད་སྨིན་གྱི་ལས་ཀའི་ཐོག་ལ་ཡིད་གཟབ་དོ་སྣང་བྱ་དགོས་པའི་དོན་དག་གལ་ཆེན་ལ་དབྱེ་ཞིབ་གནང་བ་རེད།