སྤྱི་ཟླ12པའི་ཚེས6ཉིན་ལ། ཁུལ་ཨུས་ཉིན་གཅིག་གི་དུས་ཚོད་སྤྱད་དེ་རྫོང་དང་གྲོང་ཁྱེར་ཏང་ཨུའི་ཧྲུའུ་ཅི་སྒྲིག་འཛུགས་བྱས་ཏེ་བཞུགས་མོལ་གྲོས་ཚོགས་འཚོགས་ཤིང་། ཏང་གི་སྐབས་བཅུ་དགུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་དྲུག་པ་དང་ཞིང་ཆེན་ཏང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་བཅུ་པའི་སྙིང་དོན་སློབ་སྦྱོང་དང་ལག་ལེན་བྱེད་ཅིང་། ད་སྔ་དང་ཕྱིན་ཆད་དུས་རིམ་ཞིག་གི་བརྟན་བརླིང་སྲུང་སྐྱོང་དང་དཔལ་འབྱོར་འཕེལ་རྒྱས། ཏང་གི་འཛུགས་སྐྱོང་སོགས་གཙོ་གནད་ལས་དོན་ལ་རྒྱུད་རིམ་ལྡན་པས་ཞིབ་འཇུག་དང་བཀོད་སྒྲིག་ཁྱོན་ཡོངས་ནས་བྱས་ཤིང་། སྲིད་ཇུས་ལ་དང་དོད་བྱེད་ཅིང་བསམ་ཕྱོགས་ཁ་གསལ་བཟོ་བ། གནོན་ཤུགས་བརྒྱུད་སྤྲད་བྱས་ཏེ་སྔར་ལས་ལྷག་པར་བསམ་བློ་གཅིག་གྱུར་དང་ངོས་འཛིན་ཆིག་འགྲིལ་བྱས་ཏེ། རྒྱང་སྐྱོད་གསར་པའི་ལམ་བུར་སྐྱོད་ཅིང་དུས་རབས་གསར་པར་བྱས་རྗེས་གཞག་པའི་གོང་བུ་འགྲིལ་ཤུགས་རྒྱུན་ཆད་མེད་པར་གཅིག་འདུ་བྱས་པ་རེད། 

    ཁུལ་ཨུའི་ཧྲུའུ་ཅི་ཧྲེན་དབྱང་གིས་གྲོས་ཚོགས་གཙོ་སྐྱོང་གནང་ཞིང་། ཁུལ་ཨུའི་ཚབ་མཛད་དེ་རྫོང་དང་གྲོང་ཁྱེར་ཏང་ཨུའི་ཧྲུའུ་ཅི18ལ་སྙིང་གཏམ་གླེང་རེས་དང་བླང་བྱ་བཏོན་པ་རེད། ཁོང་གིས་དུས་བབ་གསར་པ་དང་ལས་འགན་གསར་པ། འགྲན་རྩོད་གསར་པ་བཅས་དང་འཕྲད་པའི་མདུན་དུ། རྫོང་དང་གྲོང་ཁྱེར་ཏང་ཨུའི་ཧྲུའུ་ཅིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པས་ཁྲིད་སྟོན་བྱ་རྒྱུ་བློ་རྩ་བརྟན་པོ་བྱེད་པ་དང་། དུས་རབས་གསར་པའི་ཏང་གི་བོད་སྐྱོང་ཐབས་ཇུས་དང་ཞིང་ཆེན་ཏང་ཨུའི་བོད་འབྲེལ་ལས་དོན་གྱི་བཀོད་སྒྲིག་དོན་འཁྱོལ་ནན་ཏིག་བྱེད་ཅིང་།ཞིང་ཆེན་ཏང་ཨུའི་ཧྲུའུ་ཅི་ཕེང་ཆིང་ཧྭས་ཞིང་ཆེན་ཡོངས་ཀྱི་རྫོང་དང་གྲོང་ཁྱེར་གྱི་ཏང་ཨུའི་ཧྲུའུ་ཅི་གསར་པ་དང་ལོ་ཆུང་ལས་བྱེད་པས་ཏང་གི་སྐབས་བཅུ་དགུ་པའི་ཀྲུང་ཨུའི་ཚང་འཛོམས་གྲོས་ཚོགས་ཐེངས་དྲུག་པའི་སྙིང་དོན་སློབ་སྦྱོང་ལག་ལེན་བྱེད་པའི་ཆེད་དོན་གསོ་སྦྱོང་འཛིན་གྲྭའི་ཐོག་གནང་བའི་གསུང་བཤད་ཀྱི་བླང་བྱ་ལྟར། རང་རྟོགས་ཀྱིས་ཏང་ལ་བློ་སེམས་དཀར་པོ་བྱེད་པ་དང་།བློ་རྩ་བརྟན་པོས་སྤྱོད་པ་གཙང་ཞིང་འགན་འཁྲི་འཁུར་ཕོད་པ་བྱེད་པ། རང་འཁྲིའི་ལས་འགན་སྒྲུབ་པའི་ཁོར་ཡུག་ཁྲོད་དུ་མགྱོགས་པོར་ཞུགས་པ། ཁ་ཕྱོགས་གནད་ལ་འཁེལ་པོ་འཚོལ་ཐུབ་པ་དང་བསམ་ཕྱོགས་ཁ་གསལ་པོར་བཟོ་བ། དོན་དངོས་སྒྲུབ་པ། ཀུན་གྱི་མདུན་གྲལ་དུ་བསྐྱོད་པ་བཅས་བྱས་ཏེ། དུས་རབས་གསར་པ་དང་རྒྱང་སྐྱོད་གསར་པའི་ཁྲོད་དུ་ཏང་དང་མི་དམངས། དུས་རབས་བཅས་ལ་ངོ་གནོང་མི་དགོས་པའི་བྱས་རྗེས་གཞག་གང་ཐུབ་བྱ་དགོས་ཞེས་ནན་གསུང་གནང་བ་རེད།

     ཁུལ་ཨུའི་ཧྲུའུ་ཅི་གཞོན་པ།ལས་ཚབ་ཁུལ་དཔོན་ཧྥུང་ཧྥ་ཀུའེ་དང་། ཁུལ་ཨུའི་ཧྲུའུ་ཅི་གཞོན་པ་ཧྲི་ཀང་གྲོས་ཚོགས་སུ་ཞུགས།

     ཧྲེན་དབྱང་གིས་གཅིག་ནི་ཐོག་མཐའ་བར་གསུམ་དུ་ཆབ་སྲིད་སྒྲིག་ལམ་དང་ཆབ་སྲིད་སྒྲིག་སྲོལ་ནན་སྲུང་བྱ་རྒྱུ་དེ་ཆབ་སྲིད་ཀྱི་བླང་བྱ་དང་པོར་གཞག་དགོས། གཉིས་ནི་བློ་རྩ་བརྟན་པོས་བརྟན་བརླིང་སྲུང་སྐྱོང་བྱ་རྒྱུ་དེ་ཆབ་སྲིད་ཀྱི་ལས་འགན་དང་པོར་བརྩི་དགོས། གསུམ་ནི་དབུལ་ཐར་འགག་སྒྲོལ་གྱི་གྲུབ་འབྲས་སྲ་བརྟན་དུ་གཏོང་བ་དང་ཡུལ་སྡེ་དར་རྒྱས་གཏོང་བ་འབྲེལ་མཐུད་གོ་ཆོད་པོ་ཡོང་བ་དེ་དོན་ཆེན་ནང་གི་འགངས་ཆེན་དུ་བྱ་རྒྱུ་རྒྱུན་འཁྱོངས་བྱ་དགོས། བཞི་ནི་སྤྱོད་ཚུལ་བསྒྱུར་བ་དེ་ལས་བྱེད་པའི་དཔུང་སྡེ་འཛུགས་སྐྱོང་བྱེད་ཡས་ཀྱི་ནང་དོན་གལ་ཆེན་དུ་ནན་ཏིག་གཞག་དགོས། ལྔ་ནི་བློ་རྩ་བརྟན་པོས་ཏང་སྲོལ་སྲིད་གཙང་འཛུགས་སྐྱོང་དང་རུལ་སུངས་ལ་ངོ་རྒོལ་བྱ་རྒྱུའི་འཐབ་འཛིང་མཐར་ཕྱིན་པ་བྱ་དགོས།