དཀར་མཛེས་ཁུལ་དེང་རབས་ཅན་འཛུགས་སྐྲུན་གྱི་དངོས་ཡོད་དགོས་མཁོ་དང་བསྟུན་ནས་བོད་འབྲེལ་རིག་མཛོད་ཀྱི་སྲིད་ཕན་ནུས་པ་སྔར་བས་འདོན་སྤེལ་བྱ་ཆེད། དཀར་མཛེས་ཁུལ་ཨུ་དང་ཁུལ་སྲིད་གཞུང་། སི་ཁྲོན་ཞིང་ཆེན་སྤྱི་ཚོགས་ཚན་རིག་ཁང་གིས་འབྱུང་འགྱུར་ལ་ཁ་ཕྱོགས་པ་དང་ལེགས་ཆ་གསབ་རེས། ཐུན་མོང་འཕེལ་རྒྱས་བཅས་ཀྱི་རྩ་དོན་ལ་གཞིགས་ནས། ཞིབ་འཇུག་ནན་ཏན་བྱས་པར་བརྒྱུད་མཉམ་དུ་བོད་འབྲེལ་རིག་མཛོད་གསར་འཛུགས་བྱ་རྒྱུའི་གྲོས་ཐག་བཅད་པར་མ་ཟད། 《སི་ཁྲོན་ཞིང་ཆེན་སྤྱི་ཚོགས་ཚན་རིག་ཁང་དང་དཀར་མཛེས་ཁུལ་གཉིས་ཀྱིས་བོད་འབྲེལ་རིག་མཛོད་གསར་འཛུགས་བྱ་རྒྱུའི་མཉམ་ལས་གྲོས་མཐུན》བཞག་པ་རེད། སྤྱི་ཟླ10ཚེས25ཉིན། ཁུལ་ཨུའི་ཧྲུའུ་ཅི་ཧྲེན་དབྱང་གིས་ཚོགས་ཆུང་སྣེ་འཁྲིད་དེ་ཞིང་ཆེན་སྤྱི་ཚོགས་ཚན་རིག་ཁང་དུ་བསམ་འཆར་སྤེལ་རེས་དང་བཞུགས་མོལ་བྱས་པ་རེད།

ཧྲེན་དབྱང་གིས་དཀར་མཛེས་ཁུལ་གྱི་གཞི་རྩའི་གནས་ཚུལ་དང་དེ་བཞིན་ཕྱིན་ཆད་ཀྱི་ལས་ཀའི་བསམ་ཕྱོགས་དང་བྱ་ཐབས་ངོ་སྤྲོད་ཞིབ་ཕྲ་བྱས་པ་དང་། ཞིང་ཆེན་སྤྱི་ཚོགས་ཚན་རིག་ཁང་གི་མགོ་འཛིན་ཞང་པའོ་ཡུན་གྱིས་ཤིས་ཚིག་ཕུལ་བ་དང་། ཞིང་ཆེན་སྤྱི་ཚོགས་ཚན་རིག་ཁང་གི་ཏང་ཨུའི་ཧྲུའུ་ཅི་ཀའོ་ཀྲུང་ཝུའེ་ཡིས་གསུང་བཤད་གནང་བ་རེད།

ཕྱོགས་གཉིས་ཀས་བསམ་འཆར་སྤེལ་རེས་དང་གྲོས་བསྡུར་གཏིང་ཟབ་བྱས་རྗེས། ཚང་མས་ལོ་རྒྱུས་ཀྱི་མགོ་རྩོམ་ས་གསར་པར་གཞི་ཚུགས་ཏེ་དཀར་མཛེས་ཁུལ་དེ་མཐུན་སྒྲིལ་ཕྱུག་འགྱུར་དང་འཆམ་མཐུན་མཛེས་སྡུག་གི་སྤྱི་ཚོགས་རིང་ལུགས་ཀྱི་དེང་རབས་ཅན་གྱི་དཀར་མཛེས་ཁུལ་གསར་པ་འཛུགས་སྐྲུན་བྱེད་པའི་རྒྱང་སྐྱོད་ལམ་བུ་གསར་པར་སྐྱོད་བཞིན་ཡོད་ཅིང་། ཐོན་ཁུངས་ཀྱི་བཟང་ཆ་འཛོམས་པ་དང་ཡུན་རིང་གི་དམིགས་འབེན་བཟོས་པ། ཇུས་འགོད་བྱས་པའི་འཐབ་ཇུས་བཀོད་སྒྲིག་བཅས་ཞིང་ཆེན་སྤྱི་ཚོགས་ཚན་རིག་ཁང་གིས“སི་ཁྲོན་ལ་གཞིག་ཚུགས་པ་དང་སི་ཁྲོན་ལ་ཞིབ་འཇུག་བྱེད་པ། སི་ཁྲོན་ལ་ཞབས་འདེགས་ཞུ་བ་”བཅས་ཀྱི་ཚད་དཔོག་དང་ཁ་ཕྱོགས་ལ་གཅིག་མཐུན་ཚད་མཐོན་པོ་བྱུང་ཡོད། ཐུན་མོང་དུ་བོད་འབྲེལ་རིག་མཛོད་གསར་འཛུགས་བྱས་པ་ནི་དུས་རབས་གསར་པའི་ཏང་གི་བོད་སྐྱོང་ཇུས་གཞི་དང་ཞིང་ཆེན་ཏང་ཨུའི་བོད་འབྲེལ་ལས་དོན་བཀོད་སྒྲིག་ཁྱོན་ཡོངས་ནས་ལག་བསྟར་དོན་འཁྱོལ་བྱེད་པའི་དམ་འཛིན་བྱ་གཞི་གལ་ཆེན་ཞིག་ཡིན་པས། དཀར་མཛེས་ཁུལ་གྱི་ཡུན་རིང་བདེ་འགོད་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏང་རྒྱུ་དང་། ཞིང་ཆེན་སྤྱི་ཚོགས་ཚན་རིག་ཁང་གིས་མར་ཁེ་སི་རིང་ལུགས་ཀྱི་རིགས་པའི་གཞུང་ལུགས་གསར་གཏོད་དང་། ས་ཁོངས་དཔལ་འབྱོར་དང་སྤྱི་ཚོགས་འཕེལ་རྒྱས། ས་གནས་ཀྱི་ལོ་རྒྱུས་རིག་གནས། མི་རིགས་དང་ཆོས་ལུགས། སྐྱེ་ཁམས་དཔལ་ཡོན་འཛུགས་སྐྱོང་བཅས་གཙོ་འབད་ཁྱབ་ཁོངས་ལྔ་ཚད་བརྒལ་གསར་པ་ཡོང་རྒྱུར་དོན་སྙིང་ཧ་ཅང་གལ་ཆེན་ལྡན་པ་རེད་ཅེས་ངོས་འཛིན་བྱས་པ་རེད།

ཚོགས་འདུའི་ཐོག་ཞིང་ཆེན་སྤྱི་ཚོགས་ཚན་རིག་ཁང་གི་ཆེད་རམས་པ་དང་མཁས་དབང8ཀྱིས་བོད་འབྲེལ་སྲིད་ཇུས་ལ་ཞིབ་འཇུག་དང་རང་ཁུལ་གྱི་སྤྱི་ཚོགས་བཅོས་སྐྱོང་དང་། བོད་བརྒྱུད་ནང་བསྟན་ཀྲུང་གོ་ཅན་གྱི་འགྲོ་ཕྱོགས། ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོར་འཆང་བ། གྲངས་གཞི་ཅན་གྱི་བཅོས་བསྒྱུར། སྤུས་ཚད་མཐོ་བའི་འཕེལ་རྒྱས། སྐྱེ་ཁམས་དཔལ་ཡོན་འཛུགས་སྐྱོང་། ཡུལ་སྡེ་དར་རྒྱས། ཏང་གི་འཛུགས་སྐྱོང་སོགས་ཀྱི་ལས་ཀར་སྐུལ་འདེད་གཏང་རྒྱུའི་ཐད་ལ་ཐབས་འདོན་ཇུས་འདོན་བྱས་པ་རེད།

ཁུལ་ཨུའི་རྒྱུན་ཨུ། ཁུལ་སྲིད་གཞུང་གི་ཏང་ཙུའུ་ཡི་གྲུབ་མི་ཏེང་ལི་ཅུན་དང་ཞིང་ཆེན་སྤྱི་ཚོགས་ཚན་རིག་ཁང་གི་ཡོན་ཀྲང་གཞོན་པ་ལི་ཀྲུང་ཧྥུང་གིས《སི་ཁྲོན་ཞིང་ཆེན་སྤྱི་ཚོགས་ཚན་རིག་ཁང་། དཀར་མཛེས་ཁུལ་གྱི་བོད་འབྲེལ་རིག་མཛོད་གསར་འཛུགས་ཀྱི་མཉམ་ལས་གྲོས་མཐུན》གྱི་ཐོག་མིང་རྟགས་བཀོད་པ་རེད།

ཞིང་ཆེན་སྤྱི་ཚོགས་ཚན་རིག་ཁང་གི་ཏང་ཨུའི་ཧྲུའུ་ཅི་གཞོན་པ་ཁྲེན་ཅིང་ཨན་དང་ཡོན་ཀྲང་གཞོན་པ་ཀྲེང་ཐའེ་ཨན་དང་ཧུའུ་ཞུའེ་ཅུས། འབྲེལ་ཡོད་རིགས་ཆེད་རམས་པ་དང་མཁས་དབང་བཅས་དང་། ཁུལ་ཨུའི་རྒྱུན་ཨུ། དྲིལ་བསྒྲགས་པུའུའི་པུའུ་ཀྲང་ཝང་ཡུས་ཆུང་དང་ཁུལ་ཏང་གི་འཐུས་མི་ཚོགས་ཆེན་ཐོག་འཆར་ཟིན་འགོད་མཁན་ཚོགས་ཆུང་གི་ཁོངས་མི་བཞུགས་མོལ་ཚོགས་འདུར་ཞུགས་ཡོད་པ་རེད།།