༄༅།། ཤེས་རྟོགས་བྱུང་བར་གཞིགས་ན། ད་ལོ་ཚུན་དུ། རྒྱལ་ཡོངས་ཞིབ་དཔྱོད་ལས་ཁུངས་ཀྱིས་ནག་སེལ་གཤེད་འཇོམས་ཀྱི་ཆེད་དོན་འཐབ་རྩོད་ལ་སྐུལ་འདེད་གཏིང་ཟབ་བཏང་ནས་བྱེད་ཐབས་ནུས་ལྡན་སྤྱད་དེ་ནག་ཚོགས་དང་ཡུལ་གྱི་གཤེད་མའི་ཕྱོགས་གཏོགས་ཀྱི་ཉེས་གསོག་ལ་ཁྲིམས་ལྟར་ཆད་པ་ནན་པོ་བཅད་པར་དུས་མཚམས་རང་བཞིན་གྱི་ཕན་འབྲས་ཐོན་ཡོད་པ་རེད། འདི་ལོའི་ཟླ་བ་དང་པོ་ནས་ཟླ་བ9པའི་བར། རྒྱལ་ཡོངས་ཞིབ་དཔྱོད་ལས་ཁུངས་ཀྱིས་ནག་གཤེད་དང་འབྲེལ་བའི་ཉེས་གསོག་གྱོད་གཞི་ཁྲི1.7ལྷག་ཙམ་དང་འབྲེལ་བ་ཡོད་པའི་མི་ཁྲི5.7ལྷག་ཙམ་བཟུང་རྒྱུའི་ཆོག་མཆན་སྤྲད་པ་དང་གནད་དོན6300ལྷག་ཙམ་དང་འབྲེལ་བ་ཡོད་པའི་མི་ཁྲི3.2ལྷག་ཙམ་ཞུ་གཏུག་བརྒྱབ་པ་རེད།

༄༅།། ཤེས་རྟོགས་བྱུང་བར་གཞིགས་ན། དམངས་སྲིད་པུའུ་ཡི་དུས་ཚིགས་བཞི་པའི་འཆར་ཅན་གྱི་གསར་འགྱུར་ཁྱབ་བསྒྲགས་ཚོགས་འདུའི་ཐོག་དམངས་སྲིད་པུའུ་སྤྱི་ཚོགས་ལས་དོན་སིའི་སི་ཀྲང་གཞོན་པ་ཉི་ཁྲུན་ཞ་ཡིས། འདི་ལོའི་ཟླ་བ8པའི་ཟླ་མཇུག་བར། རྒྱལ་ཡོངས་སུ་གྲོང་གསེབ་ཀྱི་གཞིས་ལུས་བྱིས་པ་ཁྲི697ཡོད་པ་དེ2016ལོར་གྲོང་གསེབ་ཀྱི་གཞིས་ལུས་བྱིས་པ་མཐིལ་རྟོགས་གྲལ་བཤེར་ཐོག་མར་བྱས་པའི་གྲངས་གཞི་མི་ཁྲི902དང་བསྡུར་ན་བརྒྱ་ཆ22.7ཆག་ཡོད་ཅེས་བརྗོད།

༄༅།། ཤེས་རྟོགས་བྱུང་བར་གཞིགས་ན། ཉེ་ཆར་ཀྲུང་དབྱང་གི་མོས་མཐུན་ཐོབ་པར་བརྒྱུད། ཀྲུང་གུང་ཀྲུང་དབྱང་གཞུང་དོན་ཐིང་གིས《ཀྲུང་དབྱང་སྒྲིག་ཨུ་དང་རྒྱལ་ཁབ་ལྟ་ཞིབ་ཨུ་ལྷན་གྱི་མངགས་གཏོང་ལས་ཁུངས་བསྒྱུར་བཅོས་གཏིང་ཟབ་ཏུ་གཏང་རྒྱུའི་སྐོར་གྱི་བསམ་འཆར》བཀྲམ་པ་རེད། ཏང་ཀྲུང་དབྱང་གིས་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་མངག་གཏོང་ལྟ་སྐུལ་ལས་དོན་ལ་ཐོབ་པའི་གྲུབ་འབྲས་མངོན་གསལ་དོད་པོ་བརྟན་དུ་གཏོང་བའི་རྨང་གཞིའི་ཐོག་ཀྲུང་དབྱང་སྒྲིག་ཨུ་དང་རྒྱལ་ཁབ་ལྟ་ཞིབ་ཨུ་ལྷན་གྱི་མངགས་གཏོང་ལས་ཁུངས་བསྒྱུར་བཅོས་སྔར་བས་གཏིང་ཟབ་ཏུ་གཏོང་བ་དང་། མངགས་གཏོང་ལྟ་སྐུལ་གྱི་སྒྲིག་སྲོལ་ལམ་སྲོལ་འཐུས་སྒོ་ཚང་དུ་བཏང་ནས་ཕྱོགས་ཡོངས་ནས་ཏང་ནན་པོས་སྐྱོང་བ་དང་རུལ་རྒོལ་འཐབ་རྩོད་ལ་སྐུལ་འདེད་གཏང་རྒྱུ་གཏིང་ཟབ་ཕྱོགས་སུ་འཕེལ་རྒྱས་གཏོང་ཆེད་འགན་ལེན་ནུས་ལྡན་བྱེད་དགོས་པའི་གཏན་འབེབས་བྱས་ཡོད་པ་རེད།