སྤྱི་ཟླ６པའི་ཚེས１９ཉིན་ནི་རྒྱལ་ཡོངས་རོགས་སྐྱོབ་དོ་དམ་ས་ཚུགས་ཀྱི་སྒོ་འབྱེད་ཉིན་མོ་ཐེངས་དྲུག་པ་ཡིན་པ་རེད།　གོང་ཚེས་ཉིན་དཀར་མཛེས་ཁུལ་རོགས་སྐྱོབ་ས་ཚུགས་ཀྱིས་ཁུལ་དམངས་སྲིད་ཅུས་ཀྱིས་གཅིག་གྱུར་བཀོད་སྒྲིག་འོག་དར་མདོ་གྲོང་ཁྱེར་རོགས་སྐྱོབ་ས་ཚུགས་དང་མཉམ་འབྲེལ་བྱས་ནས་དར་མདོའི་མཛའ་གཞས་ཐང་ཆེན་དུ་དྲུག་པའི་ཚེས་བཅུ་དགུའི་རོགས་སྐྱོབ་དོ་དམ་ས་ཚུགས་ཀྱི་སྒོ་འབྱེད་ཉིན་མོའི་དྲིལ་བསྒྲགས་བྱེད་སྒོ་སྤེལ་བ་རེད།　　　ཐེངས་འདིའི་བྱེད་སྒོ་ཁྲོད་དུ་དྲིག་བསྒྲགས་ཡིག་རིགས་བཀྲམ་པ་དང་ཡུལ་དངོས་སུ་གྲོས་དྲིས་བྱེད་པར་དང་ལེན་བྱས་པ་སོགས་ཀྱི་བྱེད་ཐབས་བརྒྱུད་ནས་རོགས་སྐྱོབ་ས་ཚུགས་ཀྱི་གནས་ཚུལ་དང་ལས་ཀའི་གྲུབ་འབྲས།　རོགས་སྐྱོབ་དོ་དམ་གྱི་སྲིད་ཇུས་ཁྲིམས་སྲོལ་དང་།　རོགས་སྐྱོབ་ཐབས་ལམ་དང་གོ་རིམ།　མ་སྐུལ་དང་བླངས་ཀྱི་རོགས་སྐྱོབ་དང་སྲུང་སྐྱོང་རང་བཞིན་གྱི་རོགས་སྐྱོབ།　མི་གཤིས་དང་མཐུན་པའི་རོགས་སྐྱོབ་བཅས་ཀྱི་འདུ་ཤེས་དང་བྱེད་ཐབས་བཅས་དྲིལ་བསྒྲགས་བྱས་པར་མ་ཟད།　རོགས་སྐྱོབ་བྱ་ཡུལ་གྱི་འཚོ་བའི་གནས་ཚུལ་ཡང་ངོ་སྤྲོད་ཞིབ་ཚགས་བྱས་པ་རེད།

　　བྱེད་སྒོ་སྤེལ་བའི་ཉིན་མོར་དྲིལ་བསྒྲགས་ཡིག་རིགས１０００ལྷག་བཀྲམ་པ་དང་མང་ཚོགས６０ལྷག་གིས་འབྲེལ་ཡོད་གནས་ཚུལ་གྲོས་དྲིས་བྱེད་པ་དང་ལེན་ཞུས་ཡོད།　ཐེངས་འདིའི་བྱེད་སྒོ་བརྒྱུད་ནས་མང་ཚོགས་ཀྱི་སྤྱི་ཚོགས་རོགས་སྐྱོབ་ལས་ཀའི་ཤེས་ཚད་ཆེ་རུ་སོང་ཞིང་མང་ཚོགས་ཀྱིས་རོགས་སྐྱོབ་ལས་ཀར་ལྟ་སྐུལ་བྱེད་པ་དང་ལེན་བྱས་པ་དང་དུས་མཉམ་རོགས་སྐྱོབ་དོ་དམ་ལས་ཀའི་དྲང་ནུས་ཀྱང་འདོན་སྤེལ་གང་ལེགས་བྱས་པ་རེད།