ཟླ་བ４པའི་ཚེས１６ནས་ཚེས１９ཉིན་བར།　ཉག་རོང་རྫོང་མི་དམངས་ཁྲིམས་ཁང་གིས་རྒྱ་བོད་སྐད་གཉིས་རྟོགས་པའི་ཤེས་ཡོན་མི་སྣ་སྒྲིག་འཛུགས་བྱས་ནས་ཉག་སྨད་སྡེ་ཁུལ་གྱི་ཤང་བཞིར་མི་དམངས་ཁྲིམས་ར་ཕྱོགས་ལྔ་ལ་འཛུགས་པའི་བྱེད་སྒོ་སྤེལ་བ་རེད།

　 ཤང་ཁག་གི་ཞིང་པ་མང་ཚོགས་དང་གྲྭ་བཙུན།　ཤང་དང་སློབ་གྲྭ　　གྲོང་སྡེ་འཕྲོད་བསྟེན་ཁང་སོགས་ཀྱི་ལས་བྱེད་ཐམས་ཅད་མཉམ་དུ་བསྡུས་ནས་ཉག་རོང་མི་དམངས་ཁྲིམས་ཁང་གིས་རྩོམ་སྒྲིག་བྱས་པའི་དྲིལ་བསྒྲགས་ལག་དེབ་དང་ཟུང་འབྲེལ་བྱས་ཏེ་ཁྲིམས་ལུགས་དྲིལ་བསྒྲགས་བཏང་བ་རེད།　ཐེངས་འདིའི་ཁྲིམས་ལུགས་དྲིལ་བསྒྲགས་སློབ་གསོའི་ནང་དོན་གཙོ་བོ་ནི་མང་ཚོགས་དང་ཉེ་བར་བཅར་བའི་གཉེན་སྒྲིག་རྩོད་གཞི་དང་ཁྱིམ་མཚེས་བར་གྱི་རྩོད་གཞི།　　རྩྭ་ར་ས་མཚམས་ཀྱི་རྩོད་གཞི།　རི་སྐྱེས་སྲོག་ཆགས་སྲུང་སྐྱོང་སོགས་ལ་དམིགས་ཏེ་བོད་རྒྱ་ཡིག་དང་པར་རིས་བརྒྱུད་མང་ཚོགས་ལ་འབྲེལ་ཡོད་ཀྱི་བཅའ་ཁྲིམས་དང་ཁྲིམས་ལུགས་གོ་སླ་བའི་ཉག་སྐད་ཐོག་ནས་དྲིལ་བསྒྲགས་བྱས།　ཉིན་བཞིའི་ཁྲིམས་ལུགས་དྲིལ་བསྒྲགས་ཚོགས་འདུའི་ནང་ཞིང་པ་དང་གྲྭ་བཙུན་སོགས་མི་གྲངས１０００ལྷག་ཞུགས་ཤིང་།《ཉག་རོང་རྫོང་མི་དམངས་ཁྲིམས་ཁང་གི་དྲིལ་བསྒྲགས་ལག་དེབ》１０００ལྷག་བཀྲམ་ཡོད།　དུས་རྒྱུན་དུ་མང་ཚོགས་ཀྱིས་ཁྲིམས་ལུགས་ཤེས་བྱ་མི་རྟོགས་པས་ཁྲིམས་འགལ་གྱི་དོན་རྐྱེན་བྱུང་དང་འབྱུང་བཞིན་ཡོད་པས་མང་ཚོགས་ཀྱིས་ཁྲིམས་ལུགས་ཤེས་བྱ་སྐོར་སློབ་འདོད་ཤིན་ཏུ་ཆེ་ཞིང་ཁྲིམས་ལུགས་བསྒྲགས་བྱེད་སྒོ་སྤེལ་བར་དགའ་བསུ་ཞུས་པ་རེད།།