ཟླ་བ9པའི་ཚེས19ཉིན་ར་རྔ་ཁ་ནས་དཀར་མཛེས་དང་སེར་ཤུལ་བར་གྱི་གློག་དྲ་སྦྲེལ་བའི་ཨར་ལས་མཇུག་བསྒྲིལ་ནས་གློག་གཏོང་བའི་མཛད་སྒོ་དེ་སེར་ཤུལ་ཡན་ལག་ཚོགས་ར་རུ་སྤེལ་བ་རེད།རྒྱང་བསྟེན་བརྙན་འཕྲིན་སོགས་སྒྲིག་ཆས་དང་དེ་བཞིན་དུ་ཁྲེང་ཏུའུ་ཡི་ཚོགས་ར་གཙོ་བོ་དང་དཀར་མཛེས་ཀྱི་ཡན་ལག་ཚོགས་ར་ལ་སྐུད་ལམ་སྦྲེལ་བ་བརྒྱུད་མཉམ་དུ་སྟོང་ཧྥུ110ལྡན་པའི་གློག་བསྒྱུར་གློག་འདོན་ས་ཚུགས་ཨར་ལས་མཇུག་བསྒྲིལ་ནས་གློག་གཏོང་བའི་མཛད་སྒོ་སྤེལ་འགོ་ཚུགས་པ་རེད། བྱམས་བློས་ཁུལ་ཨུ་དང་ཁུལ་སྲིད་གཞུང་གི་ཚབ་ཞུས་ནས་ར་རྔ་ཁ་ནས་དཀར་མཛེས་དང་སེར་ཤུལ་བར་གྱི་གློག་དྲ་སྦྲེལ་བའི་ཨར་ལས་འཛུགས་སྐྲུན་བྱེད་མཁན་ཚོར་བྱམས་བརྩེའི་ངང་ནས་འཚམས་འདྲི་ཞུས་ཤིང་བླ་ན་མེད་པའི་གུས་འདུད་ཞུས་པ་དང་།ཨར་ལས་འཛུགས་སྐྲུན་ལ་རྒྱབ་སྐྱོར་དང་སེམས་ཁུར་བྱེད་མཁན་གྱི་རིམ་ཁག་འགོ་ཁྲིད་དང་ལས་རིགས་ཁག་གི་མི་སྣ།མི་རིགས་ཁག་གི་མང་ཚོགས་ལ་ལྷག་བསམ་རྣམ་དག་གིས་བཀའ་དྲིན་ཆེ་ཞུས་པ་རེད།བྱམས་བློས་ར་རྔ་ཁ་ནས་དཀར་མཛེས་དང་སེར་ཤུལ་བར་གྱི་གློག་དྲ་སྦྲེལ་བའི་ལས་གྲྭ་ནི་རང་ཁུལ་གྱི་རྨང་གཞི་སྒྲིག་ཆས་ཁྱབ་ཁོངས་ཀྱི་གལ་འགངས་ཆེ་བའི་དམངས་ཀྱི་བློར་བབ་པའི་ལས་གྲྭ་དང་།དམངས་འཚོ་ལས་གྲྭ་ཞིག་ཡིན་ལ།ལོ་སྟོང་བརྒལ་བའི་རྟགས་མཚན་རང་བཞིན་དང་ལོ་རྒྱུས་རང་བཞིན་གྱི་ལས་གྲྭ་ཞིག་ཡིན་པས།དེ་རིང་ནས་བཟུང་།རང་ཁུལ་བྱང་རྒྱུད་ས་ཁུལ་གྱི་ཞིང་འབྲོག་པ་ཚོས་གློག་སྤྱོད་དཀའ་བའི་ལོ་རྒྱུས་མཇུག་བསྒྲིལ་བ་དང་།ཞིང་འབྲོག་མང་ཚོགས་ཚོས་ཕྱུག་འགྱུར་དང་འབྱོར་འབྲིང་སྤྱི་ཚོགས་སུ་སྐྱོད་པའི་འཕེལ་རིམ་དང་།མཐུན་རྐྱེན་ཐོན་ཁུངས་གསར་སྦོལ་བྱ་རྒྱུ་ཁྱོན་ཡོངས་ནས་ཇེ་མགྱོ གས་སུ་གཏོང་བ།ས་ཁོངས་དཔལ་འབྱོར་འཕེལ་རྒྱས་གཏོང་རྒྱུ་དེ་ཤོག་ལྷེ་གསར་པ་ཞིག་ཕྱེ་ནས་འབྲི་ཆུ་སྟོད་རྒྱུད་ཀྱི་སྐྱེ་ཁམས་ཁོར་ཡུག་ལ་སྔར་ལྷག་གིས་ལེགས་བཅོས་ཡོང་རྒྱུ་རེད།