ཟླ་བ6པའི་ཚེས5ཉིན་གྱི་ཕྱི་དྲོར།རྒྱལ་ཡོངས་མི་རིགས་རང་སྐྱོང་ཁུལ་གྱི་གྲུབ་འབྲས་འགྲེམས་སྟོན་ཏེ་དྲི་མེད་དྭངས་གཙང་གི་དཀར་མཛེས་པེ་ཅིན་དུ་བསྐྱོད་ཞེས་པའི་སི་ཁྲོན་དཀར་མཛེས་བོད་ཁུལ་གྱི་རིག་གནས་ལྗོངས་རྒྱུ་དྲིལ་བསྒྲགས་གཟའ་འཁོར་བྱེད་སྒོའི་ཡ་གྱལ་ཞིག་ཡིན་པའི་སི་ཁྲོན་དཀར་མཛེས་བོད་ཁུལ་མི་རིགས་ཀྱི་རོལ་དབྱངས་སློབ་ཆེན་གྲགས་ཅན་དུ་སྐྱོད་པའི་བྱེད་སྒོ་དེ་ཀྲུང་གོའི་རོལ་དབྱངས་སློབ་ཆེན་གྱི་རྒྱ་སྐད་ཚད་ལྡན་སྒྲ་གདངས་ཁང་དུ་སྤེལ་བ་རེད།
     འཁྲབ་སྟོན་བྱེད་རིང་རང་ཁུལ་གྱི་འབའ་ཐང་རྫོང་གི_༼སྣང་ས་འོད་འབུམ།_༽ཞེས་པའི་སྲོལ་རྒྱུན་གྱི་ལྷ་མོ་འཁྲབ་པ་ཐོག་ནས་ལྟད་མོ་ལྟ་མཁན་ལ་ཁམས་པའི་མཐོ་སྒང་གི་ཕུན་སུམ་ཚོགས་པའི་ལོ་རྒྱུས་ཀྱི་རིག་གནས་སྟོན་པ་དང་_༼སྐྱིད་པའི་འབའ་བ།_༽ཞེས་པའི་སྙན་ཞིང་འཇེབས་པའི་པི་ཝང་སྒྲ་ཐོག་ནས་ཁམས་པའི་བུ་དང་བུ་མོའི་དཔའ་འབར་བའི་ལང་ཚོ་སྟོན་པ་རེད།ཀྲུང་གོའི་རོལ་དབྱངས་སློབ་ཆེན་གྱི་སློབ་མས་འཁྲབ་ཐབས་གསར་པའི་ཐོག་ནས_༼དར་མདོའི་མཛའ་གཞས།_༽འཁྲབ་སྟོན་བྱས་ནས་དཀར་མཛེས་ཁུལ་ལ་ཡིད་སྨོན་པའི་མཛའ་སེམས་སྟོན་པ་རེད།བོད་ཁུལ་གྱི་གླུ་པ་དོན་འགྲུབ་དང་འཇམ་དབྱངས་སྒྲོལ་མ།ཀུན་དགའ་བཅས་ཀྱིས་གླུ་དབྱངས་ལེན་པ་རེད།
    ཤེས་རྟོགས་བྱུང་བར་གཞིགས་ན།སི་ཁྲོན་དཀར་མཛེས་བོད་ཁུལ་གྱི་མི་རིགས་རོལ་དབྱངས་སྐད་གྲགས་ཡོད་པའི་སློབ་གྲྭར་བསྐྱོད་པའི་བྱ་སྤྱོད་དེ་ཀྲུང་དབྱང་མི་རིགས་སློབ་གྲྭ་ཆེ་མོ་དང་ཐེན་ཅིན་གྲོང་ཁྱེར་དྲག་ཆས་ཉེན་རྟོག་བཀོད་འདོམས་དམག་དཔོན་སློབ་ཆེན།ཆིང་ཧྭ་སློབ་གྲྭ་ཆེ་མོ།རྒྱལ་ཁབ་གསར་འགྱུར་དཔེ་སྐྲུན་རྒྱང་བསྒྲགས་བརྙན་འཕྲིན་སྤྱི་ཁྱབ་ཅུས་བཅས་ལ་འཁྲབ་སྟོན་བྱ་རྒྱུ་རེད།