ཟླ4བ་ནི་རྒྱལ་ཡོངས་ཀྱི་དཔྱ་ཁྲལ་བསྡུ་བའི་དྲིལ་བསྒྲགས་ཟླ་འཁོར་ཡིན་པ་དང་།  ཟླ4བའི་ཚེས18ཉིན།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་དང་སེམས་ཀྱི་ཉི་ཟླ་རྫོང་ས་གནས་ཁྲལ་བསྡུ་ཅུའུ་བཅས་ཀྱིས་སེམས་ཀྱི་ཉི་ཟླ་རྫོང་ཞང་ཡན་ཞིང་ལས་ཉོ་ཚོང་ཚོང་རའི་ཉེ་འགྲམ་དུ་དཔྱ་ཁྲལ་བསྡུ་བའི་དྲིལ་བསྒྲགས་བྱ་འགུལ་སྤེལ་ཞིང་།  མང་ཚོགས་རྣམས་ལ་དྲིལ་བསྒྲགས་ཡིག་ཆ་འགྲེམ་གཏོང་བྱས་པ་མ་ཟད།  ནུས་ཤུགས་ཡོད་ཚད་སྤྱད་དེ་ཁྲལ་བསྡུའི་སྲིད་ཇུས་དང་ཁྲལ་བསྡུའི་སྣ་ཁ།  ཁྲལ་འཇལ་བའི་ཁེ་དབང་དང་འོས་འགན།  ཁྲལ་བསྡུ་ལས་ཁུངས་ཀྱི་ཁྲལ་འཇལ་ཞབས་ཞུ་སོགས་ཤེས་བྱ་དྲིལ་བསྒྲགས་བྱས།  ཡུལ་དངོས་སུ་ད་དུང་འདྲི་གཅོད་སྟེགས་བུ་བཙུགས་ཡོད་པ་དང་།  མང་ཚོགས་ཀྱིས་བཏོན་པའི་དྲི་བ་སྣ་ཚོགས་ལན་བཏབ་པ་རེད།  །