ཟླ12པའི་ཚེས12ཉིན།  ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་འབའ་ལུང་རྫོང་ཏང་ཨུའི་དྲིལ་སྒྲོག་པུའུ་དང་།  འབའ་ལུང་རྫོང་ཏང་ཨུའི་ཏང་གི་སློབ་གྲྭ་གཉིས་ཀྱིས་རྩ་འཛུགས་བྱས་པའི་འབའ་ལུང་རྫོང་ཏང་ཨུའི་སྒྲོག་འགྲེལ་ཚོགས་པས་རྒྱལ་ཐང་གྲོང་རྡལ་དུ་ཏང་གི་འཐུས་མི་ཚོགས་ཆེན་ཐེངས18པའི་དགོངས་དོན་སྒྲོག་འགྲེལ་ཚོགས་བསྡུས་ཤིང་།  རྗེས་མའི་ཉིན་དུ་མའི་རིང་སྒྲོག་འགྲེལ་ཚོགས་པ་རྫོང་ཡོངས་ཀྱི་ཤང7དང་གྲོང་རྡལ3ལ་སོང་ནས་སྒྲོག་འགྲེལ་བྱས་པ་རེད། 

ཉིན་དེར།  རྒྱལ་ཐང་གྲོང་རྡལ་གྱི་སྲིད་གཞུང་གྲོས་ཚོགས་ཁང་དུ་རྒྱལ་ཐང་གྲོང་རྡལ་ཏང་ཨུ་སྲིད་གཞུང་གི་ལས་བྱེད་མི་སྣ་ཡོངས་དང་།  རྒྱལ་ཐང་གྲོང་རྡལ་གྱི་ལས་ཁུངས་སོ་སོའི་འཐུས་མི་བཅས་ཞིང་སྡེ་སོ་སོའི“ཨུ་ཡོན་ལྷན་ཁང་གཉིས”ཀྱི་ཁོངས་མི་ཡིས་ཁེངས་འདུག  སྒྲོག་འགྲེལ་ཚོགས་པའི་ཁོངས་མིའམ།  འབའ་ལུང་རྫོང་ཏང་ཨུའི་ཏང་གི་སློབ་གྲྭའི་དགེ་རྒན་ཀྲང་ཡོན་ཏོན་གྱིས་ཏང་གི་འཐུས་མི་ཚོགས་ཆེན་གྱི་ལས་འགན་གསུམ་དང་། ཏང་གི་འཐུས་མི་ཚོགས་ཆེན་ཐེངས18པ་ལས་ཞིང་སྡེའི་ཞིང་བའི་སྲིད་ཇུས་ཀྱི་འགྲེལ་བཤད་དང་གསལ་བཤད།  ཞིང་བ་ནི་ཚན་རིག་འཕེལ་རྒྱས་ཀྱི་ཁེ་ཕན་ཐོབ་མཁན་ཡིན་པ་སོགས་ཕྱོགས་དྲུག་ནས་ཏང་གི་འཐུས་མི་ཚོགས་ཆེན་ཐེངས18པའི་དགོངས་དོན་འཆད་ཁྲིད་གནང་།  །