བསྟུད་མར་ཉིན་འགའི་རིང་ལ་གསར་འགོད་པས་ཡུན་ནན་ཞིང་ཆེན་བདེ་ཆེན་བོད་རིགས་རང་སྐྱོང་ཁུལ་སེམས་ཀྱི་ཉི་ཟླ་རྫོང་གི་ཉི་བང་ལམ་དང་། ཅན་ཐང་ལམ། དར་མདོ་ལམ་སོགས་སུ་ལས་བཟོ་པས་བྲེལ་འཚུབ་ཀྱིས་གློག་དྲ་ལེགས་བསྒྱུར་བྱེད་བཞིན་པ་མཐོང་།  བདེ་ཆེན་བོད་རིགས་རང་སྐྱོང་ཁུལ་གློག་འདོན་ཅུའུ་ཡི་འབྲེལ་ཡོད་འགན་ཁུར་མི་སྣས་མཚམས་སྦྱོར་བྱས་པ་ལྟར་ན། ཟླ་དྲུག་པའི་ཚེས་ཉི་ཤུ་ཉིན་ནས་བཟུང་། སེམས་ཀྱི་ཉི་ཟླ་རྫོང་གི་གློག་དྲ་ལེགས་བསྒྱུར་བཟོ་སྐྲུན་ཕྱོགས་ཡོངས་ནས་མགོ་བརྩམས་པ་དང་། སྤྱིའི་བཟོ་སྐྲུན་ཐད་ལ་མ་དངུལ་སྒོར་མོ་དུང་ཕྱུར་གཅིག་ལྷག་བཏང་། མིག་སྔའི་བར་དུ། གློག་དྲ་ལེགས་བསྒྱུར་བྱེད་པའི་བཟོ་སྐྲུན་བརྒྱ་ཆའི་སུམ་ཅུ་ལེགས་འགྲུབ་བྱུང་བ་དང་། སྔོན་རྩིས་ཀྱི་མ་དངུལ་སྒོར་མོ་བྱེ་བ་བཞི་ལྷག་བཏང་ཟིན་པ་དང་། བཟོ་སྐྲུན་ཧྲིལ་བོ་ད་ལོའི་ཟླ་བཅུ་གཅིག་པའི་ཚེས་སུམ་ཅུའི་སྔོན་ལ་ཡོངས་འགྲུབ་བྱེད་ཐུབ་ངེས་རེད་ཟེར།