སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།ཚེས་16ཉིན་གྱི་ཕྱི་དྲོར།ཁུལ་ཡོངས2013ལོ་འཁོར་གྱི་བོད་བརྒྱུད་ནང་བསྟན་གྱི་འཆམ་མཐུན་དགོན་སྡེའི་གསར་འཛུགས་བྱེད་སྒོའི་གཟེངས་བསྟོད་ཚོགས་ཆེན་ཁུལ་ཨུའི་སྙན་ཞུ་ཚོམས་ཆེན་དུ་འཚོགས་པ།ཁུལ་ཨུའི་ཧྲུའུ་ཅི་དབྱིན་པའེ་ཚོགས་འདུར་ཞུགས་ཤིང་གསུང་བཤད་གནང་བ།ཁུལ་ཨུའི་ཧྲུའུ་ཅི་གཞོན་པ།ཁུལ་ཨུའི་སྲིད་ཁྲིམས་ཨུའི་ཧྲུའུ་ཅི་མ་ཝུན་ལུང་གིས་གྲོས་ཚོགས་གཙོ་སྐྱོང་གནང་བ།
       དབྱིན་པའེ་ཡིས་བོད་བརྒྱུད་ནང་བསྟན་གྱི་འཆམ་མཐུན་དགོན་སྡེའི་གསར་འཛུགས་བྱེད་སྒོ་སྒྲུབ་པ་ནི་ཀྲུང་དབྱང་དང་ཞིང་ཨུའི་བོད་སྐྱོང་བའི་བྱེད་ཕྱོགས་ཀྱི་གལ་ཆེའི་བྱེད་ཐབས་ཤིག་ཡིན་ཞིང་།ཆོས་ལུགས་དེ་སྤྱི་ཚོགས་རིང་ལུགས་སྤྱི་ཚོགས་དང་མཐུན་འཚམ་ཡོང་བའི་འཆང་གཟུང་ཞིག་ཡིན་ལ།རྒྱ་ཆེའི་གྲྭ་བཙུན་རྣམས་ཀྱིས་ཁ་ཕྲལ་དང་སིམ་འཛུལ་ལ་ངོ་རྒོལ་དང་མི་རིགས་མཐུན་སྒྲིལ་ལ་སྐུལ་འདེད།ས་ཁུལ་གྱི་འཕེལ་རྒྱས་ལ་སྐུལ་སྤེལ་གཏོང་བའི་གལ་ཆེའི་བྱེད་ཐབས་ཤིག་ཡིན།རང་ཁུལ་གྱིས་2012ལོའི་ཟླ་6པར་བོད་བརྒྱུད་ནང་བསྟན་གྱི་འཆམ་མཐུན་དགོན་སྡེའི་གསར་འཛུགས་བྱེད་སྒོ་སྒྲུབ་འགོ་ཚུགས་པའི་ཚུན་ལ།རིམ་པ་ཁག་གི་སྡེ་ཁག་གིས་ཚད་མཐོའི་མཐོང་ཆེན་དང་རྒྱབ་སྐྱོར་་བྱས་པ་དང་། འཐབ་ཕྱོགས་གཅིག་གྱུར་ལས་རིགས་དང་མི་རིགས་ཆོས་ལུགས་སྡེ་ཁག་གིས་སྒྲིག་འཛུགས་ཞིབ་ཕྲ་དང་སྐུལ་སྤེལ་ཏན་ཏིག་བྱས་འོག  རྒྱ་ཆེའི་ཆོས་ལུགས་ལས་རིགས་ཀྱི་མི་སྣ་དང་ཆོས་དད་མང་ཚོགས་ཀྱིས་ལྷག་བསམ་རྣམ་དག་གིས་སྲུང་སྐྱོང་བྱེད་པ་དང་ཧུར་ཐག་གིས་ནང་དུ་ཞུགས་པས།འཆམ་མཐུན་དགོན་སྡེའི་གསར་འཛུགས་ལ་གྲུབ་འབྲས་མངོན་གསལ་ཐོབ་ཡོད།གྲྭ་བཙུན་གྱི་ཁྲིམས་སྐྱོང་འདུ་ཤེས་མངོན་གསལ་གྱིས་མཐོ་རུ་གཏོང་བ་དང་ཆོས་ལུགས་མི་སྣའི་ཕན་ནུས་འདོན་སྤེལ་དེ་བས་ནུས་ལྡན་ཡིན་པ།དགོན་སྡེའི་དོ་དམ་དེ་བས་ཚན་རིག་དང་མཐུན་ཞིང་གོ་རིམ་ལྡན་པ།དགོན་སྡེའི་སྤྱི་པའི་ཞབས་འདེགས་ཐད་ལ་གལ་ཆེའི་འཕེལ་རྒྱས་བྱུང་ཡོད།ཐེངས་འདིའི་གཟེངས་བསྟོད་ཚོགས་འདུ་འཚོགས་པའི་དམིགས་ཡུལ་ནི་གྲུབ་འབྲས་ཕྱོགས་བསྡུས་བྱེད་པ་དང་སྔོན་ཐོན་ལ་གཟེངས་བསྟོད་བྱེད་པ།རྒྱ་ཆེའི་ཆོས་ལུགས་མི་སྣ་དང་ཆོད་དད་མང་ཚོགས།རིམ་པ་ཁག་གི་ལས་བྱེད་པ་བཅས་ཀྱིས་སྔོན་ཐོན་ལ་སློབ་སྦྱོང་བྱེད་པ་དང་ཡར་ཐོན་བརྩོན་ལེན་བྱས་ནས།རྒྱལ་ཡོངས་བོད་ཁུལ་གྱི་མཆོང་སྐྱོད་འཕེལ་རྒྱས་དང་ཡུན་རིང་བདེ་འཁོད་དཔེ་སྟོན་ཁུལ་གྱི་འཛུགས་སྐྲུན་ཁྲོད་དུ་དེ་བས་ཆེ་བའི་བྱས་རྗེས་གསར་པ་འཇོག་པར་འབོད་སྐུལ་བྱེད་རྒྱུ་དེ་ཡིན་ཞེས་བསྟན།
       དབྱིན་པའེ་ཡིས།འབྲེལ་ཡོད་སྡེ་ཁག་སོ་སོ་ནས་ཐེངས་འདིའི་གཟེངས་བསྟོད་བྱེད་སྒོ་གོ་སྐབས་སུ་འཛིན་ནས།དེ་བས་རང་སད་ངང་ཏང་གི་ཆོས་ལུགས་ལས་དོན་གྱི་གཞི་རྩའི་བྱེད་ཕྱོགས་ལག་བསྟར་དོན་འཁྱོལ་བྱེད་པ་དང་།ཏང་གི་ཚོགས་ཆེན་བཅོ་བརྒྱད་པ་དང་སྐབས་བཅོ་བརྒྱད་པའི་ཚང་འཛོམས་གྲོས་ཚོགས་གསུམ་པའི་དགོངས་དོན་དང་།སྤྱི་ཁྱབ་ཧྲུའུ་ཅི་ཞིས་ཅིན་ཕིང་གི་རབ་དང་རིམ་པའི་གལ་ཆེའི་གསུང་བཤད་ཀྱི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་ནས།སྔོན་ཐོན་ལ་སློབ་སྦྱོང་བྱེད་པའི་ཚ་རླབས་ཤིག་བསླངས་ནས།དགེ་མཚན་ལྡན་པའི་ངང་འཆམ་མཐུན་དགོན་སྡེའི་གསར་འཛུགས་བྱེད་སྒོར་སྐུལ་འདེད་བཏང་སྟེ།ཀྲུང་གོའི་ཕུགས་འདུན་གྱི་བདེ་ཆེན་ལེ་ཚན་གཏོད་པར་བྱས་རྗེས་གསར་པ་འཇོག་རྒྱུའི་རེ་བ་བཏོན་པ་རེད།
       དབྱིན་པའེ་ཡིས།འཐབ་ཕྱོགས་གཅིག་གྱུར་དང་མི་རིགས་ཆོས་ལུགས་ཨུ་ཡོན་ལྷན་ཁང་།དགོན་སྡེའི་དོ་དམ་སོགས་སྡེ་ཁག་གིས་མུ་མཐུད་དུ་རང་ཉིད་ཀྱི་བྱང་ཚད་མཐོ་རུ་གཏོང་བ་དང་།ཏང་གི་མི་རིགས་ཆོས་ལུགས་སྲིད་ཇུས་ལ་སློབ་སྦྱོང་ནན་ཏན་བྱེད་པ།མུ་མཐུད་དུ་རང་ཉིད་ཀྱིས་ཏང་གི་ཆོས་ལུགས་སྲིད་ཇུས་ལག་ལེན་མཐར་ཕྱིན་བྱེད་པ་དང་།དགོན་སྡེའི་ཁྲིམས་ལྟར་དོ་དམ་དང་དམངས་གཙོའི་དོ་དམ།ཚན་རིག་དང་མཐུན་པའི་དོ་དམ་གྱི་ཆུ་ཚད་མཐོ་རུ་གཏོང་བ།ཁུལ་ཨུ་དང་ཁུལ་སྲིད་གཞུང་གིས་ཇུས་འགོད་བཀོད་སྒྲིག་དོན་འཁྱོལ་མཐར་ཕྱིན་བྱེད་པའི་ནུས་ཤུགས་དྲག་ཏུ་གཏོང་བ།ཆོས་ལུགས་དོ་དམ་ལས་དོན་དེ་བཅོས་སྐྱོང་རྒྱུད་ཁོངས་དང་བཅོས་སྐྱོང་ནུས་ཤུགས་དེང་རབས་ཅན་གྱི་ལམ་བུར་ཞུགས་པར་སྐུལ་འདེད་བཏང་སྟེ།དགོན་སྡེ་འཆམ་མཐུན་བརྟན་ལྷིང་ཡོང་བར་ཁག་ཐེག་བྱེད་རྒྱུ་དང་།བརྩེ་སེམས་འཁྱེར་ནས་གྲྭ་བཙུན་གྱི་སློབ་སྦྱོང་དང་འཚོ་བའི་དཀའ་ངལ་ཐག་གཅོད་རོགས་བྱེད་དགོས།རིམ་པ་ཁག་དང་སྡེ་ཁག་སོ་སོ་ཡིས་འཆམ་མཐུན་དགོན་སྡེའི་གསར་འཛུགས་བྱེད་སྒོའི་ཁྲོད་དུ་འཁུར་བའི་ལས་ཀའི་འགན་འཁྲི་ལྟར།གསར་འཛུགས་བྱེད་སྒོ་དེ་དུས་རྒྱུན་གྱི་ལས་ཀ་དང་མཉམ་དུ་བཀོད་སྒྲིག་བྱེད་དགོས་པ་དང་།ཕྱོགས་སོ་སོའི་ཁག་ཐེག་བྱེད་ཐབས་དྲག་ཏུ་བཏང་སྟེ།འཐབ་ཕྱོགས་གཅིག་གྱུར་པུའུ་ཡིས་སྣེ་ཁྲིད་བྱེད་པ་དང་སྡེ་ཁག་སོ་སོ་ཡིས་རོགས་འདེགས་བྱེད་པ།ཕྱོགས་སོ་སོ་ཡིས་མཉམ་འགུལ་བྱེད་པའི་ལས་དོན་གྱི་གནས་བབ་ཅིག་ཏུ་གྲུབ་པར་བྱེད་དགོས་པའི་ནན་གསུང་བྱས།
       དབྱིན་པའེ་ཡིས་རྒྱ་ཆེའི་གྲྭ་བཙུན་རྣམས་ཀྱིས་སློབ་སྦྱོང་འབད་བརྩོན་བྱས་ནས་ཤེས་བྱའི་ཐད་ལ་ཡར་རྒྱས་ཡོང་བ་དང་།ཏང་དང་རྒྱལ་ཁབ་ཀྱིས་བོད་བརྒྱུད་ནང་བསྟན་གྱི་ཤེས་ལྡན་མི་སྣ་གསོ་སྐྱོང་བྱེད་པའི་གོ་སྐབས་བཟང་པོ་དམ་འཛིན་བྱས་ནས།རིག་གནས་ཤེས་བྱ་དང་ཆོས་ལུགས་ཀྱི་ཤེས་བྱ་མཐོར་འདེགས་གང་ཐུབ་བྱེད་རྒྱུ་དང་།བོད་བརྒྱུད་ནང་བསྟན་གྱི་སྲོལ་རྒྱུན་བཟང་པོ་དར་སྤེལ་གཏོང་བ།བོད་བརྒྱུད་ནང་བསྟན་རང་ཉིད་ཀྱི་དགེ་མཚན་དེ་འདོན་སྤེལ་གང་ལེགས་བྱས་ནས།སྤྱི་ཚོགས་ལ་བྱས་རྗེས་ཡག་པོ་འཇོག་རྒྱུ།སྣེ་ཁྲིད་ནས་ཆོས་ལུགས་ཀྱི་ཁ་ཕྲལ་རིང་ལུགས་ཀྱི་སྟོབས་ཤུགས་དང་ཆོས་ལུགས་ཀྱི་ཐལ་དྲགས་པའི་བསམ་པ་དང་དབྱེ་མཚམས་གསལ་པོ་འབྱེད་རྒྱུ་དང་།དད་ལྡན་མང་ཚོགས་སྣེ་ཁྲིད་ནས་རང་རྟོགས་ཀྱིས་སྤྱི་ཚོགས་ཀྱི་སྤྱི་པའི་ཀུན་སྤྱོད་ལག་ལེན་བསྟར་ཏེ།ཕ་ཡུལ་གྱི་མཐུན་སྒྲིལ་འཆམ་མཐུན་དང་ཡུན་རིང་བདེ་འཁོད་ལ་བྱ་བ་ཡག་པོ་དང་བྱ་བ་དངོས་མང་ཙམ་སྒྲུབ་རྒྱུའི་རེ་བ་བཏོན་པ་རེད།
       མ་ཝུན་ལུང་གིས་གྲོས་ཚོགས་གཙོ་སྐྱོང་གནང་དུས།གྲོས་ཚོགས་དང་དབྱིན་པའེ་ཧྲུའུ་ཅིའི་གལ་ཆེའི་གསུང་བཤད་དགོངས་དོན་དེ་སློབ་སྦྱོང་ཏན་ཏིག་དང་ངོས་འཛིན་གཏིང་ཟབ་བྱ་རྒྱུ།ཁྱོན་ཡོངས་ནས་ལག་བསྟར་དོན་འཁྱོལ་བྱས་ནས་མུ་མཐུད་དུ་འཆམ་མཐུན་དགོན་སྡེ་དང་སྤྱི་ཚོགས་བརྟན་ལྷིང་ལ་སྐུལ་འདེད་བཏང་སྟེ།རང་ཁུལ་གྱི་མཆོང་སྐྱོད་འཕེལ་རྒྱས་དང་ཡུན་རིང་བདེ་འཁོད་ལ་བྱས་རྗེས་གསར་པ་འཇོག་རྒྱུའི་བླངས་བྱ་བཏོན་པ་རེད།
       ཁུལ་ཨུའི་རྒྱུན་ཨུ།ཁུལ་ཨུའི་དྲུང་ཆེན་ལིའུ་ཅ་ཞུན་དང་།ཁུལ་ཨུའི་རྒྱུན་ཨུ།ཁུལ་ཨུའི་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ནོར་བུ་ཚེ་རིང་།ཁུལ་མི་དམངས་འཐུས་མིའི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རེན་གཞོན་པ་པད་དཀར།ཁུལ་སྲིད་གཞུང་གི་ཁུལ་དཔོན་གཞོན་པ་ཚའེ་ཝུའུ་ཁྲེང་།ཁུལ་སྲིད་གྲོས་ཀྱི་ཀྲུའུ་ཞི་གཞོན་པ་ཤར་རྩེ་བསྟན་འཛིན་ཆོས་འཕེལ།ཞའོ་ཐུབ་བསྟན་སོགས་གཟེངས་བསྟོད་ཚོགས་ཆེན་དུ་ཞུགས་པ།ཚོགསའདུའི་ཐོག  ཚའེ་ཝུའུ་ཁྲེང་གིས་གཟེངས་བསྟོད་བྱེད་རྒྱུའི་གཏན་འབེབས་ཀློག་པ་དང་།ཀྲུའུ་ཞིའི་སྟེགས་བུར་ཞུགས་པའི་འགོ་ཁྲིད་ཀྱིས་སོ་སོར་“འཆམ་མཐུན་དགོན་སྡེའི”མཚན་སྙན་ཐོབ་མཁན་དང་“འཆམ་མཐུན་དགོན་སྡེའི་གསར་འཛུགས་སྐུལ་འདེབས་བྱ་དགའ”ཐོབ་མཁན་གྱི་འཐུས་ཚབ་ལ་བྱ་དགའ་གནང་བ་རེད།“འཆམ་མཐུན་དགོན་སྡེ”དང་“སྔོན་ཐོན་གྲྭ་བཙུན”གྱི་མཚན་སྙན་ཐོབ་པའི་འཐུས་མིས་ཚོགས་འདུའི་ཐོག་གསུང་བཤད་གནང་བ་རེད།
       ཁུལ་ཐད་གཏོགས་དང་རྫོང་སོ་སོའི་འབྲེལ་ཡོད་སྡེ་ཁག་གི་འགན་འཁུར་བ་དང་གཟེངས་བསྟོད་ཐོབ་པའི་འཆམ་མཐུན་དགོན་སྡེའི་སྔོན་ཐོན་ཐུན་མོང་གི་འཐུས་མི་དང་།སྔོན་ཐོན་མི་སྒེར་སོགས་གྲོས་ཚོགས་སུ་ཞུགས་པ་རེད།