མི་དམངས་དྲ་བའི་འཕྲིན།ཡུན་ནན་ཉིན་རེའི་ཚགས་པར་ཐོག་གནས་ཚུལ་སྤེལ་བར་གཞིགས་ན།སེམས་ཀྱི་ཉི་ཟླའི་ཡུལ་སྐོར་རིག་གནས་ཐོན་ཁུངས་ཕུམ་སུམ་ཚོགས་སུ་བཏང་ནས་སྤྱི་ཚོགས་ཀྱི་ཚོགས་དམངས་དེ་བས་མང་བས་བོད་ཀྱི་ལོ་རྒྱུས་དང་།རིག་གནས།བོད་བརྒྱུད་ནང་བསྟན་བཅས་ཤེས་རྟོགས་ཐུབ་ཆེད།ཟླ6ཚེས21ཉིན་སེམས་ཀྱི་ཉི་ཟླ་གྲོང་ཁྱེར་ཤམ་བྷ་ལ་དཀྱིལ་འཁོར་རིག་གནས་དངོས་མང་སྟོན་ཚོགས་ལྟེ་གནས་སུ་ཐང་ག1699འགྲེམས་སྟོན་བྱས་ཤིང་།ཤེས་རྟོགས་བྱས་པར་གཞིགས་ན།ད་ཐེངས་ཀྱི་འགྲེམས་སྟོན་དེས་དེ་སྔ་ཐེངས་གཅིག་ལ་ཐང་ག1200འགྲེམས་སྟོན་བྱས་པའི་ཅི་ཉི་སིའི་འཛམ་གླིང་ཟིན་ཐོ་ལས་བརྒལ་ཡོད་པ་རེད།ད་ཐེངས་འགྲེམས་སྟོན་བྱས་པའི་ཐང་གའི་ནང་《ཤམ་བྷ་ལའི་རྒྱལ་རབས་རིམ་བྱུང་རྒྱལ་པོའི་》མུ་འབྲེལ་ཐང་ག་དང་།《རྒྱུད་བཞིའི་》མུ་འབྲེལ་ཐང་གདགྲ་བཅོམ་པ་བཅུ་དྲུག་གི་མུ་འབྲེལ་ཐང་ག་སོགས་ཚུད་ཡོད་པ་རེད།ཐང་ག་དེ་དག་སྤུས་ཚད་ལེགས་ཤིང་།བརྩམས་ཆོས་ཉམས་འགྱུར་ལྡན་པས་བོད་མི་རིགས་ཀྱི་རིག་གནས་དང་།ལོ་རྒྱུས།ཆོས་དད་སོགས་ཀྱི་རྣམ་པ་གཟུགས་སུ་བཀོད་པའི་ངང་མངོན་ཡོད་པ་དང་།དེའི་ཁྲོད་བོད་ལུགས་གསོ་རིག་གི་རྩ་ཆེའི་གསུང་རབ་《རྒྱུད་བཞིའི་》མུ་འབྲེལ་གྱི་ཐང་ག174ནི་མིག་སྔའི་བར་ཆེས་ཆ་ཚང་བའི་《རྒྱུད་བཞིའི་》འགེལ་རིས་ཐང་ག་ཞིག་ཡིན་པ་རེད།