འདི་ག་ཚགས་པར་ཁང་དུ་གནས་ཚུལ་འབྱོར་གསལ།ད་ལོར།སེམས་ཀྱི་ཉི་ཟླ་རྫོང་ནགས་ལས་ཅུས་ཀྱིས་རྫོང་ཨུ་དང་རྫོང་སྲིད་གཞུང་གི་བཀོད་སྒྲིག་དང་གོང་རིམ་ནགས་ལས་སྡེ་ཁག་གི་བླང་བྱར་ཞིབ་ཕྲ་བསྟུན་ཞིང་།སྡེ་ཁག་གི་ནུས་པ་ཡོངས་སུ་འདོན་སྤེལ་བྱས་ནས་རང་བྱུང་ནགས་ཚལ་སྲུང་སྐྱོང་ལས་ཀར་གྲུབ་འབྲས་ཡག་པོ་ཐོབ་པ་རེད།རྫོང་ནགས་ལས་ཅུས་ནས་རྒྱུས་ལོན་བྱུང་བ་ལྟར་ན། 2013ལོ་འཁོར་དུ་གོང་རིམ་གྱིས་རང་རྫོང་ལ་ནགས་ཚལ་སྲུང་སྐྱོང་ལས་འགན་མུའུ་ཁྲི1333.49བཀོད་སྒྲིག་བྱས། མིག་སྔར་རྫོང་ནགས་ལས་ཅུས་ཀྱིས་ནུས་པ་ཐོན་པའི་སྒོ་ནས་ནགས་ཚལ་མུའུ་ཁྲི1441.88ལ་སྲུང་སྐྱོང་བྱས་ཟིན།དེའི་ཁྲོད་རྒྱལ་ཁབ་ལ་དབང་བའི་ནགས་ཚལ་མུའུ་ཁྲི834.01ཡོད་པ་དང་།ཐུན་མོང་ལ་དབང་བའི་ས་གནས་སྤྱི་ཕན་ནགས་ཚལ་མུའུ་ཁྲི142.3ཡོད།ཐུན་མོང་ལ་དབང་བའི་ཚོང་ཟོག་ནགས་ཚལ་མུའུ་ཁྲི108.39ཡོད།དེ་བཞིན2013ལོ་འཁོར་གྱི་རང་བྱུང་ནགས་ཚལ་ཐོན་ཁུངས་ཀྱི་སྲུང་སྐྱོང་ལས་གྲྭའི་རང་བཤེར་ལས་ཀ་ཡང་ལེགས་གྲུབ་བྱུང་བ།དེ་མིན2014ལོའི་རང་བྱུང་ནགས་ཚལ་སྲུང་སྐྱོང་ལས་གྲྭའི་སྤྱི་ཕན་ནགས་ཚལ་འཛུགས་སྐྲུན་རྣམ་གྲངས་ཀྱི་འཆར་གཞི་བཀོད་ཟིན།དེའི་ནང་ལས་མིས་བཟོས་ནགས་སྐྲུན་ལ་མུའུ་ཁྲི2དང་།རི་རྒྱ་ནགས་བཟོར་མུའུ་ཁྲི5ཡོད།རང་བྱུང་ནགས་ཚལ་སྲུང་སྐྱོང་ལས་གྲྭའི་རིགས་སོ་སོའི་གཞི་གྲངས་གོང་ཞུའི་ལས་ཀ་བསྒྲུབས་ཟིན་པ་རེད།
       རྫོང་ནགས་ལས་ཅུས་ཀྱི་འགན་འཁུར་བས“རང་བྱུང་ནགས་ཚལ་སྲུང་སྐྱོང་དོན་འཁྱོལ་བྱེད་པ་ནི་རྒྱུན་མཐུད་འཕེལ་རྒྱས་ཀྱི་གལ་ཆེའི་འཐབ་ཇུས་ཤིག་ཡིན་པས།ད་ལོའི་ལོ་སྨད་དུ་རྫོང་ནགས་ལས་ཅུས་ཀྱིས་ནགས་ལས་འཕེལ་རྒྱས་ཀྱི་གོ་སྐབས་བཟང་བོ་དམ་འཛིན་བྱས་ནས་གོམ་གང་མདུན་སྤོས་ཀྱིས་རང་བྱུང་ནགས་ཚལ་སྲུང་སྐྱོང་ལས་ཀ་ཇེ་དྲག་ཏུ་གཏང་རྒྱུ་རེད།”ཞེས་ཟེར་བ་རེད།