སེམས་ཀྱི་ཉི་ཟླ་བོད་ཡིག་དྲ་བའི་འཕྲིན།  ཟླ6པའི་ཚེས23ཉིན། འབའ་ལུང་རྫོང་སློབ་གསོ་དང་སློབ་ཁྲིད་ལྟེ་གནས་ཀྱིས་སློབ་འབྲིང་དགེ་རྒན་གྱི་སེམས་ཁམས་བདེ་ཐང་གི་སློབ་གསོའི་གསོ་སྦྱོང་བྱས་པ་རེད། གསོ་སྦྱོང་གི་དམིགས་ཡུལ་ནི་འབའ་ལུང་རྫོང་གི་སློབ་གསོ་དང་སློབ་ཁྲིད་ལས་དོན་བདེ་ཐང་ངང་འཕེལ་རྒྱས་ཕྱིན་ཏེ། རྫོང་ཡོངས་ཀྱི་ལྟེ་གནས་སློབ་ཆུང་སོ་སོ་དང་། བྱིས་གསོ་ཁང་གི་ཡོའན་ཀྲང་། འབའ་ལུང་སློབ་འབྲིང་དང་པོ་དང་གཉིས་པ།  གསུམ་པ་བཅས་ཀྱི་དགེ་རྒན་ཡོངས་ཀྱི་སེམས་ཁམས་བདེ་ཐང་དང་། ལས་གནས་དང་ལས་རིགས་ལ་དགའ་ཞེན། དགེ་རྒན་གྱི་ཀུན་སྤྱོད་བཅས་ཀྱི་ཐད་ལ་གསོ་སྦྱོང་བྱ་ཆེད་ཡིན། 
        གོ་རྟོགས་ལྟར་ན། ཐེངས་འདིའི་གསོ་སྦྱོང་གིས་ཁུན་མིང་ཞི་ཧྲང་ཆུས་ཀྱི་སློབ་གསོའི་ཚན་ཞིབ་ཆ་འཕྲིན་གསོ་སྦྱོང་ལྟེ་གནས་ཀྱི་ཆེད་མཁས་རུ་ཁག་གདན་འདྲེན་ཞུས་པ་དང་། ད་ལྟར་སྐབས་སུ་བབས་པའི་དགེ་རྒན་རྣམས་པའི་སེམས་ཁམས་བདེ་ཐང་ལ་དམིགས་ནས་ཆེད་གཉེར་གསོ་སྦྱོང་བྱས་ཤིང་སློབ་གྲྭ་ར་བའི་རིག་གནས་འཛུགས་སྐྲུན་སྐོར་གྱི་ཆེད་གཉེར་འཆད་ཁྲིད་བྱས་པ་རེད།
        ཐེངས་འདིའི་གསོ་སྦྱོང་དུས་ཡུན་ཉིན3ཡིན་ཞིང་། ལས་སྒོ་བྱ་འགུལ་འགལ་ཆེན་ཞིག་ཡིན་ཏེ། འབའ་ལུང་རྫོང་གི་སློབ་འབྲིང་དགེ་རྒན་གྱི་སེམས་ཁམས་བདེ་ཐང་སྐོར་གྱི་གསོ་སྦྱོང་ཞིག་ཡིན་པ་མ་ཟད། འབའ་ལུང་རྫོང་གི་སེམས་ཁམས་བདེ་ཐང་སློབ་གསོའི་སློབ་སྦྱོང་དང་སྤེལ་རེས་བྱེད་པའི་གོ་སྐབས་བཟང་པོ་ཞིག་ཀྱང་ཡིན།   གསོ་སྦྱོང་དེས་འབའ་ལུང་རྫོང་གི་སློབ་འབྲིང་དགེ་རྒན་གྱི་སེམས་ཁམས་བདེ་ཐང་སློབ་གསོར་སྐུལ་འདེད་ངེས་ཅན་ཞིག་གཏོང་ཡོད།