2001ལོའི་ནས་བཟུང་།དར་མདོ་རྫོང་གིས་རིམ་བསགས་ཀྱིས་རྩིས་ན་མ་དངུལ་སྒོར་དུང་ཕྱུར2.2བཏང་ནས་དབུལ་སྐྱོར་གསར་སྦོལ་རྣམ་གྲངས་ལགས་བསྟར་བྱས་པ།ཞིང་འབྲོག་ས་ཁུལ་གྱི་རྨང་གཞི་སྒྲིག་ཆས་འཛུགས་སྐྲུན་དང་སྤྱི་ཚོགས་བྱ་གཞག་འཕེལ་རྒྱས་ལ་ལེགས་བཅོས་ཆེན་པོ་བྱུང་བ།རྫོང་ཡོངས་ཀྱི་ཞིང་འབྲོག་མང་ཚོགས་ཁྲི6.8ལ་ཐད་ཀར་ཡང་ན་གཞན་རྒྱུད་ཀྱི་ཕན་ཐོགས་པ་རེད།
     རྨང་གཞི་སྒྲིག་ཆས་ལ་ལེགས་བཅོས་བྱུང་བ།དབུལ་སྐྱོར་གྲོང་གསར་53འཛུགས་སྐྲུན་གྲུབ་པ།དབུལ་སྐྱོར་དང་ཁ་གཏད་རོགས་སྐྱོར་རྣམ་གྲངས་500ལག་བསྟར་བྱས་པ།རིམ་བསགས་ཀྱིས་བརྩིས་ན།གྲོང་བགྲོད་གཞུང་ལམ་སྤྱི་ལེ་630གསར་རྒྱག་དང་ལེགས་བཅོས་བྱས་པ།གྲོང་ཚོའི་བགྲོད་ལམ་གཙོ་བོ་དང་དུད་ཚང་འབྲེལ་བའི་ལམ་གཞུང་ལམ་སྤྱི་ལེ200སྲ་བཟོ་བྱས་པ་དང་།ཟམ་པ100བསྐྲུན་པ།མི་གྲངས་ཀྱི་ཉེད་མེད་འཐུང་ཆུའི་རིགས་སྣ་ཚོགས་ཀྱི་འགྱིག་མདོང་སྨི་སྟོང་ཕྲག་250སྒྲིག་སྦྱོར་བྱས་པ་དང་།ཕྱུགས་ཟོག་གི་ཆུ་གསོག་རྫིང་བུ་ཁག280བསྐྲུན་པ།ཞིང་འབྲོག་ས་ཁུལ་གྱི་དབུལ་ཕོངས་མང་ཚོགས་དུད་ཚང་5000སྡོད་ཁང་གསར་རྒྱག་ལེགས་བཅོས་བྱས་པ།ཉི་གློག་གསལ་སྒྲོན་ཆ775སྤྲད་པ།ཉི་གློག་ཆུ་ཚ་འཕྲུལ་ཆས1389ཁྱབ་གདལ་བཏང་བ།
     ཁྱད་ཆོས་ལྡན་པའི་ཐོན་ལས་རིམ་བཞིན་ཆགས་པ།ཧུར་ཐག་གིས་ཁེ་ལས་ཐོག་རྟེན་གཞི་བསྣན་པའི་ཞིང་དུད་དང་ཁེ་ལས་ཐོག་ཆེད་དུ་བཟང་སྒྲུག་རྩ་འཛུགས་བསྣན་པའི་ཞིང་དུད་བཅས་ཀྱི་བདག་གཉེར་གྱི་མ་དཔེ་འཚོལ་ཞིབ་བྱས་པ་དང་།ཞིང་ཆེན་རིམ་པའི་ཁེ་ལས2དང་ཁུལ་རིམ་པའི་སྣེ་ཁྲིད་ཁེ་ལས2སྟོབས་ལྡན་བྱས་པ།ཆེད་དུ་བཟང་སྒྲུག་བྱས་པའི་རྩ་འཛུགས12བཙུགས་པ།ནས་དང་སྔོ་ཚལ་སོགས་ཁྱད་ཆོས་ལྡན་པའི་འདེབས་འཛུགས་རྟེན་གཞི་མུའུ་ཁྲི2.8དང་།ཁྱད་ཆོས་ལྡན་པའི་རྟེན་གཞི3བཙུགས་པ།ཐོན་ལས་ཀྱིས་དབུལ་སྐྱོར་བྱེད་པའི་ནས་སོན་བཟང་ཁྱད་གདལ་བཏང་བ་དང་།འགྱིག་ཤོག་འོག་ཏུ་སྔོ་ཚལ་དང་།གཡེར་མ།སྟར་ཀ།སོགས་འདེབས་འཛུགས་རྣམ་གྲངས་དང་མཐོ་སྒང་གི་འབྲི་གཡགའཕེལ་སྟོབས་ཆེ་བའི་ཕག་སོགས་གསོ་སྤེལ་ལས་སྒོའི་རྣམ་གྲངས་ཁྱོན་བསྡོམས18ལག་བསྟར་བྱས་ནས་2010ལོར་ཞིང་འབྲོག་པ་མི་རེར་ཡོང་འབབ་ཁེར་གཙང་སྒོར3386ཐོག་སླེབས་པས།ན་ལོའི་དུས་མཉམ་ལས་བརྒྱ་ཆ22.6འཕར་བ།
     སྤྱི་ཚོགས་བྱ་གཞག་གཅིག་གྱུར་འཕེལ་རྒྱས་བྱུང་བ།དུད་ཚང610དང་མི2745ཡུལ་མི་གནས་སྤོ་དབུལ་སྐྱོར་བཀོད་སྒྲིག་བྱས་པ།མིའི་ཐེངས་གྲངས1000ལྷག་ཙམ་ལ་ངལ་རྩོལ་ལས་སྤོ་དང་ལས་ཞུགས་སྦྱོང་བརྡར་བྱས་པ།གཞི་རིམ་སྲིད་དབང་འཛུགས་སྐྲུན་དང་ཤང་གྲོང་སྲིད་གཞུང་གི་ཕྱོགས་བསྡུས་ཐོག་ཁང7བསྐྲུན་པ།སྔོན་གྱི་ཆུས་ལས་སྒྲུབ་ཨུ་ལྷན་གྱི་གཞུང་ལས་ཁང4གསར་རྒྱག་བསྒྱུར་བཀོད་བྱས་པ།ཤང་དང་གྲོང་རྡལ་གྱི་མངགས་གཏོང་ཁང3དང་གཞི་རིམ་ཁྲིམས་ཁང4གསར་རྒྱག་བྱས་པ།ཤང་དང་གྲོང་རྡལ་གྱི་འཕྲོད་བསྟེན་ཁང5དང་གྲོང་ཁུལ་གྱི་སློབ་གྲྭ་འབྲིང་ཆུང་གི་སློབ་ཁྲིད་ཁང་གི་ཕྱོགས་བསྡུས་ཐོག་ཁང11གསར་རྒྱག་དང་རྒྱ་སྐྱེད་བཏང་བ་དང་།དབུལ་ཕོངས་སློབ་མ་མིའི་ཐེངས་གྲངས10200ལ་འཚོ་བའི་ཁ་གསབ་རོགས་དངུལ་སྟེར་པ།ཁ་གསབ་རོགས་དངུལ་སྒོར་ཁྲི430.1ལག་ཏུ་སྤྲད་པ་རེད།
     དབུལ་ཕོངས་མི་གྲངས་ལོ་རེ་བཞིན་ཉུང་དུ་ཕྱིན་པ།ཤུགས་ཆེན་པོས་ཞིང་འབྲོག་ས་ཁུལ་གྱི་ཆེས་དབུལ་ཕོངས་ཡིན་པའི་མང་ཚོགས་ལ་འཚོ་བའི་རྒུད་སྐྱོར་རྣམ་གྲངས་ལག་བསྟར་བྱས་ནས་དབུལ་སྐྱོར་བྱ་ཡུལ་མིའི་ཐེངས་གྲངས་ཁྲི4.5ལ་རྒུད་སྐྱོར་མ་དངུལ་སྒོར་ཁྲི1600.99སྤྲད་པ།རྫོང་ཡོངས་ཀྱི་དབུལ་ཕོངས་མི་གྲངས་དེ2000ལོའི་མི53997ནས2010ལོའི་བར་མི་གྲངས20000ཉུང་དུ་ཕྱིན་པ།རིམ་བསགས་ཀྱིས་བརྩིས་ན་དབུལ་ཕོངས་མི་གྲངས33997ལ་ཐོན་སྐྱེད་དང་འཚོ་བའི་ཆ་རྐྱེན་ལེགས་བཅོས་བཏང་བ་རེད།