བྲག་འགོ་རྫོང་གི་ཤང་དང་གྲོང་རྡལ་16དང་ཡུལ་མིའི་ཨུ་ཡོན་ལྷན་ཁང་4ཡིས་ཟླ་བ་11པའི་ཚེས་1ཉིན་ཞོགས་པའི་ཆུ་ཚོད་9པའི་ཐོག་དུད་ཚང་དུ་ཕྱིན་ནས་ཐོ་འགོད་བྱེད་འགོ་བཙུགས། རྫོང་དེར་མི་གྲངས་ཡོངས་ཁྱབ་ཞིབ་བཤེར་གྱི་ཁྲིད་སྟོན་མི་སྣ་དང་མི་གྲངས་ཡོངས་ཁྱབ་ཞིབ་བཤེར་གྱི་མི་སྣ་ཁྱོན་བསྡོམས་435ཐོ་འགོད་བྱེད་པའི་ལས་ཀ་ནང་ཞུགས་པ་རེད།  མི་གྲངས་ཐོ་འགོད་བྱ་རྒྱུ་ཆད་ལུས་འགྲོ་བར་སྔོན་འགོག་བྱེད་ཆེད་མི་གྲངས་ཡོངས་ཁྱབ་ཞིབ་བཤེར་གཞུང་ལས་ཁང་གིས་སྤྱི་བདེ་དང་དམངས་སྲིད་སྡེ་ཁག་གི་མི་སྣ་20ལྷག་དང་མཉམ་འབྲེལ་བྱས་ནས་རྫོང་ཡོངས་ཀྱི་མངའ་ཁོངས་ནང་གི་ལམ་ཐག་སྤྱི་ལེ་10ལྷག་གི་འགྲུལ་ཞུགས་མི་གྲངས་ལ་ཡོངས་ཁྱབ་རང་བཞིན་གྱི་ཞིབ་བཤེར་ལས་ཀ་སྤེལ་བ་དང་།གཏན་འཇགས་ཀྱི་སྡོད་གནས་མེད་པའི་མི་སྣ་4གཙང་བཤེར་བྱས་པ་རེད།