ཞིན་ཧྭ་གསར་འགྱུར་ཁང་པེ་ཅིན་ནས་ཉེ་ཆར་འབྱོར་བའི་གཏམ་གསར། ཀྲུང་དབྱང་རྩ་འཛུགས་པུའུ་དང་། ཀྲུང་དབྱང་ཐབས་ཕྱོགས་གཅིག་གྱུར་པུའུ། རྒྱལ་ཁབ་མི་རིགས་དོན་གཅོད་ཨུ་ཡོན་ལྷན་ཁང་བཅས་ཀྱིས་ཐུན་མོང་དུ2014ལོའི་ནུབ་རྒྱུད་ས་ཁུལ་དང་དེ་མིན་གྱི་གྲངས་ཉུང་མི་རིགས་ས་ཁུལ་གྱི་གནས་སྦྱར་སྦྱོང་བརྡར་བྱེད་ཡོང་མཁན་ལས་བྱེད་པའི་སྦྱོང་བརྡར་ཚོགས་འདུ་དེ་ཟླ་བ3པའི་ཟླ་མཇུག་ཏུ་པེ་ཅིན་དུ་འཚོགས། ཞིང་ཆེན་དང་རང་སྐྱོང་ལྗོངས། ཐད་སྐྱོང་གྲོང་ཁྱེར། ཞིན་ཅང་འཛུགས་སྐྲུན་དམག་ཚུགས་བཅས་ནས་ཡོང་བའི་འགན་ཁུར་ལས་བྱེད་པ240སྦྱོང་བརྡར་ནང་ཞུགས་ཡོད།
    དུས་ཡུན་ཉིན་གསུམ་རིང་གི་སྦྱོང་བརྡར་ནང་། གནས་སྦྱར་སྦྱོང་བརྡར་ཡོང་མཁན་ལས་བྱེད་པ་ཚོས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གནང་བའི་གསུང་བཤད་གལ་ཆེན་རབ་དང་རིམ་པའི་སྙིང་དོན་དང་། ཏང་གི་ཀུན་སྤྱོད་འཛུགས་སྐྲུན་ལ་ཤུགས་སྣོན་རྒྱག་པ། རྒྱལ་སྤྱིའི་རྣམ་པ། མི་རིགས་ཆོས་ལུགས་ལས་ཀ་སོགས་ལ་ཆེད་དོན་གྱི་སློབ་སྦྱོང་བྱས་ཡོད། སྦྱོང་བརྡར་བྱས་རྗེས་གནས་སྦྱར་སྦྱོང་བརྡར་བྱེད་ཡོང་མཁན་གྱི་ལས་བྱེད་པ240ཚང་མས་ཀྲུང་དབྱང་གི་རྒྱལ་ཁབ་ལས་ཁུངས་དང་རྒྱལ་དབང་གི་རྐང་འཛིན་ཁེ་ལས་གཙོ་གནད་དུ་ཕྱིན་ནས་ལོ་གཅིག་རིང་གི་གནས་སྦྱར་སྦྱོང་བརྡར་བྱ་རྒྱུ་ཡིན་པ་རེད།
    ནུབ་རྒྱུད་དང་དེ་མིན་གྱི་གྲངས་ཉུང་མི་རིགས་ས་ཁུལ་གྱི་ལས་བྱེད་པ་བདམས་མངག་བྱས་ཏེ་གནས་སྦྱར་སྦྱོར་བརྡར་བྱེད་འཇུག་པའི་ལས་ཀ་དེ1990ལོ་ནས་འགོ་བཙུགས་ཡོད། ད་ལྟའི་བར་ལས་བྱེད་པ་ཁྱོན་བསྡོམས7529གནས་སྦྱར་སྦྱོང་བརྡར་ནང་ཞུགས་ཡོད་པ་རེད།