བོད་རང་སྐྱོང་ལྗོངས་ལྷོ་ཁ་ས་ཁུལ་གངས་དཀར་རྫོང་ལྕེ་བདེ་ཞོལ་གྲོང་རྡལ་ནི་སྐད་གྲགས་ལྡན་པའི་བོད་ལུགས་སྤང་གདན་དང་ཕྲུག་ཐོན་སའི་ས་གནས་ཤིག་ཡིན་ལ།བོད་ལྗོངས་ཀྱི་གནག་ཕྱུགས་ཁུ་ལུ་དང་བལ་གྱི་ཐོན་རྫས་ལས་སྣོན་བྱ་ཡུལ་ཡང་ཡིན་པ་རེད།ས་གནས་འདི་ནས་ཐོན་པའི་བོད་ལུགས་སྤང་གདན་དང་ཕྲུག་བཟོ་ལུགས་སྤུས་དག་ཡིན་ཞིང་།བཟོ་ལུགས་དང་དོད་ཆེན་བས།   རྒྱལ་ཁབ་དང་བོད་རང་སྐྱོང་ལྗོངས་ཀྱིས་དེར་སྤུས་དག་གི་ཐོན་རྫས་ཞེས་པའི་མཚན་སྙན་ཐེངས་མང་པོ་གནང་ཡོད།ཉེ་བའི་ལོ་ཤས་རིང་བོད་ལྗོངས་ཀྱི་ལྗོངས་རྒྱུ་ལས་རིགས་གོང་འཕེལ་བྱུང་བར་བརྒྱུད།ལྕེ་བདེ་ཞོལ་གྲོང་རྡལ་གྱིས་བོད་ལུགས་སྤང་གདན་དང་ཕྲུག་གིས་རྒྱུ་ཆ་གཙོ་བོ་བྱས་པའི་ལྗོངས་རྒྱུ་ཐོན་རྫས་་གསར་སྦོལ་ཧུར་ཐག་བྱས་ཏེ་ཞིང་པའི་ལོ་རེའི་ཡོང་འབབ་འཕར་སྣོན་ཆེས་ཆེར་འཕར་ཡོད་པ་རེད།  མིག་སྔར།  གྲོང་རྡལ་ཡོངས་ཀྱི་ཁྱིམ་དུད600ལྷག་ཚང་མས་སྡོད་ཁང་གསར་པ་བཀབ་ཡོད་ལ། ཁྱིམ་དུད་མི་ཉུང་བ་ཞིག་གིས་ཁྱིམ་སྤྱོད་རླངས་འཁོར་ཡང་ཉོས་ཡོད།    གནའ་སྔ་མོའི་ཕྲུག་གི་འཁེལ་ཐག་བཟོ་རྩལ་དེས་ལས་ལ་བརྩོན་པའི་ལྕེ་བདེ་ཞོལ་གྲོང་རྡལ་གྱི་མི་ཚོ་སྣེ་ཁྲིད་དེ་འབྱོར་འབྲིང་འཚོ་བ་རོལ་བའི་ལམ་བུར་བསྐྱོད་པ་དང་སྐྱོད་བཞིན་ཡོད་པ་རེད།